سيارتي إكسبلورر 2011 عرضتها للبيع!!

أنا سمعت إنه هناك ليمتد1 وليمتد2 هل صحيح ذلك؟ ومالفرق بينهم؟

الاكسبلورر ماعليه كلام بس انت كمان احسبها صح

كون السياره عجبتك ,, هذا لا يعني ان غيرها ماراح يعجبك ,, ترا 180 الف موب قليله

عندك الدورانجو ,, عندك تاهو ال تي زد عندك بدائل اخرى كثير
عندك الايدج سبورت بـ 150 (برضو كثيره عليه شويتين)

الشاهد اطرح المجال لغير الاكسبلورر برضو

180 الف على اكسبلورر !!!!!!

والله احطها في جيب شيروكي الجديد ولا دورانجو ابرك , وش ذا الجنون بالسعر ؟

وبعدين وش الفرق بين اللمتد ولا اللي اقل منه ؟ زي الفكسار والجكسار محد يفرق بينهم بالشكل الخارجي .

اخي العزيز انا عندي الاكسبلورر واليوكون بصرااااااااااحه اليوكون ارسى بكثيرررررررر
واريح بكثيررررررررررر .:ch19:

طيب هل في ليمتد 1 وليمتد 2؟ ومالفرق بينهم ؟

ههههههههه

موفق ان شاء الله ولو اني اشوف ان سعر الليمتد عالي حدا ولا يستحق سعره

٦ سلندر صح بس أداءها فائق صراحة بالنسبة لي كقادم من هوندا السيارة خفيفة ورشيقة، شركة فورد لعبت على الخيط الرفيع الفاصل بين الأداء والاقتصادية وأظنها نجحت إلى حد مرضي.

السعر غالي أنا معك لكن السعر مقابل القيمة والمواصفات على الأقل في الياباني السعر مقابل الاسم والمواصفات صفر وهم الآن في آخر سلسلة التنافس في عالم السيارات من هذي الناحية والكوري تفوق عليها ياخي.

بذكر كل الفروق صغيرة وكبيرة

الفروقات الداخلية: فرش جلد، حار بارد للسائق والراكب، المرتبة الثالثة كهرباء، منفذ كهرب، إضاءة داخلية ملونة، نظام سوني ١٢ سماعة، ‎مرآة تلقائية التعتيم للرؤية الخلفية، ميموري ل٣ أوضاع لمقعد السائق، ‎نظام الوصول الذكي مع التشغيل بكبسة زرّ، ‎نظام التشغيل عن بعد

الفروق الخارجية: ‫الزينون، جنط ٢٠، أوتوبارك، نظام المعلومات الخاص بالزوايا الخلفية غير المرئية ®BLIS مع نظام الإنذار بمرور السير عند إرجاع السيارة المركونة CTA‬، سنسر آلي لمساحات المطر، ‎شبكة بلون السيارة، ‎مرايا جانبية قابلة للطي آلياً بلون السيارة، ‎باب آلي للصندوق الخلفي.

انا معاك في الشكل
ولا تفكر حتى في اي سيارة اخرى
الداخلية خبال مو سيارة
لكن !!!!!!!!!!! 180 الف الفل كامل ؟؟؟
مو معقول واخرتها 6 سلندر
اروح اشتري اكسبدشن الفئة الوسط بـ 145 افضل لي
انا سبب اضافة البايلوت أني ابغى سيارة تعيش معاي ووتكد وداخلية البايلوت
بصراحة غبية جدا وشكلها الخارجي عادي
يمكن يضحكون عليك الناس لا شافوا هوندا ويقولون ليه ما اخذت اللاند ولا يوكن
وانت عارف

الله يعين
الاكسبلور اذا ما نزل سعره في خلال الشهر القادم ما اعتقد اني راح اشتريه

أذا ممكن سؤال؟
إيش المواصفات الموجودة في الليمتد وغير موجودة في النص فل إللي عندك؟
كمان إيش الفرق بين ليمتد 1 و ليمتد 2 ؟
بإنتظارك

الهوندا بايلوت وضعتها ضمن الخيارات لكن الإكسبلورر صفطتها بصراحة.

أنا مجرب الهوندا سيارتي السابقة أكورد لا يعلى عليها في الجودة والإعتمادية ٦ سنوات (zero mechanical problems) رغم الكد اللي عليها لكنها صبورة مشكلتها الوحيدة قطعها غالية.

الإكسبلورر بعد تجربتي لها سيارة لا مثيل لها على الإطلاق في السوق بالمواصفات الغير مسبوقة سيارة تستحق أكثر من الاحترام ولا أجد فيها أي عيب يذكر، تبغاه عائلي موجود، تبغاه شبابي موجود، تبغاه مدينة وخطوط سفر وتوفير بنزين موجود (٣٠ ريال الفل يمشي ٥٠٠ كيلو تقريباً)، تبغاه بر خفيف موجود، هدوء ورساوة فائقة لسيارة بحجمها شيء خرافي المناورة ولا أسهل وهو أرسى SUV سقته من اللي جربتهم (برادو، لاند كروزر، يوكون، سوبربان، شيروكي، إكسبلورر السابق ٢٠٠٦)، التكنولوجيا حدث ولا حرج لم يترك للluxury cars فرصة فما بالك بالمنافسين، باختصار السيارة رائعة وتستحق التقدير والإقتناء من هنا لبكرة لسنة قدام!

الله يوفقك فيما تختاره
تصدق اني اكلمك وانا لم أشتري الاكسبلور لأني أفكر باللميتد وحاليا جا ببالي البايلوت هوندا

مشكلة المواقع انك اذا دخلت فيها بيدوخ راسك وانت ما شريت واخرتها تاخذ كورولا هههه

تحياتي لك

السيارة مرغوبة جداً وإذا جاءت البيعة المناسبة لي بعتها.

بالضبط كلامك صح، بالنسبة لي السيارة (معروضة للبيع) وليست (للبيع) بمعنى إذا لم أحصل على مبلغ مقبول سيعاد النظر في فكرة البيع و(سأحتفظ) بالسيارة لسنوات طويلة إن شاء الله.

كم تتوقع في بيعة السيارة يعني كم ممكن ينزل 10 أو 15 أو 20 الف

أنا أقول (قد ) ان شاء الله تتوفق بمبلغ ممتاز
الـ 20 أعتقد بامكانها تعويضك عن خيار البيع

اعتقد انك ستعيد النظر في خيار البيع
وكل التوفيق لك في ما تختاره

شكراً لك يا فيصل وربنا يرزقك بأكثر مما تتمنى



إضافات الإكسبلورر ما اعتقد إنها ممكنة وإذا أمكن بتكلف كثير جداً، وأشياء كثيرة تفرق في الليمتد تهمني وحسيت إني بحاجتها الشديدة بعد تجربتي المبسطة للسيارة، خسارة البيعة عشان أهونها بصير أعتبرها راحت في سيارة إيجار :ch19:

ابو طروق سؤال
ايهما افضل تخسر فرق كبير في البيعة
ولا تخسر القليل في الاضافات

ترا اللميتد يفرق في الاكسسوار فقط يعني المكينة هي هي
اللهم اذا السقف البانورامي ما يركبوه فهذا شي ثاني
تحياتي لك