هام للجميع...غشمشم يستشير.. وما خاب من استشار.. ومع احترامي للكل .. ما أبي أي واحد :)

أهلا بكم شباب.. السلام عليكم ورحمة الله و بركاته..

يقولون الكتاب واضح من عنوانه .. و (غشمشم) يدل فعلا على حالي..
خلوني أقولكم عني:
أنا رجال الي أعرفه من السيارة إنها تمشي بالأول ثم الثاني وهكذا.. تطورت وتركت العادي لغير رجعة ونسيت إن فيه شيء اسمه الأول و الثاني!! يعني رجال جاي على وجهه ولا يفهم شيء.

بس مهوب مرة أفهم شويتين بس..

أول ما سجلت في المنتدى قالوا لي في رسالة لعلك تستمر معنا !!
أستمر وش أقول بس :ch19: ؟
منيب أفهم و لا أعرف وكل ما رحت لورشه لعبوا علي حسبي الله عليهم.. الصراحة أني أكسر الخاطر :smilie20:

وعشان ما أطول عليكم .. وكأني بكم تقولون أخلص علينا.. و بلا ففلسة!! صح عليكم..

المهم


أنا متحير :c0214:
أولا : طفران .
ثانيا : أبي سيارة زيييينة.
وشلون تجي :a1120(121):


المهم مرة ثانية ..........

القصة وما فيها:
إني أبي سيارة... ويفضل إنها تكون جيب صغير..
طبعا ما يهمني أنها تطعس و إلا لا. أنا ما شريته عشان أرقى طعس التحدي..

ابشتريه عشان مطبات الرياض الخايسه :a1120(82):

وأريد رأيكم :

أريد سيارة - ويفضل جيب صغير- مواصفاته: راسي- مريح- فيه شيء من الفخامة- سعر مناسب- قطع غيار رخيصة ومتوفرة - ما ينزل سعره بعد الاستخدام .

هذه أهم الشروط.

أنا أبي أشتريه بالتقسيط. ولذلك أريد عرض حلو للتقسيط، مثلا تقسيط بسعر الكاش أو أي شيء.
الموديل ما يهم . و لا يهمني إن شكل السيارة يتغير. جعله يتغير ألف مرة... أهم شيء سعره يرخص.

نيتي أستخدمه سنتين أو ثلاث سنوات و أبيعه. بس ما أبي يطيح سعره ، لأني أبي أستفيد من الكاش في سيارة ثانية.

أرجوا تساعدوني . وتدلوني على نوع السيارة و نوع العرض.
وإذا فيه عرض مغري لسيارة صغيرة ما عندي مشكلة .

فيه خيارات عندي.
باجيروا ساهر = سيء الذكر !
إذا فيه شيء أمريكي صغير ورخيص وعملي. بس الامريكي يطيح سعره ...
التويوتا مهبل... عندهم جيب ما ينفع إلا لطعس التحدي و أظن فوق 100 ألف سعره!


الأوريون حلوه وعملية بس وش رايكم فيها.

ما أبي اطول .. أنتظر رأي أهل الخبره، و ما جيت إلا عشان أهل الخبرة موجودين و إلا وجهي مهوب وجه سيارات ومكاين :wavey:

إذا أرائكم حلوة -كعادتكم- ابقول لكم فكرة عملية للطفرانين مثلي يقدرون يحصلون بها سيارة حلوة


تحياتي لكم

غشمشم إلا شوي... يعني مهوب مرة!