لملاك بورش عموما .. و الـ كيان خصوصا .. مشورتكم هنا

بالنسبة لي بتجنب السقف الزجاجي قدر الامكان لان اجوائنا و ما تساعد
بغض النظر عن مشاكله اذا هي موجودة او لا
لكن انا افضل العزل على الشكل الخارجي

مشكورين مره ثانية

والله انا نصحت بناء على تجربتي (للشكل القديم) من ناحيتين:
الاولى اعطال (ولو كانت بسيطة) وايضا على كلام خويك جورج :wink: مشاكله كثيرة لعدة اسباب وقد تكون قلت في الشكل الجديد هالنقطة

الثاني: العزل وهذي نقدر نعممها على كل السيارات البانوراما عزلها اسوء من العادي وجرب كايين بدون واحكم وللعلم العزل يسوء مع الوقت بعدما الربلات تاخذ حقها من الشمس.

وبالنسبة للشكل الخارجي فما يفرق ابد بانوراما ولا لا في الجيب (الا كانك عملاق :) ) وفي الداخل صحيح

وماشاء الله سياراتك كلها جديده وصعبة تحكم على تجربة كم شهر (وان شاء الله يكون كلامي غلط وما تظهر اي مشاكل)

^^
عزيزي ليه تنصحه بالابتعاد عن البانوراما ،، انا جربته بكايين ٢٠١٢ والحين ٢٠١٣ ولا عانيت من هالشي ابد لا خراب ولا مشاكل وبالعكس يجمل شكل السياره من الخارج خصوصا لو اللون غير اسود ويجملها من الداخل بكثيييير !!
واذا صار شي لا قدر الله من مشكله او غيره الضمان يشمله ويصلحونه لك بس ماعانيت منه اببببدا !!

السلام عليكم

اخوي بحكم امتلاكي لاكثر من بورش هذا رأيي:
البورش بشكل عام سعر قطع غيارها معقول جدا وارخص بكثير من ما يعتقده الكثير ولكن ليس عند ساماكو !! الاسعار عند ساماكو اغلى بكثير من برا ولا يوجد خصم عليها للأسف

وفيه ميزه في بورش (لاتوجد عند غيرها على حد علمي) وهي امكانية تمديد الضمان لمدة 9 سنوات كل سنه بمبغ يتراوح من 4000-8000 وطبعا هذا من بورش الرئيسية وليس من ساماكو (الحمدلله)

وبالنسبة للكايين يعتمد على رغبتك تيربو او جي تي اس مع تفضيلي للتيربو (بفارق كبير) وعموما مهما كان اختيارك انصحك وبقوه ان تبتعد عن البانوراما لكثرة مشاكلة

وبالتوفيق

مشكورين جميعا على ردودكم .. بخصوص الخيارات الخرى ما فكرت فيها ابدا
العاطفة غالبتني يا كيان يا بلاش من الالماني كله ..

و يبدو ان خيار الامارات فكرة جدا جميلة ..

شكرا جميعا ما قصرتوا

ياعسل اذا ميزانيتك توصل 350 الف حلو عندك 730 2013 بعد الفيس لفت طلع روعة فلل كامس بـ 355 فقط صيانة 5 سنوات مجااانية وسيارة عملية وفخامة وهيبة

حبيبي انا كان معاي كايين ٢٠١٢ شريته مستخدم والان معاي ٢٠١٣ اخذته جديد وكاله
مافي مثل الوكاله تفكها انت بنفسك ،، مبلغ زي كذا حرام تحطه في مستخدم
بخلال ميزانيتك مستحيل تجيب كايين اس وجي تي اس وتيربو لموديل ٢٠١٣ جديده الا اذا بتطلب اوردر وتنتظر عده اشهر وبيكون اس !!
عشان كذا فكر مثلا اودي a7 خذها فل اوبشن جديده
لكن بصراحه مايجي مثل جمال وروعه وقوه وفخامه الكايين ،، جبااار جدا لكن اعتقد صعب عليك بميزانيتك
غير الصيانه المكلفه والضمان فقط سنتان ،، بموديل ٢٠١٢ صارتلي مشكله وصلحوها عالضمان ولو كان مب فيه بيكلفني حدود ٣٠ الف وهي متعلقه بقطعه داخل المكينه !!
باختصار الكايين جبار بس يبيله ميزانيه اعلى بكثير

من ناحية القطع هي غاليه فـ جميع السيارات الألمانيه تقريباً , بينما الكيان GTS ما اعرف بصراحه عنها
أخوي عنده كايان توربو موديل 2012 لاكن الـ GTS ما اعرف عنها لأني أملك 911 Turbo موديل 2010
و ما أستعملها بشكل كبير لأنها سياره رياضيه ما تنفع لأستعمال يومي لذالك أستعملها في المناسبات أخي
العزيز بما ان الميزانيه عندك من 300 الى 350 الف ليش تاخذ مستعمل خذلك وكاله بصراحه ما اعرف
الأسعار في المملكه لاكن عندنا في الأمارات بالتحديد مركز بورشه دبي سعر الـgts وكاله بـ 336 درهم
حسب علمي ان الدرهم يساوي الريال لذالك الأفظل تاخذها من دبي وكاله بدل ما تاخذها مستعمله و نضيفه
من الممله (مجرد نصيحه)

مشكور اخوي ناصر على ردك ..

بالنسبة للخيارات اللي طرحت .. كانت cls من ضمن اللي ببالي
لكن تنازلت عن كل شيء لاني احب البورش عموما و جاء الكيان على ما ابي

مشكور و ما قصرت مره ثانية اخوي