فوتشنر 2013 vx1

وعليكم السلام
المواصفات اللي ذكرتها كلها تنطبق على الفورتشنر والباجيرو
لكن الباجيرو قطع الغيار أغلى بس مو ذاك الغلاء اللي يرهبون الناس فيه:a1120(121):...
الباجيرو اريح من الفوتشنر لانه تعليق مستقل (يايات) ورا وقدام
الفورتشنر قدام يايات ورا دفرنش صلب (اقسى في المطبات) افضل في التحميل ولا يحتاج كثير للصيانه..
فيه التريل بليزر الجديد 2013 بس توه جديد في السوق ولا اقدر احكم عليه
خصوصا من ناحية:
يتحمل الكرف
قطع الغيار متوفرة ورخيصة
والسلام عليكم

أخوي انا اداوم من الخبر للجبيل يوميا انا وكم زميل لي بنفس العمل نداوم كل اسبوع على سيارة واحد
واحد من الشباب معه فورتشنر 2013 اذا جاء الدور على موتره نسمي ذاك الاسبوع ب ( أسبوع الجحيم)
موتره لا راحه ويناقز مدري وش بلاه وصوت الهواء مزعج مره اعتقد لو تصبر وتزود ال ١٢٠ شوي وتشوفلك تاهو دبل ابركلك
نصيحتي لك جربه قبل تحط مبلغ وقدره فيه ترى شفت ناس بالمنتديات يرفعون للسياره اللي يملكون ولاعندهم ذمه تقول أن الوكيل يعطيهم نسبة للدعايه

تحية طيبة وبعد

اخوي صاحب الموضوع المحترم

احب ان افصل في الموضوع لوسمحت لي :

يعتمد اختيارك لسيارة على مدى استخدامك لها واحتياجاتك لها :

فلابد النظر في(( الفخامة + الامان + الاعتمادية +خدمة الوكيل + سعرها مابعد البيع))...


مثلا / انت من الاشخاص الذي لايهتم او يهتم في الرحلات البرية و لا الطلعات القنص (( يعني قمة في الطرق الوعرة وارتفاع شاهق للكثبان الرملية))

يعتمد كذلك على ميزانيتك في المال .

من واقع تجربه وخبر في مجال السيارات الدفع الرباعي من الظلم ان تقارن السيارت وان تضعها في مقام ومرتبة وحدة ((اوضحها اكثر))

1- الفورتشنر وكذلك لاندكروزر سواء كان موديل 200 او 70 او برادو وكذلك اف جي ,,,وبعض السيارات الامريكة العملاقة مثل JEEP رانجلر وكذلك شفر و جمس و الدوج الرام والفورد F150,250,350 البيك اب وكذلك الصالون من فئتها ,, هذه الفئة مصممة خصيصا لطرق الوعرة والارتفاعات والنزلات الشديدة بما مافيها من مواصفات قياسية او اختيارية من قفل لدفرنس وكذلك الونش وتاك ان وتاك اوت والتزحزح الالي ,,وتصميم السيارات من حيث طريقة وضع المحاور وارتفاع هيكل السيارة ومثال لذك احدى سيارة لاندكروز وهو 70 ((الشاص)) الان في السوق العالمي يعتبر الاول في السيارت العسكرية المخصصة للاعمال الشاقة والطرق الوعرة بجميع انواعها لانه ياتي بقفلين دفرنس ...

2- اما السيارت الاخرى مثل ماذكرو الشباب هذة سلمك الله تناسب الاشخاص الذي ينطبق علية مسمى متعدد الاستخدامات SUV شخص يقطن في المدينة يريد سيارة جميلة بمواصفات عالية وامان مميز واذا حب طلع طلعات خفيفة سواء كان طلعات جبلية او رملية خفية تناسبهم الفئات هذي ..

رايي الشخصي بان تاخذ لاندكروزر برادو V6 لانه ياباني الصنع قوي في الصحراء مريح في المدينة فخم في المركب وشيك في البيع ...

هذى وصلى الله على نبينا محمد وعلى اله وصحبة اجمعين

ارجوا باني قدمت المختصر المفيد واسف على الاطاله

اخوك MR.HKR

انا لدي رأي واعتذر ان كان جارح للبعض
انا استغرب من اللي يشتري الفورتشنر
لانها بصراحه سياره من ابشع ما رأيت
وتفتقر لاقل مواصفات الجمال سواءا من الخارج او الداخل

واعتقد ان سوقها ماشي فقط عند الاشخاص اللي مازالو متحجرين بفكر تويوتا

واكثر ماتوصف بها الفورتشنر انها وانيت مقفل


انصحك اخوي ان تبحث عن سياره بها قوة ومكينه ودبل وامان وفخامه ولمسة تصميم جميل تترك لك طابع مريح للنفس عند النظر الى السياره

لديك العديد من الخيارات المفتوحه امامك

جيب شيروكي (الان عندهم عروض خياليه في الاسعار) (فخامة وقوه واعتماديه)
سانتافيه فل ابشن (فخامة وقوه واعتماديه)
فورد اكسبلورر (فخامة وقوه واعتماديه)
دودج درانجو (فخامة وقوه واعتماديه)
مازدا cx9 (فخامة وقوه واعتماديه)

تكفا اخوي لاتشتري فورتشنر لاني والله احزن على اللي يشترونها واقول بخاطري ليش
حرااااااااااااااااام

كل الفورتشنر من 2012 وطالع فيه ABS حتى 4 سلندر

و عليكم السلام ورحمة الله وبركاته

سيارة قبيحة + غير مريحة ( عن تجربة ) + الأمان ضعيف ( ابو 123 ألف مافيه ABS ) !!! + ضيقة ويكفيك طريقة تصفيط المراتب الأخيرة فيها من البشاعة مالله به عليم !!

الباجيرو أفضل لك ، خابرن لك واحد 2008 مخزن جديد فل كامل خليجي محرك 3.8 سعره تقريباً 115 ألف
ادري انه غالي بس الموتر جديد غير مستخدم

إذا بغيته علمن

كل المواصفات اللي تطلبها موجودة فقط في الفورتشنر
الراحة نسبية حسب السيارة اللي معك قبل
لكن حسب تجربتي السيارة جيدة جدًا بالسفر من حيث الراحة فقط في المرتبتين الأماميتين لكن المرتبة الأخيرة الثالثة غير مريحة
الهواء يُسمع غالبًا بعد 140 وإذا صرت مناطح الهواء
ما سمعت طقطقه لكن فيه ميلان للأمام عند الضغط وسببها أن الفرامل الخلفية طبلات وليست أقراص مهواء

أنا معي الفورتشنر من 4 سنوات

رأيي الخاص أن الفورتشنر VX1 يحتاج إلى الإستخارة أكثر من استشارة
ومبروك مقدمًا

اخوي المازدا والميتسوبيسشي نفس الشي قطع غيار غالية الفورتشنر ممتاز على سعره وقوته ممتاز وانت تبي موتر يشد معاك وقطعه متوفرة مالك الا اهو