مكيف السياره و الصيف ( شرح...استفسارات....مشاكل و حلول)

و الله يمكن مثل ما قال ابو عزيز ... بس ياليت تذكر اذا في اصلاح في المكيف قبل كذا و هل كان في مشاكل من قبل و لا لا؟؟


يا هلابك يا بانجي .. نعم شرحته و تلقاه في الصفحات الاولى ..و الله ما اذكر كم رقمها بس اتوقع انها في اول خمس او عشر صفحات .. و شاكر تواجدك


تسلم لي يابو عزيز انك خبرتنا بتجربتك

و عليكم السلام .. الله يعافيك
كان لازم تشييك على التهريب و تصلحه قبل ما ترجع تعبيه ..
احتمال اان المروحه حق رديتر المكيف او رديتر السياره ما تشتغل مع المكيف فلازم تشيك عليها

اذا المراوح ما فيها مشكله غير فلتر الميكف و اغسل واجهة السياره(رديترالمكيف خاصه)

يمكن كان معلق ..و يحتاج انك تشيك عليه .. و لكنها ليس بالمشكلة الكبيرة

السلام عليكم أخوي

سيارتي النترأ 2005
طلعت عندي مشكلة المكيف قبل عشرة أيام المكيف مايبرد
ــــــــ المواصير المكيف بارده و الكمبرسور يشبك بسرعة ويفصل ومايبرد نهائي شيكت على الفريون عندي المهندس الفريون ناقص قليل وفرغت الفريون وعبيت من جديد ومازالت المشكلة موجوده.
ــ قبل مايخترب المكيف بفترة يجي رجلي (الله يكرمك) اليمين هواء بارد وأنا مكفل موزع الهواء .




الله يعطيك العافيه

كان عندي نفس مشكلتك بعد مابدلت الكمبرسر طلع عندي زيادة بغاز الفريون اهي سبب المشكلة

هذا اللي صار معاي وان شاء الله يفيدك اكثر صاحبنا wellwell_32

موضوع ممتاز ياغالي
الله يكثر من أمثالك

ماشاء الله 113 صفحة

هل شرحت عمل سحب للفريون من المكيف ؟ اذا نعم كم رقم الصفحة

عندي مشكله تحصل بين وقت والثاني وهي:
سيارتي يوكون ٢٠٠٦ احيانا يفصل المكيف والسياره تمشي ويعطي هواء حار اطفي المكيف واشغل بس ماينفع لازم اطفي السياره واشغلها وبعدين يشتغل

هذي المشكله ماهي مستمره صارت لي خلال ٣ اسابيع مرتين
ارجو المساعده.

اخوي طالب مشوره السلام عليكم

أنا انصحك اذا انك بالرياض تروح الورشه هذي أنا مصلح المكيف عندهم الصراحه اذا قلو لك في مكيفات هذا هو
المهم العامل الفني اسمه استيف لا تروح لغيره فلبيني ولد اخوي معه لنكون تون كار كان لما يمشي خط فوق الثمانين المكيف يفصل ولما يهدي يشبك المهم داخ من كثر ما راح للورش وراح لهذا وحل مشكلتة

وصاحب الورشه سعودي أخذت رقمه للي يبغى يروح له*
٠٥٤٠٤١٤٠٥٤ الورشه بالروضه شارع انكاس مقابل الرياض مول داخل محطة الدريس جنب الطازج
وسلامتكم

و عليكم السلام

ياليت تستفسر من الاخ العزيز امير بكلمتي على هالرابط لانه اخبر مني بالفورد و مشاكله

وشكرا لك
http://www.assayyarat.com/forums/thread156199.html

السلام عليكم

سيارتي فكتوريا 2004

قبل اسبوعين غيرت الكمبريسور والعلبة وسويت تنظيف ..

الآن صار عندي الإشكاليات التالية :

أولا : اول ما اشغل السيارة واشغل المكيف ما يشتغل الكمبريسور .. يعني لازم ادعس لها دعسة بنزين ويشتغل .. !! واذا اشتغل بدايتة يطلع صوت بسيط .. !! ويطفي ويشغل بسرعة ..

ثانيا وهو الأهم : اذا مشيت أو دعست للسيارة بشكل مستمر يبدا الكمبريسور يطفا ويشتغل بسرعة لدرجة يخف التبريد بشكل كبير .. بينما اذا وقفت يبقى شغال بكل مستمر دون توقف ويصير باااارد

ثالثا : أحس الكبريسور يمسك السيارة شوي اذا اشتغل

أتمنى الإفادة مشكورين

طبيعي ان الكمبروسر يفصل و يشتغل ... ما فيه مشكلة دامه كان بارد و كويس ...ارجع اشحنه مرة ثانيه

و عليكم السلام

لازم تشيك المراوح هل تشتغل اثناء الوقوف اولا ؟؟ و اغسل واجهه السيارة(الرديترات)

و تاكد من مستوى موية الرديتر لا يكون ناقص

السلام عليك.... عندي باثفايندر... المكيف لما اشغله وانا واقف ما يبرد.. لازم امشي ولما امشي مستمر التبريد يكون ممتازجدا .. بس لما اوقف لمدة دقيقتين تلاثه تقل البرودة... يا ترى شنو المشكلة... يارب مو الكبريسور؟؟؟؟؟؟

بعد التحية قبل عدة ايام قمت بافراغ مكيف السيارة من شحنة الفريون R12 وقمت بعمل فاكيوم لمدة ساعة كاملة ومن ثم قمت باعادة شحن مكيف السيارة من جديد وكانت برودته جيدة ولكن واجهتني مشكلة في اليوم التالي عند تشغيل المكيف بعد عدة دقائق يفصل المكيف ويعود الا العمل اي ان اكلج الكمبريسر يفصل بشكل متقطع ومستمر مما اضطرني الا تسريب جزء من شحنة المكيفوعندها عاد الا العمل ولكن برودة المكيف اختفت فما هوا سبب الذي يؤدي الا تقطيع في عمل المكيف

و عليكم السلام

طيب بعد الثلاث ايام اذا في فريون ومافي بروده شيك الكمبروسر و البلف و المراوح و حساست الفريون

اذا ما فيه فريون ارجع شيك على التهريب مرة ثانيه

اخوي كابرس 84
اولا هل الي عبالك الفريون بعد تركيب المسوره فحص التنسيم بعد التركيب او لا اذا لا لازم ترجع وتفحص التنسيم عند فني متخصص وذلك بظغط الهوا داخل السيستم و تركه مدة نص ساعه وتشوف بالعداد هل نقص ظغط الهوا او لا اذا ما نقص خله يحط لك شوي فريون ويفحص التنسيم من الكمبرسر نفسه اثناء شغل الكمبرسر مكن يكون التنسيم من الكمبرسر نفسه اذا كذا لازم تغير كمبرسر

السلام عليكم


انا قبل اسبوع حصلت تنسيم في الماصورة الحارة وتركتها لين خلص الفريون

وبدلتها بأصلية وفريون امريكي بس ماقعد ثلاث ايام واليوم الرابع نفصت البرودة بشكل ملحوظ والتبريد عادي كأنه مروحة مع ان الكمبرسر مايفصل ويشبك على طول شغال


اكثر من واحد قال لي الكمبرسر ؟

افضل الفريون الموجود هوا الامريكي
تجيك اسطوانته سماوي و مكتوب عليها (هينويل )

الباقي كلها انواع سيئة و كفائتها تعبانه .. و مش شرط يخرب الكمبروسر ولكنه غالبا هذا اللي يصير

مشكور يالغاليwellwell_32 طيب بالنسبة لانواع الفريونات اللي يقولك امريكي واللي يقول صيني يعني اصلي وتجاري كيف اعرف انا عشان اتفادى وسمعت ان التجاري يخرب لك الكمبروسر صحيح الكلام هذا .

عادي خذ راحتك

قلب الاسطوانة يضر الكمبروسر

مشكور اخوي على الموضوع مره راح نزعجك عاد الله :smilie16: الله يعينك

طيب اخوي لو قلب الاسطوانه وهذه اشوفهم حقين المكيفات يعملوها كثير يأثر على الفريون الداخل للسيارة ولا ايش

العفو يا غالي و حياك الله