ماالأفضل جمس (يوكن أو تاهو ) ولا جيب VXR

محب GMC

وانت الصادق .! وانا عند خويي لاند 2008 وباعه هالسنه وخذ يوكن قال الاند مو للعايله الاند حق طلعات البر بس

أنت شكلك تبي تسوي حركة أحد أقربائي
أشترى لاندكروزر ستيني
يوم ركب الدينالي
ندم ندم ندم عليه
وخصوصا ان الي أخذه أغلى من الدينالي

كل شي لصالح الجمس
ما عدا السعر عند البيع فقط
لصالح اللاند

مشكورين

الله يبيض وجيه الي ساهموا معانا :ch19:

الاند واليوكن

كلها سيارات ممتازه

استخر الله وشوف وش يناسبك من ناحيه السعر + المواصفات + الراحه + المساحه

اذا تبي حق طعوس وسفريات وراحة خذ تاهو Z71 هذا مخصص للاماكن الوعرة
ويجيك مرفع من بلده وواجه روعه ولا لحية يجيك على قولتهم مجهز
ورخيص اما الفكس 260 الف 2011 بدون جلد مع الجلد 270 الف واذا تبي اقساط دفعه 140 الف ومؤخر 86 الف يسير قسطك الشهري 3500 سالتهم قدام 2 اسبوع وعاد مانزل 2012 ممكن 300 وفوق خذ الرخيص اقوى واكشخ وتوكل على الله
واهم شي صلاة الاستخارة

اخوي انا جربت اليوكون الدبل واللاند كروزر ال جي اكس ار ,, خذ اللاند كروزر ولا تشاور قوة ومتانه وهيبة ,, مشكلة الجمس يتعلق في الطعوس ,, إذا تبي جمس خذ بدون دبل واستخدمه داخل البلد ,, لكن استخدام الجمس في الطعوس ما ينفع ولا بريال وانا مجرب الإثنين ,, انا عندي ونش في اللاند كروزر اكثر ما اسحب جمسات احصلها متعلقة واتلاها الإسبوع الماضي ,, ومشكلة الجمس لا تعلق ثقيل حتى في السحب يعني إذا ما عندك ونش من الصعوبة بمكان انه يطلع وإذا غرز لا يمكن ان دبله يخرجه من التغريزه بسهولة عكس الجيب .

ياخوي اذا عندك شده للفكسار ليه تفكر بين اليوكن والفكسار .!؟ انا اقول روح اجر او خذ من اقاربك او تجربه دينالي وبرضوو روح جرب الفكسار وبتلاحظ الفرق !.! الدينالي وحشش فخامه ورساوه ومكيف وقوه مو بسيطه .!

بالنسبه للوزن اليوكون وزنه 3311 والفكسار وزنه 3300 يعني اليوكون زايد 11 غرام بس
المحرك الفكسار الجديد 2011 محركه اقوى
اليوكون دفرنس والفكسار فريول
اليوكون توفير للبنزين اكثر
في البر اثنينهم يجملون ودبلهم قوي
السعر لصالح اليوكون
الراحه اليوكون
اليوكون والفكسار اعطالهم قليله

اذذا انت راعي بر خذ التاهو z71 يجيك من بلده مفروع من قدام ومخصصته شفروليه لاف رود

vxr 8 سلندر ..

الامريكي راحة وسعة .. لكن الجيب وحش في البران

بالنسبه للمكينه فاليوكن 5.3 بقوة 320 حصان والتاهو نفس الكلام
اما اللاندكروزر فيجي نوعين 4.7 بقوة 260 حصان والثاني 5.7 بقوة 360 حصان
ومع ذلك الجمس يروح على اللاند قومه وخط 5.7 وهذي بالحالها لها مقاطع فيديو
اما بالنسبه للشكل فاليوكن والتاهو بجميع الفئات يتفوقون على اللاند الا الفكسار اما
الدينالي والLTZ فهم يتفوقون وبالراحه على الفكسار اما الرساوه والراحه والمزايا
فالامريكي يحكي عن نفسه والجموس يجي فيها دبل وقوي ايضا وبالنسبه للسعر فاليوكن والتاهو ارخص بحوالي 80 الف ومدري على ايش والاعتماديه والسعر بعد البيع للاند كروزر بجميع فئاته والكرف ما يحتاج وقلة الخرابات وهذي النقاط تحسب
للاندكروزر صراحه وانا طبعا اتكلم عن تجربه للسيارتين الجمس والجيب الجمس
يستاهل كل ريال يندفع فيه واعجبني لدرجة اني بعت اللاند وانا صراحه انتظر سييرا
2012 علشان اشتريه لانه صراحه اطلق من الشاص وابد الله يوفقك لكن بما انك
تقول راعي تغاريز فخذ اللاند كروزر وبما انك راعي خطوط فاليوكن والتاهو افضل

وعليكم السلام آرحب

شف ي بعد رآسي كلآم سمعنآه ونكرره كثير

ان بغيت تبيع علي قولتهم شيلك بالمخبي vxr

ان بغيتها كد ومد وكرف vxr

واذا بغيتها رزه وتطعيس برضو vxr

لاكن رآحه وموتر العآئله الاول .. يوكن

والله اعلم


موفق باذن الله