مرحبا يا شباب كيف حالكم :xyxwave:
انا حبيت بس اسوي هالموضوع نظراً لكثرة الشباب اللي يستفسرون عن احسن انواع الكفرات ياللي ممكن تخدم وتعيش لأطول مده
وبحكم ان عندي سياره يابانيه سيدان ودفع امامي وبغير كفراتها قريب ...
فياليت يا شباب كل واحد يطرح انطباعه عن كل كفر جربه من اول ما استلم سيارته الى الوقت الحالي ويحط تقييمه للكفرات (شغل اللقافه ذابحني :smilie16:)
وبكذا راح نستفيد من طرح التجارب <<<< على قولتهم اسأل مجرب ولا تسأل خبير
راح ابدأ انا بتجربتي للكفرات:
امممممم
انا جربت الميشلان والجوديير والدنلوب وبعطيكم تجربتي معاهم
الدنلوب عمره طويل ويعمر معاك ... بس عيبه انه مزعج وقاسي ويطلع اصوات لما تمشي اكثر من 100 كيلو ... طبعاً سبب لي قلق لانه كان يسوي حذفه ورجه عنيفه في السياره (حشى حسيت اني رقااااصه من كثر ما السياره ترج وتهز:bigggrin: ) .. طبعاً ما بقى نوع ميزان وترصيص ما سويته ولا فيه فايده ... وطلعت العله بالاخير من الكفرات ... حتى شكيت بسيارتي مسكينه انها فيها عيب مصنعي (اعطيه 7 من 10)
الجوديير بصراحه من تجربتي له سيئه ولا انصحك فيه لاني ركبت طقم اربع كفرات بنفس الوقت من قبل 7 شهور ... وواحد منهم حبل من غير سابق انذار ... وتحس ان نقشتها تتمسح بسرعه ودايما كل 3 اسابيع لازم تروح البنشري علشان يعدل ضغط الكفرات لانه تفش بسرعه (اعطيه 6.5 من 10)
الميشلان تقريبا كويس وهاديء وما يطلع اصوات (ما اقول لك احسن كفر) بس من تجاربي هو احسن اللي جربتهم ... علشان كذا سعره غالي (والغالي سعره فيه) لان جودته معقوله (اعطيه 8.5 من 10)
طبعاً هالكلام من تجربتي انا الخاصه يعني يمكن واحد ثاني عنده تجربه مع الكفرات احسن مني والكفرات هالايام حظوظ وتوافيق
ونصيحه يا اخوي لا تغير الكفرات عند اليمانيه .. انصحك تروح لوكاله الكفر نفسه وتغيره عندهم احسن لك (صحيح اغلى بشوي بس على الاقل شغل عدل) واشرط عليهم ان تاريخ الكفر يكون جديد
ايه صح وانصح ان تغيير الكفرات يكون بالطقم كامل ... يعني تغير 4 كفرات في نفس الوقت مع بعض
والله يوفقكم :bigggrin:
