تجربتي مع " اليارس - الاكسنت "

Lost-999 @user_230419 · 27-02-2013

السلام عليكم ورحمة الله وبركاته

حبيت اطرح لكم تجربتي للافاده مع السيارتين المعروفه
وهي تويوتا يارس - هيونداي اكسنت

اول ماشتريت بينهم التويوتا يارس 2011
المواصفات : اربع سماعات مع مسجل كاست -
طاسات - قير اوتوماتيك - قزاز هندل = 47 ألف
جلست معاي مايقارب 8 شهور داخل المدينه
بدأت علامات التقييم تظهر عندما بدأت السفر عليها
سافرت من الرياض الى الطائف كانت تفصل على 180
وطول الخط ماكنت انزل عن 140 ولكن
تفاجأت عند وصولي الى الطائف بهبوط في برودة المكيف!!!
اذا وقفت بالسياره يصير المكيف دافي واذا مشيت يصير بارد!
وبعدها بيوم شغلت السياره بدأت الاصوات تتعالى من داخل الكبوت
واذا بسيور الكومبروسر متقطعه!!
وديتها للوكاله قالوا تستغرق اربعة ايام ع الضمان !
فقلت اصلحها لاني راجع وعندي دوام
ركبت الكمبروسر بـ3100 ياجماعه !!
وانا على الطريق لاحظت بعزم السيارة طاح!!!
بعدها نزلتها للحراج وبعتها بـ 27 ، ماشيه 21 الف وكسور

،

رحت لهيونداي واشتريت اكسنت 2012 على نزولها
ومواصفاتها : كشافات - اشارات في المرايه - مسجل سي دي + بلوتوث
قزاز كهرب - مقاعد مخمل - طاسات = 42 الف
والحين صار لها معاي سنه
رحت عليها الطايف وجده والدمام وتبوك والقصيم وابها
رحت الثمامه طعست عليها هههههههه
ويوم رحت جده خليتها تسبح شوي هههههههههههههههه
واخوي الصغير مسكته كان يفحط عليها !

ولاتزال الاكسنت معي الى الان
مكيفها ثلج ، وماشيه مافيها اي اضرار الحمدلله
وماعمري غيرت فحماتها الا مره وحده بس خلال سنه
البنزين اعبيها باليوم 10 ريال رغم كثرة مشاويري وطلعاتي
اقتصاديه لدرجه فوق ماتتصورها ، وخدومه

وهذي تجربتي مع السيارتين
وان شاء الله افدتكم
ولبى الاكسنت

kasa1386 @user_248410 · 26-03-2013

مافي اي وجهه مقارنه ..

اكيد الاكسنت من ناحية عزممم ورساوه وكد ورخص قطع ووووو الخ ..

معي وحده 2013 نص فل تفصل على 200 اول ماطلعتها تفصل على 195 ماشاء الله تبارك الله ,,

وقد سبق لي بتجربة اليارس 2011 اجار خذيتها شهر واسبوعين بالضبط صراحة مافي اي وجه مقارنه لكن اليارس عزلها الارضي افضل من الاكسنت بشيءء بصيط ..

ونقول باكك لاحلى منتدى قطعت فتره بسبب ظروفف والان رجعه قويه باذنن الله

اخوكمم خالد القحطاني :smilie16:

أبو ماجد البشري @user_109566 · 19-03-2013

انا لم اجرب اليارس كنت ابشريها عام 2011 لكن ماجازت لى وخاصه طبلونها اللي بالمنتصف .المهم شريت اكسنت 2011 اول دفعه صار لها الان 3سنوات مع الولد يداوم عليها يومياً 120كلم والان ماشيه 70 الف غيرت فحمات قدام وقماشات ورا وتغييرها سهل انا بنفسي فكيتها وركبتها ,وغيرت زيت القير والفلتر على 60 الف ..والحمدلله تمام التمام .

mohammad15 @user_291806 · 19-03-2013

ياخوي الاكسنت معروف حق كد

SHERLOCK H @user_279998 · 19-03-2013

#

الاكسنت افضل من اليارس كمواصفات وعزم وايضا رساوة
وشيء ثاني وهو اهم شيء " السعر "

اليارس قير اوتوماتيك قزاز هندل بـ 50 الف ! الان سعرها
والقزاز كهرب بـ54 الف تقريبا ! وطاسات

فـ اذا بتاخذها بشكل عقلاني الاكسنت افضل , لانها
تخدمك كسعر وايضا شكل جديد , مو مثل اليارس
من 2006

وعشان ما اكون ظالم لليارس من خلال تجربتي لها
اشوفها افضل بالعزل الارضي وامتع بالقيادة من
الاكسنت

بلحروووز @user_278899 · 14-03-2013

جاك واحد مطفي النور يقولك تايواني و صيني و استرالي

على اساس ان الكوري ما يتصنع في الصين و الهند و الفلبين و مصر و تركيا و التشيك و البرازيل

الثقافة ضحلة :)

سلطان ss @user_10677 · 14-03-2013

^^^^^^^^^^^^^^^^^^^^^^^^^^^^
عيون القطط تلعب....باليارس:bigggrin: وماتحس بلخط ماتجي

KING.SMB @user_228974 · 12-03-2013

اذا تبي تقارن بالجمالية فنعم الأكسنت داخليتها أجمل

بس اتحدى اذا كانت في القيادة أفضل من اليارس

انا سقت يارس واكسنت كلهم 2012

والله العظيم انك تمشي باليارس وتصفي الطبلون وماتحس بشي

بعكس الاكسنت اللي اذا سرعت فيها أحس انها مب راسية زي اليارس

:bigggrin: وأذا تبي تتأكد جرب أمشي على النقاط اللي على الشارع وانت مسرع

وشف وش السيارة اللي أريح هناك

vipbvip @user_288976 · 12-03-2013

عذرا لا تقارن جودة اليارس بالاكسنت

الياريس أفل 200 مرة من الاكسنت لا في العزم و لا الراحة و لا في الثبات
كل اليسارتين عندي ياريس 2013 وأكسنت 2012

لا مجال للمقارنة

هذا لا يعني أن الأكسنت سيئة بالبالعكس جيدة و عملية

جزيرة الكنز @user_66873 · 10-03-2013

وعليكم السلام ورحمة الله وبركاته :)

موضوع جميل وشيق تستحق عليه التقييم :)

ولكن انتبه لنفسك ولأخوك أخوي من كومة هالحديد قد تنكبك يوم من الأيام.

بالنسبة للأكسنت، استأجرتها قبل فترة موديل 2013 ماشية 3000 كلم لمدة 3 أسابيع، سيارة رائعة بمعنى الكلمة لمن يتعامل مع السيارات فقط لقضاء مشاويره وتوصيلاته.
ولكن اللي تعود على سيارات أكبر مستحيل يقتنع بسيارة صغيرة سواء أكسنت أو غيرها، لعدم وجود الكثير والكثير من المواصفات التي قد تكون ضرورية للبعض، مثل خيار تعديل اتجاه المقود، وتعديل اتجاهات المقعد، والتحكم بسطوع لوحة العدادات (الأكسنت اللي كانت معي ما كان فيها وكانت شاشة مسجلها تعمي عيوني بالليل)، إضافة لعيب المساحة الصغيرة المشاهدة من خلال المرآة الداخلية للخلف + قوتها وعزمها اللاشيء مقارنة بالسيارات اللي تعودت عليها.. وغيرها الكثير.

أما من ناحية كونها سيارة مشاوير داخل البلد لك ولأهلك وأصدقائك وأي أحد، فأنا أشهد أنها سيارة رائعة صغيرة جداً تدخل في كل مكان ومقودها خفيييييف جداً، ولا تستهلك أي بنزين.