احس السيارة فيها مس+غطا الرديتر

الله يعينك و يسهل اصلاح السياره
انا عانيت من التهريب
و اغلب الاسباب و خاصة اللي تكون مو واضحه
الرديتر نفسه يكون في تهريب بسيط و ينتبه له حق الرديترات وجهت هالمشكله
او غطا الرديتر سمعت كثيرين يقولو ان هالمشكله شائعه
او طبات المكينة وهذه اكثر شي طفشتني - طبعا يبان التهريب من نهاية مقدمة السياره خلف المكينه على طول





المادة اللي تقصدها هي هذه اللي فالصورة



http://img.auctiva.com/imgdata/0/5/9/5/0/2/webimg/323193474_o.jpg

معليش يمكن الصور كبار لاني اخذتها من موضوع لمنتدى اخر ( مادري يمكن ذكره او لا )

يذكر هذه النقطه

اقتباس :
وبأمكانك أيضاً وضع هذه المادة حتى وإن لم يكن لديك

مشكلة في نظام التبريد للسيارات التي تعدى ممشاها

فوق 180 ألف كيلو كخطوة أحترازية قبل وقوع

المشكلة وتفاقم الأمر فهي تعتبر كخط دفاع أولي

انا الحمد لله ماعندي تهريب الان لاني صلحت كل الطبات القديمه و غير الرديتر

بس يوم شفت هالنقطه قلت احطها كخطوه احتياطيه
فانت ايش تنصحني احطها؟
ضرارها او فوائدها اكبر؟
طريقة وضعها ؟ و ماهي طريقة وضعك الخاطئة؟
و ليش تتوقع هي السبب زي ماذكرت ؟
و اخر شي وين تنباع و كم سعرها ؟ الموضوع ذاكر السعر 5 ريال بس بشوف السعر تغير او لا


شكرا لك

ماعلمتكم وش السبب في تسكير اللي اللي جاي من المنظم في الحقيقة هي مادة ابرو

انا لا انصحك بوضع العلبة كاملة
أنا كان لابد ولابد ضع شي بسيط فقط
سوف أوافيكم بالحاصل بعد ماطلع السيارة واجربها

في الحقيقة اعجز عن شكركم وتجاوبكم سوف ااضع بعض المعلومات في يديكم
لتكونو في الصورة
في فترة من الفترات رح اشتريت المادة اللي يسمونها أبرو اللي يقولون توضع في القربة وتسكر الشقوق في اللي في الراس
طبعا اللي صار في اليومين هذه عكس التوقعات تماما ولكن الحمد لله على كل حال
طبعا كل شهر أخوي يدرس ميكانيكا في الكلية التقنية أخذ سيارتي ودوام فيها الكلية وغيرو لها بواجي هو والدكتور حقه اللي في الكلية ولقى مويه على البوجي الدكتور حقه وقاله ترى ماهي مطوله
قالي أخوي الكلام قلت روح صار لي سنتين امشي عليها ماجاها شي بعد التوظيب
في الحقيقة رحت الثلاثا اللي راح الورشة بحكم أني طفشت من المشكلة
طبعا رحت غسلت بالجهاز حق الرديتر وطبعا طلع تهريب من الخرطوش حصل اللي يوصل للرديتر وصلحه طبعا ماهو من أول بس صار يوم جلس يفتح
المفاجأة كان فيه لي مسددد اللي جاي من منظم الهوا الماء الرجيع من المكينة
وشكله صار له فترة
تدرون وش السبب
يجيكم العلم
طبعا رحت ورشة ثانية فك المنظم وفي الحقيقة أنكسر حديدة من المنظم اللي يركب فيها اللي
وطبعا بعدها خليناه دايركت بحكم أنه ليس له أي فتحته للمنظم فقط داخل وخارج لأ أكثر مجرد مسار عبور دون اي فتحات اخرى
المهم
وصرت راجع للبيت
المفاجاة شوي ألا اشوف الكوع اللي طالع من لمكينة وموصل للرديتر يهرب بشكل رهيب اللي يركب فيه البلف
رحت وشريت الكوع مع البلف ركبته في الطريق ارتفعت الحرارة ونزلت شوي قلت يمكن مزاج
المهم يوم صرت قريب من البيت الا والحرارة تلعب بشكل رهيب
قلت مارح اطفي الا البيت يوم وصلنا البيت
رحت جبت مهندس قريب منا
يهندس في بيته لان ماعنده ورشة
قلنا يمكن الكوع مع البلف ركبناه يوم ركبناه
شوي الا فيه ضغط مو بصاحي قال الراس قلت اذكر الله قالي الراس
المهم وديتها عنده البيت وفكها والمفأجاة كان الرآس معدوم فعلا ويحتاج تعبئة ومسح
تدرون اول ماشاف الرأس اللي في المخرطة وش قال ؟!
أنت كنت حاط وجه رأس واحد
في الحقيقة ياخوان وكنصيحة
أذا مسحت الراس أو عبيته
من أول مرة حط وجهين لاتكتفي بوجه واحد كي يعوض النقص ولا قدر الله وصار حرارة مايتلف الرآس أكثر

المهم في البداية المخرط استلعن وقال مايتسوى
وبالأخير قالي أسويه وقال 450
وأخر شي اتفقنا على 400
ووسويته ثمن وديته أمس عند المهندس وبيركبه اليوم وسوف أوافيكم بالجديد أن شالله
وعذرا على الأطالة وهذه التجربة للجميع كي يستفيدون منها

الله يهديك غطاء قربة الرديتر مصمم على انه اذا وصل الى أخر شيء يعني قفل يطقطق يعني مو خربان
ونقص الموية عندك شيك اسفل طرمبة الموية
وعلى ليات المكيف الحار اللي رايحه للطبلون.


بالاضافة لطبات الرديتر

بالتوفيق

الفتحة الي يركب فيها غطاء الرديتر تاكد من حوافها قد تكون مضروبة بشيء او ان الاغطية اللي تركبها تجارية

نفس الفتحة اللي تقول عليها انت !!

او تاكد من تركيب الغطاء بطريقة سليمة اخي الفاضل

القربة مايحتاج تغيرها اساساً الا اذا انكسرت

هلا وغلا اخوي الهذلي

والمشكلة اتوقع من فم الرديتر اللي هو فتحة الرديتر العلوية تاكد من سلامتها

هل تقصد الفتحة اللي في القربة نفسها اللي يركب فيها الغطا
مع الأسف والتحية تم تغير القربة نفسها كاملة كذا مرة بدون فايدة


أما اذا كان قصدك الفتحة اللي في الرديتر اللي يركب فيها الخرطوش وويوصل للمكينة عاد هذا شي ثاني
أتمنى توضيح قصدك وبالله التوفيق