فورد 2003 سعودي وزيت الدفرنس

aq9933 @user_71619 · 12-11-2011

مساء الخير شباب
انا عندي فورد 2003 وحصل له مشكلة من كم يوم اسمع صوت طقة في الكفر الخلفي الايمن
بس مع الوقت صارت الطقة مستمرة مما اضطرني اوقف
ولما شيكت لقيت زيت طالع على الجنط من الداخل

هذي المشكلة قد صارت لي قبل كم سنة
ورحت لواحد وقال لي تغيير عكوس

عندي استفسارين
احد عنده حل ثاني

واذا فعلا تغيير عكوس
احد يعرف ورشه كويسه في الشغلات ذي في صناعية الخبر

وكم تتوقعون تكلفتها

ولكم مني الشكر الجزيل

عبدالعزيز 8 @user_231972 · 13-11-2011

بالنسبة للحكه مكان الرمان انا رأيي تعرض العكس على المخرطه ممكن تفيدك او شويه صنفره تفي بالغرض.

بالتوفيق يالغالي

M~أمير بكلمتي~M @user_58367 · 13-11-2011

السلام عليكم ورحمة الله

بخصوص خروج زيت فالمشكلة من الصوفة ولكن يجب فحص العكس انه سليم ولا يوجد فيه حكوك او طعجات

لان وقتها تحتاج الى تغيير العكس كامل لانها المسببه في خروج الزيت وظهور صوت الطقه

أخوكـ

aq9933 @user_71619 صاحب الموضوع · 12-11-2011

عبد العزيز
ما قصرت حبيب قلبي

المرة اللي راحت صارت لي نفس المشكلة
وغيرت العكس

لان الرمان حك في العكس بس ما انطعج والاسنان سليمة
والحكة بعد ماهي كثير مسوية حزام على العكس محفور يمكن 1 ملم او اقل

اذا كان العكس محكوك هل لازم اغيره

ومشكور على كل حال

عبدالعزيز 8 @user_231972 · 12-11-2011

تحتاج تغيير رمان العكس وصوفة العكس
وبما انهم بيفكون غطاء الدفرنس ويفرغون الزيت ويفكون العكسين فغير رمان العكوس مع صوفهم وهي رخيصه .
ولا تصدق كلام الورش بقولهم غير العكوس الا اذا شفتها بعينك مطعوج او مسنناته متأكله
وهي قليله الخراب

وانصحك بوضع زيت دفرنس اصلي مع محلول مانع الاحتكاك طبعاً تشتريهم قبل تروح للميكانيكي .
وشغل يده على كل هالشغل بحدود ال150 الى 250 وانت وشطارتك.

موفق اخوي