سلام عليكم....باك بعد غيبهـ....

يعطيك العافيه لـ تقبلك ردي بكل رحابة صدر

إلله يعافيك اخوي شوف من وجهت نظري الصراحه الكدلك يصلح لشيبان لان تعرف استخدامهم غير عن

الشباب بس زي ماذكرتلك انا ماستخدمتها بس سالت الي

استخدموها يعني الصراحه حساسه جدـآإ وكلامك سليم 100بـ % بس مو 4 سنوات اذكر 4 سنوات

او 100،000 إلآف <~ ايهم تيجي اول هذـآ الي انا اعرفه بس ماوضحلك هالشي واغلبهم يقولك ضمان

4 سنوات ولا يقولك او 100،000 ايهم تيجي اول ومعروف بعد 100،000 راح تطلب معاك السياره

وانا اشوف وانا اخوك انتظر الفورد لانها شبابيه وعمليه اكثر من الكدلك وانا نصحتك

لان صراحه الوكاله بتعاملهم يكرهونك بـ السياره زي الي معي صراحه وانا الحين جالس انتظر

الكابرس 2012 وهذاني الحين لي فوق الشهر والحين توه ينزل وانشالله مابقى الا ايام واستلمه

بس يوم روح الصيانه اغلبهم سعودين راح يتساعدون معاك وماراح يقصرون معك اسال عن سعر

الفحمات وباقي القطع الاستهلاكيه الي على حسابك<~ بيشيب راسك واغلبها مو موجوده يقولك نطلبها طلبية

من الامرات جنرال موترز من هناك وانتظر اسبوع او 15 يوم اسال مجرب وانا اخوك ولآ تسال طبيب

مجرب صيانتهم مثل وجيههم وصراحه انا ماكرهني بالسياره الا الوكاله .

والشي الثاني ترا توكيلات الجزيره معروفين ولا قد احد قابلته شاري من وكالتهم ويقول تعاملهم مو زين

ولآ يسب فيهم، يعني وكاله مشالله تبارك الله في تطور صراحه واسال اي واحد معاه فورد .

واذا على الخيارات ماقدر افيدك لان زي مانت عارف الناس اذواق ويختلف شخص عن شخص

بس ااذا ميولك للـفورد انصحك فيها والله يعطيك خيرها ويكفيك شرها من العين .

موفق خيرٍ

كادلك من رايي مايسوى عندك تشارجر 8 سلندر اقوى من السي تي اس لان الي بتشتريها 6 سلندر وبنفس السعر اتوقع

او اذا ودك في فخامه ورساوه ودلع خذ جينسيس بس زد فلوسك شويتين

مشكورين على الرد ياغالين...بس حبيت اسال احد يعرف كم قيمه cts؟؟

اذا تبي اسم خذلك cts
اذا تبي قوه تشارجر RT V8 حصان 370


كل هالسيارتين تقدر تجيبهم دام حدك 140 الف

هلا اخوي اذا تبي كوبيه
شف التشالنجر
واودي تي تي على مااظن بس مو متاكد من سعرها
واذا تبي سيدان عندك
1- فورد تورس
2-تشارجر 6 سلندر فل
3- ماكسيما
4-افالون
وانصحك تبعد عن كدلك كل الي اعرفهم ومعهم همر وكدلك طالع الشيب براسهم

يعطيك العافيه اخوي عزوز...
شباب وين الردود...ايش تنصحوني؟؟استنى الموستنق حقتي ال6سلندر...ولا اكنسل واخذ غيرها؟؟؟
خيااااااااااااااااااارات

سلام عليكم....اخوي انا الصراحه ماعرف احد معاه كدلك..بس انا اليوم كنت عندهم وسالته عن الصيانه قلي احنا زي الاودي 4 سنوات صيانه بلاش ما عليك الا اقمشه وفرامل اظن بسسسسسس...
انا مادري عن الفترة كم تقعد في الصيانه..لكن انا ماعندي مشكله مع الوقت لانه متعود اخوي معاه انفينيتي ولازم يحجز ويستنى وبعدين يدخلها ويستنى كم يوم...فعشان كذا ماهمني الوقت...لكن والله انت خوفتني بكلامك ورددتني اني اروحلهم..على العموم يعطيك العافيه....ماعطيتني بديل عنها >>>طرار ويتشرط:a1120(86):
المهم الله يعافيك اذا عندك اختيارات قولنا....ودمت بود...

هلابك اخوي بقولك كم نقطه يمكن تفيدك انا مامعي كدلك لاكن معي همر نفس الوكاله

وصيانتنا بمكان وإحد شي طبيعي لين تدخل سيارتك للصيانه تسال الي شاريها عن استخدامها

شوف اذا عندك استعداد بس تغير زيت تجلس السياره يوم يعني تجيبها الصبح تجي من بكرا

الصبح تستلمها هذا اذا صارو يعني مو زحمه مره،، انا اشوف بالنسبه لي مايناسبني ابد ،،

القطع الغيار انسى انسى انسسى تلقى قطعه لو تافهه برا الوكاله تنباع يمكن التشليح لو لقيت

نفس نوع سيارتك نادر ،، الفحمات لازم تغيرها بالوكاله ولا فيه اي محل يبيعلك فحمات خارج

الوكاله اصلي وان شريت فحمات وتبي تركبها برا بحكم ان شغل يدهم انا على سيارتي الهمر

بـ 560 ريال بس شغل اليد اجل شلون الكدلك ، يعني شريت الفحمات وتبي تركبها برا

اقولك بكل سهوله الهوبات راح تنعدم عليك لآن مو كل واحد يعرفلها ولآزم وكالتها

وشخصيا مقابل واحد معاه كدلك CTS سالته سلامات ايش فيه سيارتك

قال ابد شريت فحمات وبركبها برا لعلي جبت العيد وانعدمت الهوبات

تقول يمكن ركبها عند واحد ماعرفلها بس برضو وش هالسياره الي توصل لفحمات اذا مو

واحد مختص تخرب عليك الهوبات ،، شخص اخر <~ طبعا انا مقطع اوم الوكاله وكثير ماروح

لهم عشان مشاكل الهمر قلق ولآ احد يعرفله الا نادر

معاه CTS V الفئه السبورت موديل 2010 قدامي يقول لـ موظف الاستقبال <~

تشيك 40،000 وفيه اصوات بالسياره <~ يقولها ومتغير الوان وجهه <~ .!! 40،000

السياره حلوه ومواصفات كلام بس لازم معاك سياره ثانيه غيرها لان هالسياره مو كل مكان

تدخله ولا كل شارع تمشي عليه بالعربي ( حساسه لأآبعد درجه ) .

كلامي مافيه حساسيه ولآ فيه تعصب ولآ شي انا اتكلم عن واقع صراحه وعيب الوكاله الكبير

انك تدخل السياره لـ التشيك مايعلمونك متى تخلص !! يقولك ندق عليك يمكن اسبوع او 5 ايام

انت وحظك ،.

طبعا السياره تناسبلك اذا عندك سياره غيرها اذا ماعندك مانع تتحمل غلاء شغل اليد غير

القطع ، زي واحد بالوكاله مشطوب القزاز الامامي قالوله شغل اليد نفك القزازه الاماميه

بـ 1500 ريـإل !! اجل القزازه بكم اذا شغل اليد كذـآ وربي هالكلآم صاير قدامي <~

مو مستوعب والله يشهد علي حتى الي مشطوبه قزازته طارت عيونه وربي ماينلام

واذا انت بالرياض او من سكان جده ماتصلح لك ابد زي مانت عارف شوارعنا الفله

الي مافيها حفره وتساعدك انك تشتري كدلك ورنج روفر يعني عادي مافيه مشاكل بالموضوع

ههههههههههههههه

وبالاخير انا لاني اقولك لا تشتريها ولا اقولك اشترها اانا بس اعلمك مواقف صارت لآ اصاحبها بالوكاله عشان تستفيد والكل بعد

واذا تبي تسال عن قطع الغيار او شغل يدهم عشان تتاكد سير عليهم اذا انت بالرياض شوفهم على خريص الصيانه جنب الوكاله بالشارع الفرعي

السآيدين الي جنب الوكاله .

و موفق خير انشالله والله يعطيك خيرها ويكفيك شرها سواءً هي ولآ غيرها .