دعوه لملاك البورش

tahoe-kwt @user_271496 · 31-12-2011

السلام عليكم اخواني حبيت يكون في موضوع مختص حق ملاك البورش عشان نقدر نطرح كل مايخص السياره فيه وناخذ معلومات من بعض ونستفيد

انا امتلك بورش كريرا مديل 2008

وعندي كم استفسار بطرحه كبدايه للتشاور

1- شنو افضل نوع زيت يستخدم للبورش بشكل عام وللكريرا بشكل خاص ؟

2- في احد واجهته مشكله نقص الزيت في المكينه ؟

amrelgamal @user_69740 · 17-05-2013

اللي عنده حل يفيديني جزاكم خير
عندي بورش كايين اس موديل 2006 8 سلندر
عندي مشكله في المكيف تبريده ضعيف
ويبرد شوي مع المشي
رحت عند ورشه بالصناعيه مكيفات
قالي غير الكمبرسر جديد
بنوع اسمه دينسو اللي يركب على مرسيدس فياجرا
بقيمه 1500 ريال
وتم شراءه وبعد التركيب وشحن الفريون الاصلي
لازالت المشكله قائمه !!!
ما الحل
اللي عندو خلفيه لايبخل علينا بالرد
سواء من مستخدمي بورش نفس الفئه يعانون من المكيف
او ذو الخبره في مثل هاذي الامور
او يدلوني على احد تخصص مكيفات بورش لحل المشكله
وفقكم الله

عازف الغيتار999 @user_208511 · 05-01-2012

أنا الي معاي ٦ سلندر وميزتها اقتصاديه بالبنزين والزيت

بس الي معاي كمواصفات مواصفات تيربو

tahoe-kwt @user_271496 صاحب الموضوع · 04-01-2012

هههههه الظاهر جذي بس ياخوي بالكاين جي تي اس هم كانت نفس السالفه معااي نقص الزيت

عازف الغيتار999 @user_208511 · 04-01-2012

صحيح كلامك الي عندك مو نقص زيت الا ان السياره تستهلك زيت كثير لانها سبورت كما قلت
وعشان كذا هذا الي خلاني أخذ الكيان ولا اتجهت للسبورت
بس لاتعتبره عيب
بس الظاهر ما هنا احد يملك بورشه الا أنا وانت بالمنتدى

tahoe-kwt @user_271496 صاحب الموضوع · 03-01-2012

وينكم يا شباب وين اصحاب البورشات نبي تفاعل للموضوع

tahoe-kwt @user_271496 صاحب الموضوع · 01-01-2012

اشكرك عالمشاركه وان شاءالله تكون رابطه للبورش وملاكه

صحيح كلامك قطع الغيار مشكله بالبورش جداا غاليه

وبالنسبه للكايين موتر لا غبار عليه كان عندي الجي تي اس وواحد من ربعي عنده ٦ سلندر من سنين واستعماله خشن ويقلص عالمووتر ومشالله

بالنسبه للزيت هذا شي طبيعي بالبورش لكن بالكريرا اكثر لانه السلندراات مسطحه والموبيل جيد لكن خفيف بالصيف يحتررق بسرعه

واتمنى التفاعل من باقي ملاك البوورش

عازف الغيتار999 @user_208511 · 01-01-2012

وعليكم السلام

أنا كنت من زمان افكر احط هالموضوع الي يخص اصحاب البورشات
أنا عندي بورش كيان إس 2006
والسياره ماشالله ما مره شكت من حاجه
أنا من تجربتي وبين اهلي مابين البورش والمرسيدس والبي ام
أشوفها اكثر سياره اعتماديه للاستخدام اليومي مابينهم وأتوقع
مابين جميع السيارات تحس في جوده في المواد والقطع من نوع
الدايم دايم(والدايم وجه الله) والاستهلاكي استهلاكي مامره شي خرب لحاله
أنا أشوف انه أخذي بسياره بورش صحيح انها الان صار الشكل الي عندي قديم بس انها تجربه ماندمت عليها مطلقا
بس كل شي بحقه اسعار القطع نار بس دايمه

بالنسبه للزيوت المستخدم بالوكاله ساماكو هو موبيل1
على جميع السيارات

ومشكله نقص الزيت الحمدلله مامره جاتني
بس اتوقع انه سيارتك جاتها ضربه من حفره ولا
مطب وخله الزيت يسرب من السياره

على العموم أسف على الإطالة واشكر

صاحب الموضوع على طرحه واتمنى يصير الموضوع رابطه ملاك ومحبين بورش وليس مجرد موضوع*