السلام عليكم
ياجماعة الخير ابي فزعتكم وافادتكم بخصوص مشكلتي
وراح الخصها لكم بـ 5 نقاط
1/ سيارتي جي اس 300 موديل 2005 / سعودي
السيارة صار فيها مشكلة بشكل مفاجئ وهي نتعات خفيفه بين السرعه 70 و 80 تقريبا .. وتقوى النتعه اذا نزل عداد السرعة اقل من 20 (يعني كأنه دفك احد من ورا )
2/ رحت للعضيب بالصناعية القديمة وقالي ممكن كمبيوتر مكينة ... وسعره بالوكاله غالي بحدود 6000 من غير البرمجه وماحصلته بالتشليح نفس رقم كمبيوتري
3/ رحت للوكالة وقالوا توضيب ب 23 الف ريال مع القطع والتركيب والضمان (قالوا توضيب من غير مايفكون القير)
4/ دخلت السيارة لورشة تراي ستار المختصين بالجير بوكس وفحصوا السيارة بالكمبيوتر وماتبيّن شي وشيكوا على القير وقالوا ان السيارة ماتحتاج توضيب واغلب الظن المشكلة كهربائية
5/ فيه قطع غيرتها عند العضيب قبل مده وهي :
-كراسي دفرنس من غير مايفكونه
- تغليق زيت الدفرنس وسويت بعده غسيل بستم ديزل لازالة الزيت (قبل شهرين تقريبا)
- كراسي قير
-بواجي
-طرنبة بنزين
-زيت القير والفلتر
حصلت كهربائي يقول انه يقدر ينقل البرمجة من كمبيوتر لكمبيوتر ثاني حتى لو كان الرقم مختلف بشرط انه لنفس نوع السياره .. وش رايكم بكلامه وهل الكويلات لها دخل بالموضوع ؟
اللي يقدر يفيدني بمكانيكي وكهربائي كويس بالرياض لايقصر معي جزاكم الله خير لان المشكلة ممكن تكون اتفه من كذا ...
الله لايهينكم .. انا بإنتظاركم
