ما هذه المهزله ؟

xXmajeedXx @user_290122 · 01-03-2013

السلام عليكم ورحمة الله وبركاتة,,

مالي بالمقدمات نخش بالموضوع على طوول.
انا كنت بأمريكا ثلاث سنوات ورجعت الاجازه الكرسمس 45 يوم تفاجئة من سواقة الشعب انا كنت مجنون وحاار بسواقتي بس موب زي كذا.
من جيت ما احد قالي تفضل لازم انا افرض قوتي واحدحد بالعالم لين امشي.. هل يعقل هذا!!!؟
انا ابيكم تركزون اذا فتحت الاشارات المهمه زي العليا مع العروبه او العليا مع التحليه ركزوا بالقروشه اللي تصير لين فتحت الاشاره كل واحد حالف انه ما احد يدخل عليه والثاني حالف انه بيدخل ويالله خذلك عاد.

هذا غير الزحمه اللي تكرهك عيشتك مشوار ماكان ياخذ مني 10 دقايق اللحين توصل نص ساعه واحيانا ساعه بالويك اند.

انا حبيت اشاركم هذا الموضوع نظرا لأهميته وحبيت احطه هنا لانه اكثر منتدى فيه زوار لعلهم يشوفون الموضوع ويهدون بالسواقه :bigggrin:

يليت تعطونا رايكم وحلولكم

أبو ماجد البشري @user_109566 · 07-03-2013

ونا اخوك احنا شعب تربينا على عدم احترام النظام والوقت والمواعيد هذي كلها داقين لها ركبه .عان ساهرساهرٍعليهم معشي بجيوبهم لين قال بس ومع هذا اللي طامسٍ لوحته واللي قالبها ويالله ..لاوكملوها بدبي قبل فتره راحو لها وانواع المخالفات ويوم جاو يطلعون قالوا سددو الغرامات اطيبهم اللي عليه 5 الاف ريال هذا هو العاقل وفلوس مافيه قالو نحجز مركباتكم لين تسددون قلبوها مخيمات على الحدود ..لاواحد المسئولين بشرطة دبي يقول لازم نعمل برامج توعيه للسعوديين انعلمهم التقيد بالانضمه قلت بس افتكو لوحاتكم لايركبونها لسياراتهم ويخلون مخالفاتهم عليكم قال نعلمهم ..ماخافيهم معرفه لكن قلت مبالاه ,,

الله يهدي شباب المسلمين..

JoooJooo @user_286400 · 06-03-2013

^^^^^^^^^^^

اعصابك يا ابو الشباب :bigggrin:

مسيرة حبي @user_132476 · 06-03-2013

والله مهززززززززززله وصراحه انا كنت طيب قلب وامشي يجي واحد يلف علي اقول مشي عادي واحد يجيك ماشي الطبلون ويلحم بالصدام وراي علشان يتجاوز وكم مره بغيت اروح بحادث والسبه هذه الاشكال علشان تفتح له المسار ولا عند الاشاره يجيك يوقف قدامك ويتليعن

لكن والله الحين اللي يتنيذل معاي والله لاكون انذل منه واللي طيب والله لاكون اطيب منه

واللي يبي شئ يأشر لي يكلمني من القزاز ويبشر بس يروح يطامر ويسوي قوه قسم بالله مافكرت بالسياره ولا فيه لابوه ولا ابو ابوه < عصب ههههههههه

رحاااااال @user_277946 · 06-03-2013

يا خوي لا تقهر روحك ترا دول الخليج كلها تعاني من هذي النوعيه من البشر الله المستعان !!!!!

ومثل ما قالو السواقه فن وذوق

يعني التعدي على الآخرين والشطف والقطع هذا ما يسويه إلا متهور ولازم يراجع أخلاقه

JoooJooo @user_286400 · 06-03-2013

^^^^^^^

هذا يعتبر ظلم و دعوة المظلوم مستجابة

R.P.G @user_288784 · 05-03-2013

ي رجال لو معك كابرس تسعاوي ولا جمس قديم

امشي وشوف من هو ولد ابوه يسقط عليك :)

اصدم موتره والخطأ عليه هو ساقط عليك وانت مو خسران شي :)

Silent Sea @user_142435 · 05-03-2013

ع

عاشق الـruze

الجمد الله على السلامة ))) اولا

ثانيا اتوقع الخطأ مشترك بين المواطن والدولة

انا اخبرك ليش

المواطن : ما عنده احترام للقوانين ولازم يفرض نفسه بالسواقة ,,,,وقلة ادب ,,,, مافي مودة بين المواطنين كل واحد يبي يمشي كلمته على الثاني !!!

والدولة : شوارع ضيقة ( الشارع ثلاث مسارات وفيه حفريات يبقى مسارين !!)

اشارات في اماكن مالها داعي الكباري تقعد 7 سنين عشان تنتهي

والاهم ان الدولة لازم توفر نقل جماعي محترم وملتزم بمواعيده واسعاره منافسة

لانه تخيل اقل باص يحمل 40 راكب !! يعني تقريبا توفر اربعين سيارة خلنا نقول ثلاثين سيارة

ثلاثين سيارة شيء مهوب هين ,, فكيف لو كان النقل الجماعي منتشر عندنا الزحمة راح تقل كثير

شككرا لك

تحياتي

كلامك جميل وعملي

لكنك ما جيت الى اساس المشكلة واللي هي مدرسة تعليم القيادة

مدارسنا .... مدري ويش اقول عنهم .... تحصيل حاصل

ما يدرون عنك ويش تسوي في الشارع علشان يعلموك ويقوموك على الانظمة

همهم بس عدي الاختبار وتاخذ الرخصة

واذا عندك واسطة بتجيك الرخصة وانت ما تدري وين مكان المدرسة

.. الزبدة ان الاساس خربان ومو مهيأ انه ينجز مهمته ..

وشكرا

الـخـالـدي @user_82228 · 04-03-2013

شوار السعودية يطبق العليها المثل اللي يقول ان لم تكن ذئب اكلتك الذئاب

ولازم تحط في بالك شي ان صدام رفرف ماعندك مشكله يندعمون في اي وقت فخلك انت القوي وخل اللي حولك يخاف منك بس لا يجيك واحد مهبول وينكبك ههههه

تقبل مروري

عاشق الـruze @user_252126 · 03-03-2013

الجمد الله على السلامة ))) اولا

ثانيا اتوقع الخطأ مشترك بين المواطن والدولة

انا اخبرك ليش

المواطن : ما عنده احترام للقوانين ولازم يفرض نفسه بالسواقة ,,,,وقلة ادب ,,,, مافي مودة بين المواطنين كل واحد يبي يمشي كلمته على الثاني !!!

والدولة : شوارع ضيقة ( الشارع ثلاث مسارات وفيه حفريات يبقى مسارين !!)

اشارات في اماكن مالها داعي الكباري تقعد 7 سنين عشان تنتهي

والاهم ان الدولة لازم توفر نقل جماعي محترم وملتزم بمواعيده واسعاره منافسة

لانه تخيل اقل باص يحمل 40 راكب !! يعني تقريبا توفر اربعين سيارة خلنا نقول ثلاثين سيارة

ثلاثين سيارة شيء مهوب هين ,, فكيف لو كان النقل الجماعي منتشر عندنا الزحمة راح تقل كثير

شككرا لك

تحياتي

JoooJooo @user_286400 · 03-03-2013

والله يا اخوي هذي من السيارات الزايدة

كل ما ولد صار عمره 16 سنة امه او ابوه اشتراله سيارة و شوف لك سواقة زفت و ما يهتم بك او بسيارتك او ب عيلتك

Night @user_14595 · 02-03-2013

السلام عليكم ورحمة الله وبركاته

احترام المرور والشارع وسعه الصدر هي دليل على الشخصية والاحترام فالقيادة ليس فقط مقود ودعسه بانزين وبريك بل هي أخلاق وذوق وفن

يجب على جميع الفئات العمرية ان يكون هناك تعاون وتقدير وليست كما في الوضع الحالي وهو الأغلى بالسعر هو من يملك الطريق والغرور والتكبر على مقتادي الطريق للأسف بعض هذه الظواهر منتشره

طبعا الحل من بعد تغيير هذه الاطباع هو تنظيم المرور وتكثيف رجال المرور ومتابعه الطرق وتنظيمها

هذا ولولا الكاميرات لزادت الأمور تعقيدا ، صحيح ان الكاميرات لايرغب بها بعض الناس لانها كسرا للظهر وهدرا للمال ، لكن هل لو تركنا الطرق مفتوحة ومن دون مراقبه ووعي لزادت الأمور أكثر تعقيدا

الحل بالالتزام بالقوانين الإرشادات المرورية وحسن التعامل مع الآخرين

وتقبلوا أجمل التحية والتقدير

أخوكم

Night

اكنومست @user_280865 · 01-03-2013

الحل مع شوارع الرياض أنك تشتريلك مدرعه..!!

مهيب1 @user_58263 · 01-03-2013

انا لاحظت الشغلة هذى اذا سافرت ورجعت احس اني بين ناس مهبل مايعترفون بشي اسمة تدق لهم اشارة او انك تمشي زي الناس اسلوب القوة هو المسيطر عموماً شوي شوي وتتعود على الاسلوب هذا وعادي عش حياتك