مكسيما 2003 تطفي إذا ما دست بنزين و بعد الفحص: knock sensor

هلا فيك أخوي ادخل عالصفحة الرئيسية لقسم الورشة https://www.assayyarat.com/forums/f30/ وراح تلقى أعلى الصفحة من جهة اليمين أسفل الشريط المتحرك مستطيل ملون بالأحمر مكتوب فيه موضوع جديد

الله يحيك م قصرت ع الرد بس من وين إدخال ف موضوع منفصل

أهلا وسهلا فيك أخوي وحياك الله

وكل عام وأنت بألف خير

أعتقد أنه الأخ (مكس2003) ماراح يرد عليك والسبب أنه آخر نشاط وظهور له في المنتدى كان في 31-05-2012

عموما أنا أتمنى أنه يشوف استفسارك ولكن أنصحك بأنك تطرح مشكلتك في موضوع منفصل عن هذا وإن شاء الله ماراح نقصر معاك

هلا اشحالك مكس 2003 مبارك عليك الشهر بس اخوي إذا م عليك أمر انا عندي نفس المشكله إلى صارت لك فالمكسيما2003 عندي انا مكسيما 2004 المشكله اذا السيارة حاره وبندها و ارد اشغلها ترد تطفي بس بحالة إذا اعطيتها ريس م تطفي.........عندي اسفسار ثاني بخصوص الضغط
لازم وين يكون عند الواحد بالضبط؟؟؟ انا كان عند فوق الصفر مبين الواحد والصفر فالنص... والحين رفع الريس عند الواحد بس رفعه المكنيكي ب سكروب مب بكبيوتر عادي انتظر الرد منك

اشكر وقفتك المشرفة يا سوبر سفاري،، ما قصرت حبيبي على المتابعة.

الحمد لله , و أشكرك على الرد الي استفدنا منه.
تقييم ممتاز للموضوع.

تم اصلاح السيارة
الخلل كان في برمجة الثروتل، لان السيارة كانت جير اوتوماتك وتم تحويلها إلى جير عادي والضغط لازم يصير 190 وكان سابقاً 180 ولو إن مو فاهم سالفة الضغط لكن اللي برمجه بالكمبيوتر يقولي إذا جير عادي لازم يكون 190 وارتفع عداد الريس إلى قبل رقم (1) بقليل ومع الايام نزل طبيعي .

اشكركم اخواني ما قصرتو super safari , silver ghost، ومركز جوانا.

تسلم اخوي ما قصرت ، وراح ارد لك خبر بعد الصيانة

ماشاء الله تبارك الرحمن

:xyxthumbs:

البواجي تتغير كل 50 ألف كم هي و فلتر الهواء و صفاية البنزين + تنظيف منظم الهواء. خلها صيانة دورية ثابتة.



ليش خايف تفتح المنظم؟! كل الناس تسويها.



إذًا المشكلة في البواجي أو ممكن تكون سليمة بس أسلاك البواجي تمنع التيار إذا كانت خربانة.
غيرها حتى لو ياباني درجة ثانية فقط في حالة إذا شفت الطقم الأصلي غالي.

اشكرك اخوي Silver ghost حرارة السيارة طبيعية وما فيها تفتفة ،، لكن راح اشتري اللي قلت عنه واجرب ،، والثروتل نظيف من فتحته على طول نظفته كامل..

انا اشك في عندي مشكلة في احتراق البترول والله اعلم ، لان سعات اشم ريحه بترول بس ما ادري من وين ؟ من الدبات او عندي حق التعبئه ما يتسكر عدل..

اشكرك اخوي مركز جوانا على المرور،، بالنسبة بمسح الكود ما فهمت قصدك، والله اعلم هل تقصد عمل فحص بالكمبيوتر اكثر من مرة؟؟
وبالنسبة للثروتل تم تنظيفه ..

ياليت تقولي كيف اصفي المكينة من غير ما افتح شئ؟

اشكرك اخوي Super safari ،ان شاء الله راح استفيد منك كثير بحسب خبرتك،،
حبيت اقووولك إن ما عندي رجة بالمحرك، بس إذا كان المحرك ساخن وطفيت المحرك وشغلته على طول يطفى المحرك مرة وحدة بس، وبعدين إذا دعست له ريس شوي ما يطفى،،
وكون إن عندك معلومات عن الـknoc sensar ارجو الافادة،، ..
هل السنسر له دور في سرعة المحرك؟؟
وهل إذا السنسر خربان تشتغل العلامة الصفراء بالطبلون؟؟


بالنسبة للبواجي تم تبديلهم من 11 شهر تقريباً ... وإذا كان من البواجي كم عمرهم الافتراضي؟؟؟


وكلامك سليم بالنسبة للشخص اللي عنده كمبيوتر جديد ما عنده خبرة بالفحص..

اخوي طيب حرارة السيارة طبيعية ,.؟

هل السيارة فيها تفتفة .؟

انا كانت عندي تفتفة غير معروفة في السيارة
فحصت كمبيوتر نفس الحساس ,, وهو حساس يتحسس رجفة المحرك والسيارة ,,
لكن سيارتي كانت فورد وظهر ليي اي سلندر الي الأحتراق فيه مو سليم
نظفت اسلاك البوجي ,والكويل
غيرت صفاية بنزين وحطيت منظف بخاخات موتور كرافت علبتين ومسكت خط والحمد لله السيارة احلا ما يكون دون
ماحطها عند الورش الي مانسلم من نصبهم ,,

على العموم المفروض مثل ماقال الاخ علي يعطيه العافية يسوي clean ويرجع يفحص ثاني ويشوف فيه مشاكل ظهرت ولالا


وجرب تنظف الثروتل
اشتري بخاخ ac deloc ونظف ثروتل والمقاطع والشروحات كثير
بخ نص البخاخ داخل الثلاجة ولازم واحد يكون داعس لك على الريس واو تحط حجر او بلوك عشان تفتح البواب وبخ نص البخاخ عشان يدخل لغرفة الاحتراق وينظف لك الكربون

وشغل السيارة بتلاقي صعوبة ادعس ريسسسس بتلاقي دخان ابيض طبيعي ادعس وبعدها

بخ مرة ثانية والسيارة شغالة شوي شوي لين ينتهي

بعدها خذ السيارة وامشي 10 كيلو وادعس ريس شوي لين يخرج الكربون

ممكن تنفع معك لأنه تراكم الاوساخ على البوابة والثلاجة والكربون داخل السلندر وغرفة الاحتراق يضعف من عزم السيارة ,, ولو ماراحت المشكلة بتشوف تحسن ملحوظ في صرفية البنزين والأداء اذا لك فترة مانظفت الثروتل

بالتوفيق

حيااك الله يالطيب
ظهور الكود للنك سسنسور كان وقت العطل ولا اعتقد انه مستمر
اكيد اذا السياره مو صافيه راح يطلع عندك
المفروض اثناء الفحص طلبت من الفني يمسح الكود وتجربة السياره
الفحص ليس استخراج كودات فقط
اي شخص حتى لو ماهو فني يقدر يطلع الكود
الصحيح مسحه وتجربة السياره والفحص مره اخرى
عزيزي ليست المشكله من النك سنسور والله العالم
اتوقع المشكله تكمن في تصفية المكينه وتنظيف الثروتل وبحول الله امورك محلوله
بالتووووووفيق