محتار بين الدرانجو و الاكسبلورر ياليت تساعدونى.

الحين الاكسبلورر الفل بــ 178 الف . والله قهر فيه السعر .. يعني 180 الف ..

الان الشركه الام كلموني ووعدني يعطوني سياره بديله حتى يحلون المشكله ومازلت انتظر اتصال من المتحده للسيارات فرع شارع الدمام الخبر السريع وماحد عطاني خبر


وهذا رابط فيديو يوضح جزء من المشكله

http://www.youtube.com/watch?v=U3j5K-qxhxQ&feature=youtube_gdata_player

شاكر لكم على الاهتمام

هلا بك اخوي

انا اوافقك في بعض الامور واختلف معك في بعضها

اولا ماي فورد تش صحيح انه نظام ترفيهي وانا ذكرت في ردي فوق ان الدورانجو تتفوق من ناحيه القوة لكن انا ماني لا راعي بر ولا راعي سحب سيارات اهم شي عندي سياره عائليه فهذا يعتمد اما بالنسببه للي ذكرته ان ما يوجد فيها نفيقيشن الا يوجد وتوجد الايقونه لكن مشكلتها انها غير مفعله على خرائط الشرق الاوسط للاسف لكن هذا في موديل 2011وانا سالت المندوب وقالي راج ينزل التحديث خلال شهرين فقط باذن الله لموديل 2011 اما الجديده 2012 فهاذي موجود فيها
اما بخصوص تعليقات الشاشه نعم كلامك صحيح وانا كذلك سمعت وهذا من عيوب النظام واتمنى انه ما يصير وياي
اما بخصوص مقطع الفيديو الليا نت حاطه الصوت هذا انا اقدر اسويه بسيارتي الكامري وانا فاتح النافذه واحد ملم وماشي هالسرعه راح يطلع هذا الصوت فهذا مو دليل قد يكون هذا الفيديو مجرد اصطناع لمشكله كما هي الحال بين حروب الشركات يعني مثلا الفيديو اللي انا حطيته المعروف ان الاكسبلورر الجديد دفع امامي
والكفرات القداميه اللي في الفيديو ولا تحركت ولا شي واضح انه ماسك بريك عشان كذا فيه شركات تحارب الشركات الاخرى بمقاطع الفيديو وانا جربت السياره قياده تجريبيه ومشيت فيها الى حد 160 ما طلع اي صوت ولا شي

انا بالنسبه لي عندي مشكله في الاكسبلورر انها مو دفع خلفي زي الدورانجو

وهذا يخدم اكثر في البر حقين رواعي البر او حتى الطرق العاديه اما الدفع الامامي معروف عنه الثبات اكثر وانه ارسى من الخلفي

فهذا يعتمد على حسب حاجه الشخص لها

^^^

ابو لانا ما لقيت العرض ؟ كم رقمه ؟

شوف حبيبي هذا فيديو ثاني يوضح المشكلة و مكانها بعد

http://www.youtube.com/watch?v=7fqLvM_hJZg&feature=player_embedded

و مثل ما قلت أنا من أول .. حلها بسيط على قالوا أصحابها و الله أعلم

و بالنسبة للنفيقشن اللي بالماي فورد ... ترى لنا سنين الله و احنا نسمع بعد شهر .. بعد شهرين ... بشهر 6 في 2011 .. بشهر 11 في 2011 ... السنة الجاية ... مادري وشو
كلووووو تصريف .... طيب اش رايك اذا على موديل 2012 أنا بنفسي سأله عن الأسعار و المواصفات و بلسانه قال ما في نفيقشن !! .. مو تكذيب لك .. لاولله محشوووم ... بس تأكيداً انه كلوووووووو تصرييييف !! و طبعا الاسعار 130 و 148 و 178 وعلى قولة الموظف انه بينزل في 15 /11 /2011 شاشة من دون نفيقشن على قولته !! .. و بالنسبة للـ الأيقونة أنا شفتها بإيدج واحد من العيال بس ما تشتغل بالشرق الأوسط و ان حاولت تسوي بحث تعلق الشاشة !! أنا شفته نظام ماي فورد تتش ... ولله راااائع ... بس اش الفايدة .. أخذه و أنا عارف انه حيخرب !! ننتظر التحديث اللي قالوا عنه و بعدها نشوف يا ايدج يا دورانجو
بالتوفيق

السلام عليكم

اخوي انا معي درانقو 2011 ثمانيه سلندر وفيه صوت بالجير موجود وبصراحه بعد مامشيت عليها 20 الف كيلو الصوت زاد وصار قوي وهي حقيقاً مشكله وخاصه لو تشغل الدبل الصوت يصير مضاعف
سواء من N to D or from N to R اثناء التعشيق فقط
واحياناً تطلع عندي صوت طقه في الدون شفتنق من 3 الى 2

الشركة حتى الان ماعندها حل جذري مجرد برمجه يعملونها بعد كل صيانه تخفف الصوت وبعد فتره يرجع

انا الان رافع عليهم شكوى الى الشركه الام في امريكا اتمنى من جميع ملاك الدرانقو ارسال ايميلات للشركه الام عساس يشوفون لنا حل


السياره في الخط ١٠-١٠ وافضل من التاهو - اللند - الاكسبلورر بكل قوه

السياره داخل البلد ووسط الزحمه ١٠-١٠

التكييف والعزل 9-10

تعامل الوكيل ٣-١٠

قوة العزم ١٠٠٠-١٠ محرك جبار وقوي بكل ماتعنيه الكلمه

الثبات والامان - ٩-١٠

^^^
والله لو تصورها و ترفعها باليوتيوب نكون لك من الشاكرين

هل هو مثل هذا

http://www.youtube.com/watch?v=zO1y4xGaucw

على أساس الكل يستفيد يالغالي

وهل تنصح بشرائها و لا ..؟؟ بصراحة ..؟!

والله كل شي جايز والله يستر من الماي فورد تتش والله انك خوفتني ههههههههههههههههه

وبالنسبه للنفيقيشن حتى انا ما اكذبك اخوي وانا من بكره بروح اتفاهم مع الوكاله عن هذا الموضوع لانه مهم بالنسبه لي واذا قالي نفس كلامك فعلا هذا عيب كبير حرام اقط على سياره 150 الف مافيها نفيقيشن

الي يشتري سياره حلوه ووكيلها سئي مثل الي يمشي بطريق طويل مافيه محطة بنزين
يعني ممكن في اي لحظة تتورط

عشان كذا انا مع الاكسبلولر بقوووووووووووووووووووووه

ماراح احط رقبتي لوكيل سئي وجشع ولا يخدم سيارتي لا بقطع ولا بخدمه وصيانه

الاكسبلولر افضل بكثيييييييير

ولله يالغلا ياليت تتأكد من موضوع النافيقشن و على الماي فورد و جاي ترى الدعوة كلها طف السيارة و شغلها مرة ثانية لان الماي فورد من برمجة شركة مايكروسوفت مثله مثل الاب توب و الكمبيوترات لما تعلق شت داوون على طووول و الله يوفقك معها يارب و يكتب لك اللي فيه الخير

حياك الله اخوي

انا سبق وكتبت نفس موضوعك ... وبصراحة لازالت الحيرة موجودة عندي

السيارتين فيهم مواصفات ومميزات

وإن شاء الله الاخوان يفيدونا ونقرر

بالتوفيق

انا افضل الاكسبلورر والسبب الوكيل أفضل بمراحل
انت ناوي على 7 سنين من الكرف
انا بصراحة مو مقتنع ان الدوج والجيب راح يعطونا راحت بال في هالسبع سنوات

اقولك هالكلام رغم اني مقبل على شراء سيارة جيب بس سبب تأخيري هو الوكيل وسمعته يلي نسمعها من الكل

مافكرت بال مازدا CX9 انا بصراحة كنت ما احترم الياباني بالمررره بس هالسيارة عطتني انطباع ثاني وملفت

صدقني روح الوكالة وجربها انا ولد عمي اخد وحده وزي العسسسسل

أضم صوتي للأخ كاتب الموضوع

الحيرة موجودة لدى الكثير

يا ليت أحد يخبرنا عن فرق أسعار قطع الغيار بين السيارتين؟

انا بعد كنت مثلك محتار

وحجزت الاكسبلورر قبل يومين والحمدلله

اذكر اني شفت مقطع في اليوتيوب تحدي بين الدرانجو والاكسبلورر
http://www.youtube.com/watch?v=NcPRBiKU_Qg&feature=channel_video_title
طبعا انا ما اظن ان المقطع صحيح لان الاكسبلورر شكله ماسك بريك مو جالس يدعس شوف الكفرات ولا كانها تتحرك احس انه مجرد تمثيل

عموما شوف اخوي

الحيره صعبه انا معك

لكن بقولك شي

انت اكتب الايجابيات عندك والسلبيات وشوف الايجابيات اذا كانت اكثر توكل على الله واشترها

يعني انا مثلا عندي الوكيل مهم توكيلات الجزيره غير المتحده اللي توها طالعه حتى موقعهم في الانترنت مافيه ولا شي حاطين لك بس صفحه
اما من ناحيه قوه معروفه الدوج انها قويه وان اغلب قطعها الماني لكنه غاليه
اما من ناحيه المواصفات التقنيه انا اشوف الاكسبلورر افضل خصوصا مع خاصيه ماي فورد تتش وهذا السبب اللي خلاني اخذها بصراحه واصرف النظر عن الدوج
غير كذا ان وكيلها معروف وضمانها حلو

انت حاول تبحث اكثر ويمكن يفيدونك الاخوه
وبالتوفيق

^^^

عفواً حبيبي !! مداخلة بسيطة !!
اذا انت تقارن بين الوكالتين وتقول موقع المتحدة على النت .. وين موقعها الجزيرة على النت ؟!
واذا على ماي فورد تتش تراه مجرد نظام ترفيهي مو أكثر حتى نفيقشن ما فيه !! وعيوبه و مشاكله أكثر من مميزاته .. تعليقات و أحياناً تطفي و ماعاد تشتغل ! أنا يالغلا عكسك تماماً اللي مخلني متررد عن الإيدج هو نظام ماي فورد تتش !! عكس نظام ماي جيج في الدورنجو مانسمع مشاكله و فيه نفيقشن و من أحسن مايكون
على العموم ألف ألف ألف مبروك عليك و الله يعطيك خيرها و يكفيك شرها

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

حبيبي وييلي بالنسبة لموضوعك <<< بدري هههههههههه

من خلال متابعتي لتجارب الأخرين على الانترنت أقدر ألخص لك العيوب للسيارتين

الدورانجو:
أبدا لا تاخذ الـ 6 سلندر منها ... ماحد يمدحها أبدا .. خذ الهيمي 8 سلندر الكل بيقول انه توب بس صرفيته للبنزين عالية مررا .
وفيه حاجة ثانية يعانون منها ملاكها و ملاك الجراند شيروكي اللي صوت طقة مزعجة جداً في القير !! بس الوكالة تقول طبيعية و الأغلبية تأقلموا عليها خلاص وفعلا البعض سيارتهم وصلت 20000 و زي الحلاوة السيارة صلاة على النبي
غير كذا يقولك السيارة هادية ومريحة و راسية و الله أعلم

الإكسبلورر :
يقولك يا طويل العمر فيها مشكلة بسيطة و حلها بسيط .. صوت صفير مزعج على سرعة 80 - 100 وحلها أظن سمكرة أو شي زي كذا بس اللي فهمته ان الحل بسيط و هذا فيديو للمشكلة

http://www.youtube.com/watch?v=rTn_-dWGtPg&feature=player_embedded

و مشاكل في الشاشة وتعليقات و كذا وبس

استخير و الله يكتبلك اللي فيه الخير

اخي صاحب الموضوع .... السيارتين لا زالتا قيد التجربه لانهما جديدتان ع السوق

بس كلن يجر تاريخه معه ..... تاريخ فورد معروف وتاريخ دوج وخاصة عندنا معروف ايضاً ...

اذا انت ما انت راعي بر فليش تاخذ دوج دورانجو هيمي !!!! يعني 50% تقريباً من قدرات ومواصفات السياره ما راح تستخدمها ....

الاكسبلورر عندي افضل ...

في موقع حراج وموقع مستعمل فيه سيارتين دودج دورانجو 2011

الفئة الي تحت الفل كامل 8 سلندر وجلد وفتحة وشاشة ونفقيشن وجنوط 20

مسيومة بـ 125000

وش رايك تشتريه وتجربه ان صلح ولا بعه مرة ثانية

مع العلم ان اسعاره في الوكالة لنفس الفئة 2012 بـ 148 الف ريال

الاكسبلورر عيبه ارتفاع سعره يعني المواصفات الزينة والمعقوله بـ 150 الف ريال

موفق لكل خير

شوف حبيبي هذا فيديو ثاني يوضح المشكلة و مكانها بعد

http://www.youtube.com/watch?v=7fqLvM_hJZg&feature=player_embedded

و مثل ما قلت أنا من أول .. حلها بسيط على قالوا أصحابها و الله أعلم

و بالنسبة للنفيقشن اللي بالماي فورد ... ترى لنا سنين الله و احنا نسمع بعد شهر .. بعد شهرين ... بشهر 6 في 2011 .. بشهر 11 في 2011 ... السنة الجاية ... مادري وشو
كلووووو تصريف .... طيب اش رايك اذا على موديل 2012 أنا بنفسي سأله عن الأسعار و المواصفات و بلسانه قال ما في نفيقشن !! .. مو تكذيب لك .. لاولله محشوووم ... بس تأكيداً انه كلوووووووو تصرييييف !! و طبعا الاسعار 130 و 148 و 178 وعلى قولة الموظف انه بينزل في 15 /11 /2011 شاشة من دون نفيقشن على قولته !! .. و بالنسبة للـ الأيقونة أنا شفتها بإيدج واحد من العيال بس ما تشتغل بالشرق الأوسط و ان حاولت تسوي بحث تعلق الشاشة !! أنا شفته نظام ماي فورد تتش ... ولله راااائع ... بس اش الفايدة .. أخذه و أنا عارف انه حيخرب !! ننتظر التحديث اللي قالوا عنه و بعدها نشوف يا ايدج يا دورانجو
بالتوفيق