السلام عليكم
خطوات التنازل عن السيارة لو سمحتوا التاجير المنتهي بالتمليك
لاني بشتري سيارة اللي هي تاجير منتهي بالتمليك سنة و نص و بعدين مسافر ان شاء الله
و بعدين احد يخدها الطريقة سهلة في التنازل و لا بعدين اتوهق انا و سيارتي و لا كيف :bigggrin:
و سؤال تاني ايش احسن شركة تاجير منتهي بالتمليك كيا ؟ اشوف الاعلانات كويسة سيراتو كوبيه ب 1200 في الشهر كويس و الله
و كام تيجي تقريبا المقدم و ايش المتطلبات
و فيه فرق بين التاجير المنتهي بالتملك و التقسيط و لا كله واحد و لا كيف ؟
اسئلة كثيرة اسف يارب اللي بجاوب يخش الجنة :tongue::tongue:
التنازل سهل اهم شيء تجيبلهم الشخص اللي بتتنازل له ويجيب معاه : ورقة تعريف ، فاتورة كهرباء ، كشف حساب ، ، الهويه ، الرخصه ، مبلغ رمزي للشركه ، وبعض الشركات مايطلبوا كشف حساب ..
فيه كم شركة حلوه عندك : شركة اليسر ، وشركة تأجير .. ( هذي اللي أعرفها ) بس اليسر فوائدهم أقل .
الدفعه ماتتجاوز 10000 اذا ماعندك إلتزامات لوعندك إلتزامات هم راح يحددون لك كم الدفعه ..
الفرق بين التاجير والتقسيط
التأجير مايطلبوا كفيل بعكس الاقساط .
التأجير يكون القسط خفيف بسبب الدفعه الأولى والأخيره .. أما القسط مافيه دفعه أخيره .
المتطلبات :
ورقة تعريف بالعمل والراتب ، صوره من الهويه ، صورة من الرخصه ، فاتورة كهرباء اذا كان البيت ملك اما لو كان ايجار أظن عقد الإيجار وفاتورة كهرباء ...
بعد كذا تنتظر أسبوع أو أقل اذا وافقو الشركة تروح لهم وتوقع العقد وتدفع الدفعه اذا كان فيه دفعه ..
معلومه : كل مادفعت دفعه أكبر كل مانقص القسط . ( يعني كل مادفعت 5000 في الدفعه نقص من القسط 100 ريال أو دفعت 10000 دفعه ينقص 200 من القسط الأساسي ) .
وسلامتك ..
