استشاره ضروري

مشكورين للي ردو علي الله يجزاكم خير

فيه كيا كرنفال
او فورداكسبدشن

^^^^

الايدج يصلح للسواق

^

سري ترا الاخت تبي سياره للسواق مو لها هي :bigggrin:

شوفي اختي بما انك بتاخذينها (تاجير) منتهي بالتمليك فما عليك من ماركه السياره لان اي بنك يشتريها وياجرها عليك لين تنتهي الاقساط

فمدام ما عندك ميزانيه اقترح عليك سيارات رخيصه عشان ما تكلف عليك بالاقساط

عندك مثلا تويوتا اينوفا وهذا رابط فيه صورها ومواصفاتها واسعارها http://www.toyota.com.sa/modelsprices.asp?model_id=13

سياره حلوه ومو كبيره مره وتصلح للسواقين وخراباتها قليله ان شاء الله لانها مكينه وقير هايلوكس :bigggrin: بس بدل الصندوق حطو مراتب :tongue:

وعندك هونداي H1 وهذا الرابط فيه صوره ومواصفاته بس ما فيه السعر ولا اعرف سعره صراحه بس سعره قريب من سعر الاينوفا http://www.wallanhyundai.com/models.aspx?model=H-1

طبعا هذا سياره السواقين الاولى بالرياض :bigggrin: وميزته انه واااااااااسع من داخل بس كبير من برا و(اعتقد) خرابه اكثر من الاينوفا بس مو راعي خرابات

واذا عندك استفسارات ثانيه قولي وانا والشباب ما راح نقصر :xyxwave:

فورد ايدج :xyxthumbs:

من ناحية الفلوس انا باخذ تقسيط منتهي بالتمليك
القيمة ما حددت ابغا اشوف اللي تناسب سواق واشوف الوكاله هل يناسبني قسطهم الشهري
او لا انا بس شفت وكالة فورد ناسبني سعر تورس وفيلكس بين 100 و107 بس شوي متحسفتها على سواق وقسطها مو سهل خاصة انه عندي قسط ثاني
مشكلتي شوي متردده
من ناحية قطع الغيار وسعرها قالو لي في الوكاله بيسوون ان شالله تامين شامل 5 سنوات
ناس تقول لي الامريكي قطع غياره غالي وفيه ناس تقول العكس
وناس تقول الياباني واختاري تويوتا بصراحه معاد عرفت

الفكتوريا والماركيز احس انها ما تصلح للسواقين

لانها ضيقه شوي من ورا وما تشيل الا ثلاث اشخاص ورا

انتي قوليلنا كم الفلوس الي معك وحنا نشوف لك سياره حسب ميزانيتك

والله هذول السيارات حق كرف وتتحمل بس المشكلة الوحيدة فيها اول شيء كل شيء كلاسيكي فيها
يعني من الاخر مافيها مواصفات وبالتوفيق ان شاء الله

مشكورين للي ردو علي
واحد من اخواني يقول اللحين لي افضل شيء اما ميركوري او ماركيز
ايش رايكم فيها يقول تتحمل وسعرها فيها بصراحه ما فكرت في هذي السيارات ابدا

بالنسبة لتويوتا فورتشونر تشرب بترول اكثر شيء فيهم
احسن شيء فورد فليكس او تورس

بالتوفيق

تويوتا أفضل خيار للسايقين ..

شوفي اختي من وجهه نظري عندك ولا وحده من ذولي

عندك يا (هونداي H1 ) رخيص وشكله حلو وواااااااسع ويتحمل

وعندك (تويوتا اينوفا) هذي اصغر من الهونداي بس تتحمل اكثر منها والله اعلم

هذي سيارات اغلب السواقين واكتبي بقوقل اسمائها وشوفي صورها

وبالاخير استخيري والله يكتب لك الي فيه الخير

انا في الاول متردده بين فورد فيلكس او تورس وكلهم من توكيلات الجزيرة والاثنين عاجبيني وتفاجأت بوجهة نظر ثانية تقول لي
اذا للسواق افضل شيء تويوتا
عشان كذا ترددت الان بين فورد او تويوتا