سياره جديده ... ايش احتاج لعنايتها ؟؟

اهم شي التظليل حماية لداخللية السيارة من التشقق والبهتان

ادخل موضوعي لو تبي بسعر رخيص

ثانيا حماية الشمعات الامامية فقط من الترميل بدون الواجهة والكلام الفاضي لان حماية الواجهة اذا ما كانت على كامل الواجهة راح يكون شكلها باااايخ وانا راكبتها وفكيتها ما عدا الاسطبات

الاخ صاحب صنعة, كلامك سليم تماما لكن اعتقد الضمان مهم للسنة الاولى على الأقل, لا سمح الله لو السيارة فيها عيب مصنعي.

الله يعطيك خيرها ويكفيك شرها والسيارات توافيق

بنسبه لى والله ما اوديها شركتها للصيانه الدوريه لانه استغلال للناس وممكن يخربو مايصلحو

غير زيت 3000-4000 وفلتر هواء كل 20000-30000 كيلو وبواجى كل سنه مرة واحده وفلتر البنزين كل سنه اذا السيارة ماعليها ضغط خطوط او كل 6 شهور
وانتبه دائما لماء الراديتور بشكل دوري لو كل اسبوع مرة وتابع التهريبات تحت السيارة كل تغييره زيت ولاتغسلها كثير لانه يصدى بالسيارة ويزيل لمعه البويه الخارجية

شيك على الفحمات بشكل دوري وحسب الاستخدام


وحافظ على السرعه المعتدله لاتعرضها للسرعات العاليه

حاول ما يسوق السيارة غيرك ابدا

باذن الله تجلس معك السيارة 4 سنوات بدون مشاكل تذكر وانتبه من الوكالات تخرب وماتصلح

عن تجربه

كل مارحت قال خرط هوبات .........

وموفق

بالنسبة للدعاسات شوف وكالة سيارتك لو توفر نوع اصلي, توقع السعر بحدود 400 ريال, طبعا هذا لو السيارة ما معها دعاسات اصلا.
بالنسبة للي طلبتها نعم جودتها ممتازة لكن السعر مرتفع, لو تحصل عند الوكالة ارخص لك.

الله يبارك فيك اخوي " زاهي العين" :xyxthumbs:
كيف تقيم تجربتك مع جيوشيلد ؟؟:confused1:

شكرا اخوي "كامري f" :xyxthumbs:

يعطيك العافيه اخوي :xyxthumbs:
تقصد بالارضيه اللي تحت الدعاسات
وكيف كانت جودتها .. وبالسعر هذا هل ممكن تحصل هنا ؟؟

اولا يعطيك خيرها ويكفيك شرها مبروك
بعطيك بعض النصائح أنا سويتها على سيارتي
تظليل عازل من ماركه محترمه على سبيل المثال ٣ام او لومار او جيوشيلد الخ
تغليف دعاءات السياره
تغليف صدام السياره بمادة البلاستك تحميك من التغبير
في شي جديد ماده اسمها نانو سراميك في جيوشيلد لحماية بدي السيارة من الدواير حق الغسيل ومخلفات الطيور والاغبره.
هذا الي في بالي الان

مبروك السيارة الله يعطيك خيره ويكفيك شره
لبس الارضية نايلو ونجد المقاعد وكيس الابواب
وان شاء الله ماتحتاج غير هذي
طبعا للمحافظه