السلام عليكم و رحمة الله و بركاتة
انا بديت الان اسوي صيانة دورية لسيارتي ( اوبترا 2005 ) بعد ماكنت ساحب عليها ( تغير زيوت بس )
المرحلة الاولة : هي تقوية عزم السيارة
و من خلال بحثي وجدت ان اركز على هالاشياء
1- تغير فلتر البنزين
2- تنظيف البخاخات
3- تغير البواجي
1- تغير فلتر البنزين ( البنزين 95 احمر )
القطع : فلتر البنزين - من الوكالة - السعر 29 ريال
شغل اليد : اوتو ستار - السعر 20 ريال
المجموع : 49 ريال فقط
# قررت ما اعبي الا من محطات تكون الكترونية و تكون المضخة بفلتر #
طبعا نظام اوتوستار اللحين ممنوع تدخل حتى ان هم يدخلو السياره بنفسهم
2- تنظيف البخاخات
القطع : لايوجد
شغل اليد: بترومين - السعر 250 ريال
بالاضافة :
تغير فلتر الهواء
القطع : فلتر الهواء اصلي GM- محل الحاج - ( الوكالة طلبيه ) السعر 40 ريال
شغل اليد: بترومين - السعر : بدون
ايضا: تشحيم للابواب من بترومين - السعر : بدون
( لقيت عندهم خدمة تنظيف الرديتر - السعر 200 ريال ) حسيته غالي و انا مركب رديتر جديد
3- تغير البواجي
القطع : بواجي - الوكالة - السعر 60 ريال
شغل اليد : اوتو ستار - السعر 40 ريال
المجموع : 100 ريال
مجموع الاصلاحات كلها = 399 ريال فقط
النتيجة : بصراحة مالي خبره كثير بس احس ان السيار صارت اخف ( يمكن وسوسة مادري )
الاصلاحات القادمة : - ان شاء الله -
1- تغير السيور و بكرات الشداد ( على كلام اوتوستار غيرهم افضل )
2- تغير شمعات النور ( النور عندي رايح فيها ما يلمع خلاص )
3- تنظيف الثروتل ( خايف من تنظيفه خصوصا مالقيت مركز معتمد انظف عنده )
اصلاحات ( الصيف ) - ان شاء الله -
1- تركيب فلتر المكيف ( الورش يقولو مافيه و الوكالة تقول فيه ! )
2- تغير ماء الرديتر ( انا ركبت جديد و كنت حاط ماء اصلي - تويوتا - بس حد العمال حط ماء عادي- قلت بغير الماء و بحط اسي دليكو
3- تعبئة الفريون
اذا عندكم اي تعليق او نصيحة فلا تبخلو على اخوكم
