المهم ونرجع الضباب.ونشوف اللومينات والكوابرس واقفين على جنب
رحت قدامهم كلهم ومعي خويي وغمزت لهم يمين يسار
جاني لومينا اس اس اسود وقف جنبي دق ثلاث بواري وندعس واكسر راسه
الشعب ماصدقوا وآخذه ذهاب واياب مسكين تحطم نفسيا
وجاني لومينا اس اس 2003 قال لي هذي اس اس مرهمة ال اس صح؟
طالعت فيه كذا بنص عين قلت ايه
المهم يدق ثلاث بواري وندعس ونقوم مع بعض على خط واحد كلنا نفس السيد مااحد تعدى الثاني
وجاني راعي مرسيدس سي ال 2003 عنابي
قال لي يالله .قلت له خلص البنزين ((صرفت ام السالفة مالها داعي يكسر راسي قدامهم قال انا بعبي لك بنزين فل قلت لا يااخوي متأخر على البيت ابغى اصرفها عيت لاتتصرف))
قال لي خويي ال اس اس يالله تقاوم معه كأنك خايف؟!!
قلت يالله هي خربانة خربانه
توكلنا على الله ويدق ثلاث بواري ويالله طيرااااان دوس ياخنفوس ويقوم علي الوسخ
مال امها داعي طاح وجهي حمر وصفر وخضر صارت الوان الطيف السبعة كلها في وجهي
قلت له باقي الاياب قال يالله واستعد له اتم الاستعداد وثلاث بواري ويالله واقوم عليه ماصدقت نفسي هيييييييييييييييييييه مين قدي؟
قال لي يالله مرة ثانية لازم واحد يقوم على الثاني ويالله ويقوم علي والاياب واقوم عليه اثاري السالفة ايش؟
الشارع اللي في الذهاب يدور الكفر على نفسه وهو يمشي وفي الاياب امشي انا ويدور كفره
الحمدلله على كل شي وباقي سوالف وسوالف ادري مااحد بيصدق الا ان كان حاضر او يشوفها على فيديو
اكمل بعدين السوالف الباقية
