السلام عليكم
والله يا اخوان طفح الكيل
معارض الشفا والنسيم اغلبهم والله اسعارهم نار على مواتر اقسم بالله ما تسوا هالاسعار
كلهم متفقين على اسعار موحدة
المضحك اني ادور لي 3 اسابيع النترا 2010 وربي كل المعارض مسعرة سعر واحد
37 الف طبعا اوتو بس الباقي ستاندرد لا كشافات ولا اشارات مرايا ولا جنوط وفوقها ممشى كثير وحكات ورش وسمكرة
وهالسعر لاي سيارة مهما بلغ ممشاها او نظافتها او لونها !!
يعني في معرض دخلته عنده 20 سيارة النترا 2010 يختلفون عن بعض باللون والممشى ونظافة البدي
والمضحك كلها نفس السعر 37 الف ومافي مجال للمفاصلة مطلقا !!
والله مسخرة ومهزلة
ياريس فل 2008 تسوا 31500 الف !!
ولا معرض ثاني 2007 يقول 32 الف
كل المواتر على كذا اسعار نار جدا وطمع وغش ونصب
امس كنت ناوي على سوناتا 2006 ليميتيد راعي المعرض يقول نظيفة وعالفحص ومدري ايش وماشي 45 واتفقنا على 37 الف ورحت جبتله العربون وقلتله يلا نوديها نفحصها بمحطة ساسكو لاني اثق فيهم وقد فحصت عندهم قبل
قالي لا في ورشة يعرفها بوديني عليها قلتله لا ابي ساسكو قال ساسكو متمشكل معهم ومن الكلام الفاضي هذا يبي يوديني على ورشة على كيفه ومزاجه من زود النصب !!
سحبت عليه ومشيت
والله يا اخوان اخلاق زفت ونصب وغش مدري كيف هالناس عايشة بالحرام كذه
صحيح كل شخص حر بالسلعة اللي يبي يبيعها بس هذا سوق المفروض يكون فيه رقابة عالاسعار
لانها مبالغ فيها بشكل مو طبيعي خصوصا المعارض
لا حول ولا قوة الا بالله
اللي يعرف معرض محترم وعنده النترات نظيفة 2010 وبسعر ما يتجاوز 35 يدلنا
