الأحد 28 يونيو 2026
عاجل

رجاء مساعدة في اختيار سيارة على متطلباتي وميزانيتي ..

تقييم ومقارنة السيارات
16 رد 3,940 مشاهدة 12 مشارك الأقدم أولاً
i
i.a.i-9 @user_270132 · 16-11-2011
السلام عليكم ورحمة الله وبركاته


أخواني انا طالب اول سنة جامعية وقررت أطلع لي سيارة فأحتاج منكم المساعدة


لأن مالي خبرة كبيرة بالسيارات فقلت استشيركم و ان شاء الله تدلوني لليرضيني :xyxthumbs:


__________________



الميزانية : 100 الف ريال ..



المتطلبات : سيارة كشخة وموتر يعطيك اقل شيء 5 سنوات قدام ولا تكون


أعطاله كثيرة ويكون اما 6 سلندر او 8 سلندر ويكون مريح وحق خطوط واذا جيت


ابيعه لا سمح الله ماتطيح قيمته ..


__________________



لو سمحتوا الي بيرد تكفون لا يحيرني ويقولي سيارة ويطلع لا الله لايهينكم ردوا علي


على شكل هذا النموذج عشان ما احتار واقعد اسأل وادور ..



السيارة :


السعر يبدا من :


سعر الفل كامل :


مميزات السيارة :


عيوب السيارة :


__________________



وشكرا مقدما لكل من يساعدني ويفيدني والله ولي التوفيق ..
أ
أجر الصوت a&s @user_250675 · 23-11-2011
يآلغلآ بخصوص آلسيآرآت

آلأمريكيه و آليآبآنيه

بصرآآحه مآآ عليهآآآآ خوف آآآبد

توكل على آلله آذآ آمريكيه آو يآبآنيه آلسيآآآره

وغير هذي آستشير

ومآآآ خآآآآب من آستشآآآر

وربي يوفقك
N
Night @user_14595 · 20-11-2011
تم نقل الموضوع من منتدى السيارات العام الى قسم التقييم ومقارنة السيارات
M
MeMo09 @user_272125 · 20-11-2011
يا اخوي انا تقريباً نفس ميزانيتك
ومنتظر الماليبو الشكل الجديد
بكرا إن شآإء الله رايح مركز جده الدولي للمعارض
لعل وعسى ان يكشفوا عنهـآ
وممكن لا وتصير على نهاية 2012
إذا انت مستعجل خذلك ماليبو الشكل الحالي
فخامة وأمان كفاية انها شفروليه
وإلي اصغر سيارة عندهم ( كروز ) اخذت 5 نجوم في الأمان
سعر لما تبيعها وانا اخوك انت ماراح تبيعها إلا بعد خمس سنين
يعني لو شرايلك بي ام ماراح تمسك سعرها بعد خمس سنين
اخوي توكل على الله وروح زور وكلاء وتثقف ممكن يعطونك شيء يفيدونك فيه
M
Meshal.M.Y @user_229960 · 19-11-2011
الايدج غالي ب 135 الف وحولها
i
i.a.i-9 @user_270132 صاحب الموضوع · 18-11-2011
أشكر كل الشباب الي ردوا الله يعطيكم العافية وأخص بالذكر

الأخ fhad2007 على حسن اهتمامه ولايهونون الباقين ..



بنسبة للشباب الي قالوا تشارجر رغم شكله الشبابي وروعته الا ان عيوبه كثيرة

السعر عند البيع وقطع الغيار والخرابات وارتفاع الحرارة ..



وبنسبة للكيا والمازدا بصراحة ماني مقتنع فيها تماما , والي يقولون تورس بصراحة

فيه سبب يخليني ما افكر فيها احتفظ فيه وبنسبة للأوريون انا اخلط بينه وبين

الأفالون من ناحية شكلها الخارجي وحدة منهم حلو شكلها والثانية لا

لكن ماعندي اي خلفية ثانية عنها ابدا ..


طيب ياشباب اليوم بذات طلعت براسي فكرة اخذ لي فورد ايدج لكن مادري عنه بكم

سعره ووش مميزاته وعيوبه وهل يصلح لي والا أفكر بغيره ؟
f
fhad2007 @user_69277 · 17-11-2011
بس التوروس الزين الي يجي دفع رباعي اكثر من ميزانية الرجال
أ
أجر الصوت a&s @user_250675 · 17-11-2011
وآلله يآلغلآ آنآ لو بيدي وعندي آلمبلغ

بشوفلي من آلسيآرآت آلأمريكيه

ومن ضمنهآ فورد . قرآند مآركيز . كروفكتوريآ . تورس

وآفضل آلتورس .. من نآحية آلفخآمه . آلرسآوه وبقوه كمآن . آمآآآن لآ قدر آلله حآدث . عآزل للهوآآآ ممتآز جدآآ . يعني بصرآحه سيآره متعوب عليهآ

وآنآ من آلنوعيه آللي تجلس آلسيآره معه من 6 آو 7 سنوآت يعني إلى آخر نفس لهآآآ هههههه آحللهآ

وآلتورس وآلله سيآره مبدعه وصبوره وفخمه ومميزآن حلوه جدآ

وآسعآرهآ وآلله مآ عندي علم لكن آتوقع من 90 آلف إلى 160 آلف

وآخر وآفخم وآقوى فئه تسمى SHO

تقوم على آلأودي . وكآبرس غزآل

وطبعآ آلدفع على حسب آلفئه .. في ربآعي وفي آمآمي

ولك آلخيآر

وبآلتوفيق .. ومبروك مقدمآآآآآ
ع
عطل طارئ @user_50537 · 17-11-2011
التورس من فورد << من افضل خيار لك
واقل فئة فيها اتوقع 98 الف
والاهم كشخه وشكل جديد


والله يوفقك
f
fhad2007 @user_69277 · 17-11-2011
يا عمي الرجال يقول لكم واذا جيت ابيعه لا سمح الله ماتطيح قيمته ..

وتقولون له دوج ومازداء وكيا !!!!!!!!!!!!!!!!!!!!!!!!!!!!!

هالثلاث بالذات تخفس اسعارهم خفس !!!!!

فيه سياره زينه بس للاسف سعرها ينخفض وهي لانسر EX من ميتسوبيشي يجي منها 6 سلندر بس سياره شيك من حيث العملانيه


ونصيحتي لك دور موديل حديث مستعمل 2010 - 2011 بتلقى واجد
ن
نور الدرب @user_249792 · 17-11-2011
بحكم انك صاحب خطوط وسياره شبابيه

فورد توروس
ف
فتى الانتر @user_223389 · 17-11-2011
السيارة :

كيا كادينزا ارشحها لك و بكل قوه .. و هي افضل سياره تقدر تحصل عليها بميه الف ريال
نص فل مع سقف بانوراما






السعر يبدا من :

82

سعر الفل كامل :

114

مميزات السيارة :

الشكل و الطابع الالماني الممزوج مع الصناعه الكوريه المتميزه
مواصفاتها بالهبل + محرك جبار + سقف بانورامي
مصممها هو مصمم اودي السابق بيتر شراير

عيوب السيارة :

اممم الوكيل لك عليه ..
M
Meshal.M.Y @user_229960 · 17-11-2011
تويوتا اوريون :xyxthumbs:
s
sloo0 @user_232864 · 17-11-2011
زوم6 او الترا حلوه مره وشبابيه وكشخه وقويه وكل شي واكيد تستحمل المازدا

لنها ياباني ميه بالميه ناهيك عن مواصفاتها الجبارره جدا هذا خيار

والخيار الثاني عندك التيما فل الفل مادري كم سعرها بس يمكن يزيد شويه خذك كمان

نضره عليها
p
porsche fan @user_259532 · 17-11-2011
فيه كذا سيارة كويسة وتلبي رغباتك

مثل الدودج تشارجر , الستاندر منها بـ 100 الف وتجي 6 سلندر فقط !
شخصياً ما انصحك فيها واجد , لأن فئة الـسته سلندر اللي تجي بـ 100 الف نوعاً ما بشعه , تجي بدون جناح وجنوط سيئة ومافيها مواصفات وناهيك انها ما تجي جلد بعد !

لكنها تبقى سيارة شبابية ولها اسمها , لكن اشوف فيه اللي افضل

مثل الهوندا أكورد , سيارة ممتازة جداً بصراحة وعملية وتصبر معك ان شاء الله فوق الـ 5 سنوات لكن لازم تهتم بالسيارة طبعاً , بالنسبة لأسعارها ما عندي معلومة أكيدة لأن الوكالة كل يومين رافعه بالاسعار !
b
black coffee @user_246564 · 17-11-2011
الانسب لك كسيارة حلوة وشبابية وعملية وما يطيح سعرها واجد
دودج تشارجر استاندر يبدأ سعرها من 100 الف وانصحك انك تسولها تست درايف
f
fhad2007 @user_69277 · 17-11-2011
كشخه كيف يعني ؟ قصدك من شركه مشهوره ولا كشخه يعني تصميمها حلو وجذاب ؟


وش رايك بالاوريون من تويوتا او اكورد من هونداء ؟
سجّل دخول للرد...