افزعوا معي يالنشاما ابي سيارة لزوجي ازيرا2012

الله يرزقكم

بس لو تخلين السيارة باسم زوجك عشان لا سمح الله و حصل زعل ما ينزل للشارع و يخليك تاكلين كم مخالفة ساهر على ظهرك :d

وين احصل مره زي ذي اخذها وتهديني سياره مشاء الله

اهنيه فيك صرآحه ، هذه الزوجه ولا بلاااش ..


همسه / مآعندك اخت

ايش بنكك. عموما اذهبي الى الوعلان وتأكدي من السعر وانشبي في حلووووووقهم كاسريهم. انصحك تاخذي فئة بانوراما النوع2 مميزاتها كراسي جلد. قيمتها 93000 لاتفوووووووتينها نصيحه خخذي قرض من بنكك واطلبي من البنك اقل نسبة ربح. الفرع الي بتسوين فيه طلب قرض راح يرفع طلبك للإدارة رغبتك انك تاخذين قرض بهامش ربحي=1.99% بياخذ الطلب يمكن 5ايام بعدها ستتم الموافقة اذا تمت الموافقة وقعي على القرض ب93000 بينزل في حسابك بعد24ساعة بعدها اما انك تكتبين شيك باسم الوعلان بس بعد ماتتأكدين ان الصيغة صح مثلا شركة الوعلان للتجارة او شركة الوعلان للسيارات على حسب. اذا ماعندك دفتر شيكات اسحبي فلوسك كاش

شكرا

ولا واحد قال الإجراء كيف من بداية ما اروح لحد ما اوقفها لحد الباب,,, واكيد راح اخذها عن طريق البنك,,,,


شكرا جزيلا

اختي

قبل الشراء الافضل تزورين الوكاله وتاخذين معلومات عن الاسعار والمواصفات
ولا تستعجلين في الشراء ............. الركاده زينه

وقرض من البنك افضل من تقسيط الوكالة السيارات

واذا كانت هديه منك الافضل السياره بإسمك زوجك
اما اذا لم تكن هديه فخليها بإسمك

والله يوفقكم ويحفظكم ويسخركم لبعض

هيك الحريم ولا بلاش
الله يرزقني بزوجة زيك
والله يتمملك على خير

حبيبي تقول موظفة حكومية و مالها إلا 3 سنوات في الخدمة و راتبها 6500 ريال
يعني ما توصل لـ سيارة ، ( 6500 ) هذولي ربعنا حقين العطور و الساعات ! :wink:
لكن على العموم الله يوفقهم و يرزقهم المال و البنون و السيارات الزينة إن شاء الله :bigggrin:

و بالنسبة للأزيرا حلوة و لكن الفورد ( التورس ) نص فل أفضل بكثير و سعرها مناسب جداً
و ( الجينسيس ) رائعة و أحلى من الأزيرا و أعلى فئة أيضاً
على العموم أنا أفضل تاخذين قرض من بنك أفضل و تشترينها كاش

و الإحتياط تكون بـ أسمك لأن الزمن غدار و يا ما حريم تعذبوا بقصص مثل كذا

نفس اعرف على اي اساس الاغلب قال قرض و وقال ان القرض افضل ومابعرف شو ؟؟؟ المراه ماقلت بتاخدها كاش او قرض == هي تبي المواصفات والاجرائات وماذكرت انها تبي قرض او وين افضل تاخدها اقساط او قرض من البنك هدو بالكم شوي اعطوها الي تبي من اوبة ولو سالت وين افضل قرض او ايجار بعدين جاوبو اغلب الردودتتكلم عن القرض وقليل من الردود الي فيه رد للاسئلتها الفعليه

مواصفات الأزيرا ...

ـ مكينة 3 آلاف سي سي
ـ 6 سلندر
ـ فيها إضائه خافته تكون في أطراف الديكور
ـ تجي بفئتين النص فل ( الفئة الوسط ) والفل كامل ( أعلى فئة ) .
ـ أسعارها تبدأ من 90 ألف وتنتهي بـ110 آلاف كاش
ـ الفرق بين النص فل والف كامل مقاعد جلد ومانصحك بالجلد لانه الجو حر عندنا .

ـ فيه واحد من الشباب قالي انه فيه أنوار زينون بضمان الوكالة قيمتها 950 ريال ومدة الضمان عليها سنتين

أنصحك اذا اشتريتي السيارة روحي لمحلات التظليل العزل الحراري وظلليها :wink:

الأسعار تختلف من وكالة لوكالة ... ووكيلها عندنا الوعلان والمجدوعي


كثرت عليك الكلام بس هذي السيارة باختصار وآمل اني افتدك

ويعطيكم خيرها ويكفيكم شرها

الله يرزقنا بزوجة زيك

ياخي زوجه تبي تهدي زوجها سياره وهذا يدل على حبها له الله يخليهم لبعض


وكثير من المتزوجين زوجاتهم يهدونهم على قد امكانياتهم اللي تهدي زوجها عطر بـ 300 ريال


واللي تهديه ارض بــ 300 الف :xyxthumbs:



الله يرزقنا والسامعين رضاه والجنه

الفل كامل نوع واحد لكن الى الان
غير متوفر !
يوجد فئه سعرها 108 مواصفاتها جيده لكن تعتبر نص فل
اضافوا لها شاشه عشان يمشونها ..


الغربيه لا يوجد لها الا وكيل واحد وهو الناغي ..

بالتوفيق ..

انا انصحك تاخذين قرض من البنك وتشوفين الجينس افضل من الازرا حتى لو انها ستاندر زي الي بالرابط
http://www.saudisale.com/SS_a_car.aspx?carid=19012
وهذي ازيرا فل
http://www.saudisale.com/SS_a_car.aspx?carid=20929
والجينس فئه اكبر من الازيرا

+1 :smilie16:

افضل شيء عشان يرتاح مخك

روحي للناغي و اسالي عن السعر و اذا اعطاك السعر قولي و اذا بدفع كاش كم بيصير ؟؟

و شوفي السعر كامل

و روحي البنك و خذي قرض لان عروض البنوك افضل من الوكالة

و اذا اخذتي القرض روحي للناغي و اعطيهم الفلوس كاش و كذا تصيرين تتعاملين مع البنك

بالتوفيق لك و لزوجك

نصيحة خذي قرض من البنك الي فيه راتبك لان نسبة الفائدة بتكون1.99% بينما الوكالات راح ياخذون منك فائدة 10% واظن في فرق كبيــــــــــــــــر، ثانياً اذا اقتنعتي بفكرتي واخذتي قرض من البنك ، اشتري ازيرا من وكيلك المحلي اظن انك من جدة فمعناتها اشتريها مباشرة من الناغي، او من معارض جدة وتكون الازيرا من الناغي، تدرين ليش لان الوكيل الحصري في منطقتك راح يضمن سيارتك ضمان كامل صحيح ان السيارة مدامها جديدة تكون مضمونه دولياً وكعرف عالمي، لكن فيه نقطة لازم تعرفيها، وهو ان يجب عليك فتح ملف عند ادخالك للسيارة في اول صيانة لدى وكيلك المحلي، ودفع رسوم وهي 5000 او اقل من كذا، وهذا نظام فاشل وجشع من قبل الوكلاء الاعزاء هداهم الله، فانا اقول اشتري سيارة ضمانها وكيلك المحلي في منطقتك افضل ، عشان يسقط عنك فتح الملف .

السلام عليكم......

حياك الله أختنا أم نايف والله يخلي لك أبو نايف
وبسم الله ما شاء الله عليك

بخصوص الأزيرا فهي تجي فل أوبشنز بخيارات عديده
الهيونداي بشكل عام تأتي بثلاث وكلاء بالمملكة:
1- الناغي موجود بالغربية
2- الوعلان متواجد بالوسطى
3- المجدوعي وهو بالشرقية
تختلف التجهيزات من وكيل لآخر ومن دفعه للثانية
هذي يمكن يفيدونك فيها أصحاب الأزيرا وراح أعطيك نصائح على قد ما أعلم فيها من مميزات
أحرصي بالفل أوبشنز بالمواصفات التالية:
1- وجود شاشة ملاحة شد بلد << وهذا الخيار لا أعلم هل تم توفيره أم لأ بالمملكة
إذا متوفر خير وبركة وإن ما بعد يجي بتخطي هذه الإختيار
2- محرك ستة سلندر
3- فتحة بانوراما بالسقف
4- جنوط 18"
5- نظام الدخول والتشغيل من دون المفتاح
6- رادار أمامي + حساسات أمامية وخلفية
7- كاميرا خلفية
8- نظام Auto Hold الإلكتروني
9- نظام الإضائة الداخلية << تلاقيه بالأبواب لونه أزرق بالأزيرا
10- جلد + تدفئة وتبريد الكراسي + ذاكرة مقعد السائق
11- مقود آلي
12- زينون

هذه أبرز المواصفات علشان تعرفين الفل أوبشنز
وأرجع وأقول تختلف المميزات من وكيل لآخر
وأنصحك أبحثي عن الوكيل اللي يوفر جميع هذه المميزات

الله يتمم لكم على خير