دخان أبيض في كابرس 2005

الدخان من جلد البلوف فقط الشنابر سليمه وخروج الدخان من المعيار ما له دخل بالشنابر ابد

خروج الدخان من العيار لا يعنني بالضرورة ضعف في الشنابر قد يكون فقط بسبب حرارة المحرك وهذا امر طبيعي نصيحتي لك طالما الدخان يخرج فترة الصباح وينقطع وغير مزعج وزيت المحرك ماينقص و البواجي مايجي عليها زيت والمحرك صافي استخدمها طبيعي ولا تحمل نفسك مصاريف فك وتوظيب اما بالنسبة لزيت المحرك فلا تستخدم سوى الزيت الموصى به من قبل الشركة الصانعة للسيارة
تحياتي

اخوي سيارتك مافيها شئ ان شاء الله ، الدخان الي يطلع من عيار الزيت هذا لسبب ان الزيت الي تستخدمه خفيف جدا ومع الحراره يتبخر اسرع من غيره الزيوت الثقيله ، اسئل احد معه نفس سيارتك السؤال هذا هل النوع المثيل لسيارتك يتحمل الزيت 50-20 اذا اجاب بنعم فستخدمه لسياراتك وان شاء الله بتروح كل الظواهر الي تحصللك الان من دخان ابيض في الصباح وتشغيل المكيف والسياره واقفه كل هذي الامور ستختفي

طيب اخوي اللي فحص السيارة قال اول مره جلد بلوف بس يوم شاف دخان يطلع من عيار الزيت قال هاذي شنابر رغم ان الزيت ما نقص عندي وماشي فيه الحين 1200 كيلو

اتقف مع الاخ عبد العزيز 8 مشكلة سيارتك جلد بلوف الشابر دخانها مستمر

عليكم السلام أخوي

دام أنت فحصتها بالكمبيوتر وطلع فيها ضعف شنبر فالتوضيب أفضل لك بس شوف ترى تحصل مكينة من التشليح نظيفه لهذا الموديل بس أهم شئ يكون معاها ضمان وبعد التركيب راح يبين لك حالة المكينة وسوي لها فحص بالكمبيوتر راح تبين لك نسبة حالة المحرك بس ياخوي شوف الفرق بالأول بين سعر المكينة المستعملة من التشليح وسعر توضيب مكينة سيارتك بشرط أن تكون القطع أصلية اذا السعر قريب من بعض فالتوضيب أكيد أفضل بشرط أن يكون عند ورشة معروفه وسمعتها طيبه جدا , اذا في فرق بين السعر وماعندك وقت للتوضيب فاشتري لك مكينة مستعملة ترى موديل سيارتك تلاقي كثير من المكاين نظيفه من سيارات مضروبه او صار عليها حادث الله يدفع عنا وعنك وعن الجميع البلاء ............. وبالتوفيق أخوي

ضعف الشنابر راح تلاحظ نقص ملحوظ بزيت المكينه غير كذا يلعبون عليك

إذًا بداية تبويش!
تركيب شنبر يعني لازم تخرط السلندر بس على أقل درجة الي هي 10 لأني أظن أنه لا يوجد تآكل شديد.
أنا قد وضبت أحد سياراتنا و حرصت على أن تكون السبايك و الشنابر أصلي , و الباقي تجاري ياباني (السيارة لانسر) و الحمد لله تمام.
لو بتركب كل القطع أصلية بتكلفك العملية قريب الـ 10 آلاف , أعرف واحد معه كابرس 2006 وضب بقطع أصلية.. لكن صدقني لا داعي,, باستثناء الي ذكرتهم لك. ممكن على كذا ما توصل 5 آلاف ريال بالكثير شاملاً طرمبة زيت أصلية. سعرها لسيارتك تقريبًا 550 ريال.. خبري من سنة ما أدري كم الحين.
أيضًا انتهز العملية و غير طبات الماء كاملةً لأن بعضها مكانه صعب و يستلزم فك المكينة , و أنت مو كل يوم بتيجي الورشات.

و لا أنصحك بمكاين التشليح , ما راح تطول معك لأنها مستهلك من عمرها , غير ذلك لا تدري ما فيها من علل قد تظهر لك بعد شهرين فقط! و ليت أن سعرها مشجع , أكثر من التوضيب يا رجال! و روح شوف بنفسك.

السلام عليك
الحمد الله على كل حال تم فحص السيارة وطلع فيها ضعف شنبر وش تنصحوني فيه يا اخوان وكم يكلف تركيب الشنابر

أخوي عليك بالذهاب الى ورشة لفحص حالة المحرك وراح يبين لك ضغط المحرك هل هي جيدة والا لا أو بمعنى آخر حالة الضغط لكل سلندر من السلندرات اهم شئ تروح ورشة فيها كمبيوتر جيد علشان يفحص لك ويطلع النسبة بالدقة لأنه مو معقول نجلس نخمن هل هي شنابر أو ربل بلوف بالفحص يكون تبيان علمي للمشكلة وأنت كلم اللي يفحص لك السيارة بالكمبيوتر عن المشكلة بعد ماتظهر لك جميع المعلومات الخاصه بحالة المحرك وان شاء الله تلقى مايطيب خاطرك ............. بالتوفيق

انصحك بالتالي:
1-معايرة زيت المكينة ولا يكون زائد عن أخر خط في الاكسات اللي في المعيار
لأن الزيت الزائد راح يحترق اذا كان زائد عن المعيار اللي مقرر له.
اذا كان المعيار تمام فأتوقع انها من جلد البلوف وما دام ما عندك نقص بالزيت بشكل ملحوظ فالامور بسيطه ان شاء الله

2- غير زيت المكينه من كاسترول الى شل سوبر افضل منه.

بالتوفيق

طيب يا اخوان انا عندي السيارة لما تكون حارة واوقف السيارة خمس دقايق وهي شغالة والمكيف شغال تدخن السيارة يعني هذا من جلد البلوف بعد

و أنا أقول بأنها جلد البلوف كذلك. لو كانت الشنابر لكان نقص الزيت أشد أولاً , و ثانيًا ستلاحظ زيت على روس البواجي.

لا تقلق , مشكلتك ليست خطيرة أو مكلفة , و تستلزم فك رأسين المكينة لتغيير الجلد , و بالمرة البلوف راح تنوزن طالما بتنفك.. يعني استغلها.
و الزيت الي حاطه صحيح , و إياك تستخدم 20w50 في الكابرس.

اخوي الكريم : اعتقد والله اعلم بعد الاعتماد على توضيحاتك ان السبب من جلد البلوف وافضل ان تنتظر ردود باقي الاخوة الكرام للتاكد بشكل افضل .
تحياتي

ا
الله يحييك اخوي
هل يوجد استهلاك في زيت المحرك < تنقيص زيت > ؟
طبعا الى الان الزيت ما نقص انا ماشي فيه الحين 1000 كيلو
هل المحرك مستقر ولا توجد به اي مشكلة ؟
نعم مستقر ولا به خلاف
ما نوع الزيت المستخدم لمحرك سيارتك ؟
كاسترول 10 في 30
هل ينقطع الماء الخارج من الشكمان بعد ان يسخن المحرك او بعد ان تستخدم السيارة لمدة ساعة مثلا ؟
نعم
هل يوجد تنقيص بماء الرديتر ؟
لا القربة مليانه علطول
هل يوجد اثر للزيت على البواجي ؟
لا يوجد