اخوي Msiiii السلام عليكم
والحمدلله على كل حال
اولا احب اقولك انه من المستحيل يكون ظغط الفريون عندك كان 30 وزاد من نفسه الى 80 هذا لا يمكن يصير وهناك واحد من اثنين ممكن يكون حصلك اما انه من الاصل كان الظغط عندك مرتفع الى الثمانين وهذا واحد من الأشياع اللي ممكن تخرب الكمبرسر يعني اللي عبالك الفريون قبل زاده بالعنيه او الساعه اللي عنده خربانه ما تقرأ صح
وأما اللي رحت تقيس عنده الظغط المقياس عنده خربان يعطي قراءات خطاء الشي اللي بقولك عليه قيمة الكمبرسر الجديد لا تتعدا من 550 الى *700 ريال
وإنشالله انك ما تحتاج كمبرسر لكن تحتاج تروح لفني صح ممكن يقوللك وش العله وانا اتوقع انها بسيطه
وممكن ادلك على ورشه فيها فلبيني ممتاز الصراحه اسمه استيف
والورشه بالروضه شارع خالد بن الوليد (انكاس) مقابل الرياض مول داخل محطة الدريس جنب الطازج
وصاحب الورشه سعودي أخذت رقمه للي يبغى يروح له*
0540414054
رح لهم وانشالله بفيدونك
والسلام
المشكلة اني في بداية رمضان كان ضغطه 35 او 40 على ما اذكر وفجأة ما صار يبرد والى الآن رحت حوالي 10 ورشات والضغط يختلف من 80 الى 100 , 120 ,130 واذا دعست بنزين يبقى ثابت ولا ينقص سعره في الوكالة 1400 وفي عند المحلات الثانية نوع كوري 750 ........
وانا في جده..........انا بغير البلف اول شي واذا ما اتصلح نخش على موضوع الكمبيروسير بس المشكلة في النوع اذا حق الوكالة الكوري جدا مرتفع وفوق حقه ولا ينفع لكن في عندنا في الصناعية اغلب المحلات يقولوا في نوع كوري يمشي مع جميع السيارات حسب كلامهم وسعره 750 بس الله اعلم من مدى تحمله وسرعة خرابه انا ما ادري هو حاطينه مثل التجاري الي يمشي قد الحال ولا هو فعلا نوعه لا بأس به او افضل من الوكالة.
طيب شف يا طويل العمر ...انت يبغالك تشوف ورشه ثقه ..هذا اول شي عشان قبل ما نحكم انو لازم تغيير كمبروسر ...لازم الكمبروسر ينفك برا و ويتم اختباره يدوي و نشوف ان كان يظغط او لا
اذا كان لا اذا لازم يتغير... و اذا يظغط راح نشيك باقي الدائرة و اخصه البلف و علبه الفريون و يتم تنظيفها او تغييرها..طبعا نادرا انك تلاقي ورشه يشتغل بهالطريقه لانهم يشوفون فيها خساره عليهم
ااغلبهم راح يقولك غير كمبروسر عشان يكسب و يقعد يشيك على كل شي لانه ضامن اكثر من 500 ريال ...
يعني مش عشان الظغط صار ثمانين معناه ان الكمبروسر خربان احتمال البلف مسدود ولا زم يتغير
لكن الله يعينك ... حاول تشوف ورشه ثقة
الف شكر يا مون على تفاعلك ..تسلم يا غالي
بالنسبة للثقة ما حصلت غي واحد مصري باين انه اشتغل في نفس السيارة وعارف مشاكلها وحسب شرحه انه الآن ضغط الكمبيروسير ضعيف واحتمال انه البلف مفتوح ومعلق على الآخر ويعطي انه الضغط ضعيف مثل قبل ما يخرب وقت ما كان يثلج كان يقفل ومعلق ويبقى مثلج.
او انه الكمبيروسير خربان والاحتمالين واردين .
فالحل اني بغير البلف اليوم وفريون جديد واذا ما اشتغل بغير الكمبيروسير لانه ما اعتقد في حل ثالث لانه حسب كلامه انه الثلاجه عندي ما يجي فيها ثرموستات.
بس باقي نوع الكمبيروسير لانه الاصلي مو داخل في راسي مع انه معروف خرابه كثير وفي المحلات عندهم نوع كوري يركب على جميع السيارات حسب كلامهم بس المشكلة ما ادري كيف جودته يعني حق يمشي الحال ولا نوعه ممتاز ومقارب او افضل من الاصلي.
بس الي محيرني دحين واحد مصري في ورشة صغيرة قريب من البيت يقول انه البلف اذا خرب يكون الضغط عادي بس بدون برودة. واذا وصل وزاد عن 80 يعني انه الكمبوروسير خربان .
وبعد اذنك سؤال بالنسبة لنوع الفريون الامريكي HONEYWELL معروف وما عليه كلام. بس المصري الى بغير عنده البلف عنده نوع اسباني او اظن سويسري.. وحدة منهم....و حسب كلامه لانه اكثر شغله على سيارات اوروبية وهو وما يفرق عن الامريكي .
فاذا كان معروف انه يختلف او ما يمشي مع السيارة فاتمنى تقول لي وش موضوعه اذا سمعت فيه.
وموضوع زيت الكمبيروسير هل يتغير افضل ولا يبقى زي ما هو؟
وشاكر لكم جميعا وفعلا لو ما كان فيه ناس مثلكم كان الواحد يصلح الشغلة الوحدة 100 مرة ولا بتنحل والله يكثر من امثالكم . والله افتكر اول مرة رحت فيها ورشة في حياتي ما اعرف اي شي , واحس انه يتكلم لغة غريبة :bigggrin: وكل ورشة اسمع كلمة جديدة لنفس المشكلة ........بواجي! كنت احسها كلمة لاتينية ولا اقدر احفظها في راسي ...........
بس الحمد لله الآن والله ثم والله من كثر ما اتعلمت في السيارت من المنتدى صرت احيانا افهم اكثر من الميكانيكي نفسه واعرف اذا هو اصلا ميكانيكي ولا مبلط حمامات:bigggrin:.
ومشكور للأخ ::مووون الرياض:: والأخ ::wellwell_32:: والله عالم اني مقدر كل تعب تكتبوا فيه رد وآسف جدا على الاطالة... شكلي بخليكم تلبسوا نظارات لما تقروا ردي اذا ما قد لبستوها:smilie16:
