الفزعة يا شباب

السلام عليكم ورحمة الله وبركاته

كيفكم يا اعضاء المنتدى الكرام

عندي مشكلة ولاني عارف احلها و ابي فزعتكم

عندي سيارة اسمها ( شفرليه كروز 2010 ) شاريها وكالة ولها معي 3 سنين ولاكن بعد الثلاث سنين هذه صارت معي مشكلة غريبة وفريدة من نوعها الا وهي في صندوق التروس ( القير الاتوماتيك ) والمشكلة هي ظهور العلامة الصفراء المعروفة بعلامة المكينة هذه بداية المشكلة ( شغلت السيارة ووضعت القير في وضعية ( R ) فجأة السيارة رجت رجة قوية مرة ارجعت القير الى وضعية ( p ) وطفيت السيارة ورجعت اشغلها نرة أخرى وحدثت نفس المشكلة رجة في السيارة عندما احط القير في وضعية الرجوع ( R ) والعلامة على الطبلون ( R ) تؤشر ووضعتها على وضعية ( D ) الرجة تروح بس القير يحول على الثالث مو الاول يعني يمشي بس على الثالث ومايغير السرعة !!!!

اليوم الثاني راحت المشكلة و لمدت اسبوع كانت مختفية فجأة ترجع مرة ثانية وألعن من أول رجة وعدم تغيير وبطأ في السرعة

رحت لأحدى الورشات وفحصت كامبيوتر قالي عندك مشكلة في القير وهو كامبيوتر القير فيه مشكلة لازم توديها الوكالة لاننا ما نعرف نصلحها والوكالة هي الوحيدة اللي تعرف

كود المشكلة ( PO700 )

اليوم كنت في وكالة الجميح تصوروا من الساعة 11 صباحا الى 3:30 عصرا ولا أحد راضي يكشف عليها وأبي ارجع لهم بس ابي استفسار منكم ( المشكلة هذه صارت مع اغلبكم وانا متأكد والمشكلة سيارتي يقولون ما يتغير لها الزيت ( كلام أصحاب الورش ) وأنا والله ما اعرف وش اسوي وأبي شوركم تكفى ياشباب فزعتكم

تحياتي ...