ضجة المكينة داخل السيارة + نقص ماء القربة

الصوت المضخم للمكينة قد يكون من كراسي المكينة , أنا لا أعلم سبب آخر في الحقيقة.
أما الماء الذي من جهة الراكب الأيمن كما تقول يعني عند الحاجز ما بين مقصورة الركاب و الكبوت , على كذا ممكن من الماسورتين الي تدخل موية على دفاية المكيف داخل الطبلون. بس تأكد من هالشيء .. احتمال. و أسهل حل لذلك هو فصل لي الحار حق المكيف في حال كان الأمر كما أتوقع.. بس لازم تكشف.

السلام عليكم ورحمة الله وبركاته
أشكر أخوي Amunt وأخوي super_safari على تفاعلهم مع الموضوع
بالنسبة للحرارة أمورها 100% مافيه أي حرارة والنقص بموية القربة حتى وهي باردة لانه شيكت عليها وهي باردة فلاحظت النقص وعبيتها موية ومشيت بها كم يوم وشيكت برظو وهي باردة فلاحظت النقص واللي يثير الدهشة انه لاحظت بعض نقط الموية بالأرض من ناحية الجنب الأيمن للسيارة من ناحية المرافق وبعدها ما لاحظت أي نقط موية شيكت أكثر من مرة ما شفت شي.
أما بالنسبة للصوت فهو مهو طقطقة ولا صرصرة وإنما كأنه صوت مضخم يعني أنت لما تسمع شي من مكبر صوت وتضع إعدادات الصوت على التضخيم فهذا هو الصوت

الضجة يمكن من الديكور الداخلي إذا كان ذلك عند تغير دوران المحرك مثلاً عند التعشيق على D يظهر الإزعاج.
و ممكن من شيء في الكبوت مثلاً دبات التواث أو شيء آخر غير مثبت. لازم النظر أسفل السيارة. روح محلات الميزان و محلات التربيط و شوف كل الآراء الي تنقال لك.

تهريب الماء إذا هو رشح بسيط ما يترك أثر صعب استكشافه ؛ لأن المصادر كثيرة و المشكلة أنه لا يترك أثر! مصادر رشح الماء مثل: وجه الرأس , طرمبة الماء , الطبات , طبات الرديتر الاثنتين , دفاية المكيف (و هذي بلشة من جد) هذا غير الأماكن السهلة مثل الليات و غطاء الرديتر و غطاء القربة , بس ذكرت الأشياء الي مو دايم تخطر في البال سواءً بتجربتي أو تجربة غيري.