مقبل على شراء كابرس

انا اشرح لك ببساطه كيف عمل القير حق الكابريس

مثلاً تكون بالـ D هذا تماتيك طبيعي يبدل زي اي قير تماتيك
اول ما تحول القير لليمين بدون ما تحرك القير للامام والخلف هذا يعني انك في وضعية الشيفت سبورت وراح يكون التبديل توماتيك بس تكون التبديلات شرسه والمكينة تعطيك تسارع اكبر ويجيك على شاشة المعلومات بالطبلون تنبيه ان الوضع شيفت سبورت وتجيك الرموز S1 و S2 و ..... عند كل تبديل بين نمره ونمره

اما اذا كنت على الـ D وحركت القير لليمين وبعدين حركته للاعلى او الاسفل جهة الـ (-) او (+) فانت بكذا صرت على وضعية الشيفت مينوال او العادي وهنا يكون التحكم في التبديل يدوي في حالة زيادة النمرة وكذلك في حالة انقاص النمرة... ولكن انقاص النمرة انت منت محتاجها بالكابرس يعني مثلاً كنت مسرع 140 وانت بدلت لما النمرة 5 وهديت سرعتك انت هنا منت بحاجة تبدل يدويا القير لنمرة اقل لان القير اتوماتيكياً ينقص النمرة حسب السرعة اللي انت هديت عليها يعني كنت مسرع 140 وانت على التعشيقه 5 وهديت لما 120 تنزل اتومايكيا للتعشيقة 4 بدون ماتحرك القير ولما توصل 90 القير اتوماتيكياً ينزل للتعشيقة 3 وهكذا ويكون تنبيه على شاشة المعلومات بالطبلون انك في الوضع المينول والعلامات التالية M1 و M2 و..... على حسب النمرة اللي انت عليها
اتمنى اني وضحت بالقدر الكافي والله يوفقك ويوفق الجميع

آسف اخوي بوس ما انتبهت لردك ,, انت كتبت الرد وانا اكتب ردي ,

طيب السؤال الحين لو حطيت الثالث مثلاً وهي تمشي 30 ,, هذا مابيخرب تروس القير ولا ؟:confused1:
وانا انسان اعشق تبديل التبترونك ,, فهل اخليه عالشفت العآدي ؟ وامشي طبيعي

وفهمتك قصدك مثلاً لو الغيار الثالث على 60 كيلو وانا حطيت الثالث على سرعة 40 مايبدل الا لمآ اوصل ال 60 << هذا عالأفالون والماكسيما ,, اما الكآبرس يقبل التبديل على اي سرعة

والنيفيقيشن تتوقع كم يكلفني ؟




يآرجآل عآدي مافرقت اصلاً على قولة ابوي يقول بتمر سنتين وانت مامشيت 5 الاف كيلو << مبآلغة يقصد إني بيتوتي :bigggrin:

اخوي بوس وضح كل شي واعتذر عن الخطاء
الضمان 100 الف كم او 5 سنوات ايهما يسبق اولاً خلطت بينها وبين الـ cts عندي معليش اعتذر
والتراكشين تفصله بضغط الزر حقه امام القير

عارف ان سعره يطيح بس الوالد مايبي الا وكالة

لآقي بالمعارض كابرس 2011 او 2012 ماشي 7 الاف كيلو ,, مغير رفرف خلفي وشيئ ثاني

تصدق مسيوم بـ 95 الف وهو ls




آمين يارب ويوفقك بحيآتـك يآبعد

من جد غثيتك كيف افصل الترآكشن ,, يمكن اقاوم بعد كم شهر اجرب قوة الموتر

طيب ثوآني الحين التبترونك اقدر احط على وضعين قصدك سبورت وعآدي ؟ السبورت لو بقاوم ,والعآدي لو بمشي بالشوآرع طبيعي وعآدي " مثل اللي ابيه "

وشفت موضوعك ماشاء الله التسآرع خيآلي :bigggrin:

امس الوالد يقولي خذ لومينا ,, يقول الكابرس كبير عليك وحق شيبان وطيارة ,, لو صدمت بترجع لنآ " متعفلج " :bigggrin:

طيب طبيعي يا اخي اشفيك تعذرب بالسيارة
هذا سوق عرض وطلب ول سوق له ثقافة معينة وماللسيارة ذنب بهذا
عاد تصدق ان الكامري 2007 بالمعارض اغلى من مرسيدس S500 موديل 2004 شوف انت عاد الفرق بين السيارتين في الجودة والفخامة وكل شيء
بس هي ثقافة السوق وهذا العرض والطلب

^^

انا الضمان عندي 100 الف او 5 سنوات .. ايهما يسبق

والشفت سبورت ينفع في القومات يطول بالتعشيق .. الشفت العادي انت بنفسك تتحكم لكن يبغا له تتعود عليه وذا عرفت تعشق صح في الوقت المناسب أفضل من الـs يعطي فرق حلو .. عشان كذا السبورت افضل لأنه سهل والسيارة بنفسها تعطيك اداء حلو والعادي نادرا ما تلاقي احد يضبطه صح

العادي احسن شي فيه انك انت تتحكم فيه يعني حتى لو ماشي 20 وحركت القير على 3 تنقل معاك عادي الى 3 .. ولو ماشي مثلا على الثاني ورجعتها 1 ترجع مباشرة
لكن في حدود يعني لما تكون معشق 6 وفجاة وقفت ترجع معاك اوتو الى 1

الافالون 11 والماكس 11 لا كأنها قير قديم مثل حركة 3 2 1 .. افرض انك عشقت على 3 وانت ماشي 20 مثلا السيارة ما تعشق على 3 مباشرة تضل على النمرة المناسبة مثل الدي العادي لكن اذا وصلت 3 مثلا على سرعة 100 ما تعشق أكثر واشوفها حركة غبية اش الفايدة كا كأنها تربترونيك ؟!

انا متأكد انك ما فهمت

اما التسارع انا افضل تسارع لي 5 وكسور الى 100 والى 200 في 18 ث .. وبعد الميتين السيارة ما شاء الله فيها عزم خرافي ما تتعب تجيب الـ 240 بسرعة

النافيقيشن لازم انت تطلبه 80% من السيارات اللي في الوكالة تجي بدووووون نفيقيشن
والموضفين ما عندهم سالفة انت تأكد بنفسك
واحد من أخوياي باعوا له كابريس اس اس بنافيقيشن بسعر البدون نافيقيشن لان الموظف الغبي ما يدري ؟! انه فيه فرق
واي سيارة في نافيقيشن تجي دي في دي امامي وخلفي

الشيفت السبورت تشعر بشراسة التعشيقه والتبديل بين نمره ونمره والمكينة تعطيك كامل طاقتها بس نصيحة اذا بتقعد تزرز ومقاومات حاول تفصل التراكشين

الشيفت العادي ( التبديل العادي ) هو نفس الشيفت بورت بس بتحكم يدوي منك في التبديل بين نمرة ونمرة وممتع للي يحب التعشيق العادي

بالنسبة للـ 5 ثواني هذا موضوع واضح فيه التسارع للكابريس LS
http://www.assayyarat.com/forums/thread252550.html

الضمان 200 الف كم او خمس سنوات غير متأكد بصراحة بس ان شاء الله اصورة واجيبه للموضوع بكره

الله يوفقك بالون اللي يعجبك
و مبرووك مقدما

خذ الكابرس سياره ممتازه

لكن انتبه تشتري كابرس جديد الا اذا ما تهمك الفلوس

ولا تاخذ الا رويال

انا عندي رويال 2007 وماشي معي ولله الحمد

لكن زي ما قلتك الكابرس لا تاخذ جديد

اذا دقيت سلفه في الوكاله اعتبر ان 30 الف طاح من سعره

وبعد سنتين ما يجيب نص سعره

عندك الوريال 2007 و 2008 اسعاره جديد بين 150 160 الف

الحين حتى 70 الف ما يشدها الا اذا كان مخزن

والله لو الود ودي ,, اسود ,, لؤلؤي ,, فيراني ,, عنابي

بس العيسى يقول بقى حبة وحدة لونهآ فضي بس

فيمكن اروح اشوف الجميح لو سعره مقارب وعنده الوآن اخذت منه إن شاء الله


ادري غثيتك بالأسئلة بس ودي آخذ الموتر وانا عارف فيه اغلب الأشياء

وش الفرق بين الشفت السبورت والشفت العآدي ؟

يعني مثلاً لو بقآوم واحد احط الشفت السبورت ولو سوآقة عآدية الشفت العآدي ؟

يعني صرآحة انا نآوي اخلي اغلب سوآقتي عالشفت احسه متعة اخلي الشفت عالوضع العآدي ؟

وماشاء الله متأكد بخمس ثوآني يعني طوروهآ عن الموديلات اللي قبل سمعت انه بـ 6 ثوآني من صفر لـ 100

وإن شاء الله اذا على صيانة ال 5 الاف بتكون كلهآ بالوكآلة ,, والأغراض بتأكد منهآ لأني سمعت واحد مشتري رويال وطلع من الوكالة وشاف انه مافيه سيدي النيفيقيشن وقالوا له مشكلتك ماشيكت لآزم تشتريه من عندنآ

وهل الضمان 200 الف كيلو ,, ولا 200 الف او 5 سنين ايهم يسبق اولاً ؟

وبالنسبة للتسمية بإذن الله يآرب ما انسى وبقرآ الذكر عليهآ وبركب امي وابوي واخليهم يقولون كل شيئ يعرفونه بالدين ض1
الله يسلمك وآسف لو تعبتك معآي :blue:

2011 مافيها زر الـ S قيرها تيبترونيك بثلاث وضعيات ( توماتيك , وشيفت سبورت , وشيفت عادي)
مكينة الـ L77 مكينة ممتازة تعطيك من 0-100 في 5ثواني , ومن 0-200 في 18 ثانية تقريباً

المهم اذا استلمتها حاول تمرنها لحد 1000 كم ولاتسرع خلال التمرين أكثر من 80 صح ناس بتقول لك المكينة ممرنة ومايحتاج تمرين وهم صادقين بس التمرين عشان نظام التعليق وبقية اجزاء السيارة
كل 5000 غير الزيت والسيفون وافضل يكون بمراكز اي سي ديلكو ولا مراكز الخدمة السريعة للوكالة
الكابريس ضمانها عالمي ووين ماتصونها ماعندك مشكلة سواء عند الجميح او العيسى او اي وكيل لجنرال موتورز في الصين او في امريكا في اي مكان بالعالم الضمان عالمي وعلى 200 الف كم
تاكد من الاغراض من استبنه للعفريته يعني زي هالاشياء وتاكد وانت تستلمها من الانارة امام وخلف ونظافة الديكور الداخلي والاثاث

والله يعطيك خيرها ويكفيك شرها
ولاتنسى تذكر الله اول ماتستلمها
موفق لكل خير باذن الله

ما قلت لنا اي لون ودك ؟؟

زر ال s قد استخدمته ؟ ودي اعرف وش فايدته بالضبط ويخرب القير ولا المكينة سمعت انه يطول وقت تغيير القير علشان المقاومات ؟!

والحمد لله رآيح للعيسى يوم الخميس ,,

تتوقعون إجراءات المرورر كم تآخذ ؟

من جد جذبتني ال 200 الف :tongue:

وفعلاً ترآي خبل ويعرفوني اهلي ,, لو مآجآني الموتر اللي ابيه بخربه من التدعيس :bigggrin:

بس مافهمت السطر الأخير

حلو سوآء فيهآ حساسات ولا مافيهآ مو مره هامتني افكر اركب كاميرا خلفية كشخة :smilie16:

وكيف مكينة ال l77 قوية ,, تستحمل ؟ << احسك تقول هالآدمي مو وجه كابرس 8 سلندر ,,, وفيه نصآيح يعني بالنسبة لبدآية الاستخدآم ,, احس اني بنتقل نقلة من كابرس 91 لـ 2011 قوية :bigggrin:
حلو متأكد النيفيقيشن حول الألف ؟ لأني فعلياً ما ادل شيئ بالريآض ,, لأني سمعت نآس يقولون تزيد حول 13 الف :blue:

وصرآحة استغربت احس الإيرباقات قليلة

توكل على الله السعر مناسب

انا الحمدلله 2011 عندي من ذي القعدهـ 1431 اعتقد اول من طلع 2011
واحنا اليوم 2\2\ 1433

.. له تقريبا سنة و3 أشهر والحمدلله بدون مشاكل رغم اني حق دعس للاسف وسيارتي ماشية قرب 40 الف الحين

للمعلومية اخوي LS مافيها حساسات ابد عشان تكون بالصورة
مواصفاتها
مكينة L77
نظام اقتصاد للوقود
شاشة ( تبي نفقيشن + دي في دي ) لازم تدفع فلوس زيادة اتوقع حول الالف عشان يضيفونها للشاشة
مقعد واحد فقط يتحرك بـ 6 وضعيات
مكيف حديث مع التحكم بدرجه الحرارة لمنطقتين فقط
نظام تبريد للقير جديد وبمحطتي تبريد
2 ايرباق السائق والراكب الامامي
هذا اللي يحضرني حالياً

اشتر اللي تبيه عشان تحافظ عليه
^_^
وعلى كلام اخوي 200 الف صيانه والله خيال

وراعي ال تي زد مصور موتره شكله مخرب ام امه ههههههههه

كلمت الوالد وبإذن الله يوم الخميس بنروح الصباح ونشتريهآ إن شاء الله

ابشر يآبعدي قريت موضوعك ان الشاشة فيهآ خرآب الله يعينك شيئ يغبن والله

تصدق مسألة تغيير الطبلون اقنعتني كثير بالكآبرس الأخضر كآن سيئ ,, انا الوالد خيرني يقول تبي وكآلة إل إس لا إل تي زد 2009 قلت له اكيد الإل إس 2011 << بحكم انهآ بتكون وكآلة وتحت إيدي ,, ماتعرف المستعمل وش جآه ووش صارله

تصدق توني اعرف ان فيهآ حساسات خلفية ,, متأكد الإل إس فيهآ حساسات خلفية ؟

ماني مهتم بهالنقطة كثير بس اذا فيه يطلع شيئ جيد ,, والجنآح بإذن الله بركبه بعد الإختبارات الجآية لا جتني السيولة

والله ماقارنتهآ بس قلت هذي الخيارات اللي جتني , اصلاً حآلف على اهلي مآ آخذ سيارة من تويوتا الا لو كآنت سكويا :bigggrin:


والله كلآمكم حمسني كثييير ,, بعد بكرآ الصبآح طالع انا والوالد للعيسى إن شاء الله وبنآخذهآ

ادعولي ان الله يوفقني بالموتر السنع :bigggrin:

توكل على الله ماعليك من مندوبي المبيعات حقين الشركات الثانية

اخوك حياته كلها مع الكابريس

2002 ممتاز بس الكهرباء فيه مشاكل لليل
2004 روعه ماشكيت منه ابد
2006 كنت اقول انه افضل موديل للكابريس على الاطلاق
2010 اس اس ممتازه جداً
2011 LS ماشي معي للحين 20 الف كيلو استطيع ان اجزم انه افضل موديل كابريس استخدمته على الاطلاق

ومثل ماقلت لك اتركك من كلام مندوبي مبيعات الشركات الثانية متوهقين مغير يطردوا بالذبان مافيه زباين مقارنة مع الشفر
ويكفيك الكابريس ضمان عليها 200 الف كيلو
وانت قلتها انت تحافظ على الموتر خذ كابريس وتوكل على الله انا اشهد انه موتر وغيره سياكل