ما نجحت ولا أعتقد راح تنجح!
السبب واضح جدا أخوي SUBARU OUTBACK
خلني بقولك عن سيارات معينة وقارن لي بينها
تيوتا برادو , أفجي كروزر , فورتشنر , لاندكروزر
جمس يوكون وشفروليه تاهو
نيسان باترول
وش تلاحظ بين علاقة هذي السيارات الي طايحين فيها الناس بالي حطيتها بالموضوع؟
أكبرا حجماً؟
طبعا لكن فيه شيء ثاني
أقوى محركاً؟
طبعا لكن فيه شيء ثالث
ماتبتلش فيها لما تبيعها؟
طبعا لكن فيه شيء رابع
قدراتها كسيارة SUV مخصصة للطرق الوعرة
نعم لو تجي تجمع هذي الأشياء كلها راح تلاحظ الأشياء الي تميز بها عن هذي السيارات الموضوعه بالموضوع
يعني الراف فور رغم أنه مكتوب بالخلف 4WD ألا أنه لا يمتلك دبل ثقيل!!! ولا يغرك مندوب المبيعات أو أي شخص ثالث يقول العكس فهي ليست مخصصة للطرق الوعرة الصعبة كل مافيها زر بالنصف مكتوب عليه LOCK وهو ما يسمى بالقفل الوسطي بحيث يجعل قوة الدفع فيها 50% أمام و50% خلف بدلا أنها تكون مثلا الأغلب بالخلف والباقي بالأمام مثلا 60/40 لأن 50/50 متعب للسيارة فالطرق المعبدة وأخذ اليوتيرن وغيره
المشكلة ما أعرف الكثير عن نيسان روج
لكن خلنا نجي مازدا CX-5 وسوبارو فورستر
هذي السيارات مصممة على أنها تكون مخصصة للثبات على الطرق المعبدة أكثر من أنها تخصص وتقدر تتجاوز الطرق الوعرة
الفورستر القير العادي فيها تثقيل الدفع LOW/HIGH ومع ذلك مو كافي لأن أبعاد السيارة ما تصلح للطرق الوعرة المتوسطة والصعبة فقط البسيطة
ولا تستغرب أيضا من أشخاص يشترون سيارات دفع رباعي كبيرة مثل اليوكون واللاندكروزر والباترول والي يسوقها بنسبة 90% شخص واحد فقط! بالعكس من أبسط حقوقة
ليش
لما يبي يودي اهله وش تسوي هذي السيارات الأخرى الي موجودة بالموضوع علما بأن أغلب العوايل السعودية لو تتكلم عنها راح تجد متوسط عدد العائلة من 5 أفراد من دون الخادمة والأغراض المتبقية يعني حتى لو الواحد معه سيدان ماتشيل إلا 5 أشخاص راح يتضايق بهذي المسألة يعني الواحد يشتري سيارة كبيرة علشان متى ما أحتاج يشيل أكثر إلا السيارة لها القدرة لذلك
لما الواحد يبي يسافر بعيد ما يحتاج يسوي مثل البعض تلقى السيارة صغيرة أمثال الي موجودة بالموضوع وتجد قلص خلف السيارة يحمل أغراض كثيرة أو في تندة السيارة حاطين أغراضهم وأسمع الأصوات بالخط وتمايل السيارة أذا فيه هوى قوي أو لما يدخل كراجات حقت فنادق وماغيره ويكون طول السيارة الأمتعة لا يسمح له بعكس لما ياخذ سيارة كبيرة ويحط فيها كل أغراضه تكفيه وتريحه من الغثى أقربها ناس يشترون سيارات فئة SUV الكبيرة وأنا منهم تستطيع السيارة تحمل 9 أشخاص مرتاحين لكن مصفط المراتب الصف الثالث بحيث لا تحمل إلا 5 إلى 6 أشخاص والباقي حاطه للأمتعة لزيادة مساحة التخزين للي يبي يطلع البر والسفريات وغيره ... ألخ وناس واجد مسوينها
نجي الأهم أغلب من يشتري هذي السيارات الكبيرة من فئة الشباب يبيها علشان طلعات البران
يعني مافي أبدا مقارنة لو بجيب أكثر سيارة سيتحقرها الناس وهي الفورتشنر بتكون أفضل بمراحل لطلعات البر وللأماكن الصعبة من جميع السيارات الموجودة بالموضوع حتى لو جبت هوندا بايلوت ومازدا CX-9 ونيسان مورانو وماشابه ألخ
حتى لو بمسألة القوة ولو يدفع مبلغ أعلى علشان ياخذ على سيارة قوية كسيارة 8 سلندر لان يالله لك الحمد والشكر والله لا يغير علينا سعر البنزين عندنا أرخص من الماء يعني ماله أي أهتمام موضوع بقدر أنه يبي يستمتع بالقوة ويفكر بين سيارة تمتلك محركين وياخذ المحرك الأصغر علشانه أقل أستهلاك إلا بالدول الي بنزين عندهم غالي بل ما يفكر بالمحرك الأصغر إلا لأن الميزانية ما تسمح له يشتري الي محركها أكبر أقربها لو الراف فور ينزل عندنا بمحركه 6 سلندر الي سعته 3.5 لتر والواحد قادر يشتري كلا المحركين وعندنا بالسعودية وش تتوقع يختار؟!
وفيه شيء أخر بخصوص هذي السيارات لو الواحد اشتراها وهو مثلا مقبل على الزواج السيارة ماراح تجلس معه فترة طويلة بعكس السيارة العائلية الكبيرة بسبب أن عدد العائلة يزيد وبدال ما يبيع ويخسر ثم يدور سيارة كبيرة إلا بالاساس هو شاري سيارة عائلية ومرتاح من البداية ما يحتاج يغيرها
وهذا كله أسباب كثيرة تقنع بأن هذي السيارات ماتشوفها أصلا بالشوارع إلا نادرا جدا مقارنة بالسيارات الكبيرة وبنسبة لي لا أشوفه أكبر خطاء كما كنت أعتقده بالسابق بل أن الواحد يشتريها بالعكس كسبان 100%
