السلام عليكم , توكيلات الجزيرة طرحوا عرض جديد على الفورد تورس 2013 , وهذا هو العرض , للكاش
طبعاً فيه خطأ بالاعلان انهم كاتبين ان السعر السابق 109 وهذا غير صحيح , السعر السابق للستاندر قبل هذا العرض كان بـ100 الف تقريبا شامل الاستمارة
لفئة الستاندر SE
والان بعد العرض بـ94900 غير شامل الاستمارة والنقل , صراحة العرض مميز جداً وكويس للي بيشتري
اتمنى الناس ماتقع بنفس خطأ العام الماضي , الاغلبية قالوا بننتظر الى رمضان عشان تنزل الاسعار واخرتها جاء رمضان وموديلات 2012 خلصت ونزلت 2013 بدون تخفيضات وكانت اسعارها غالية
الي بيشتري يحاول يشتري بالفترة الحالية قبل الصيف , لان الوكلاء بالصيف بيرفعون الاسعار لان الطلب بيزيد , بحكم الزواجات وكل واحد عريس جديد بيطق سيارة , والي ولده توه متخرج بيشتريله موتر بعد ,
ملاحظة :
الفورد تورس الخليجي سعرها من 92 الى 95 والاقوال الي تقول انها ماتختلف عن السعودي غير صحيحة
هناك اختلافات ولكنها بسيطة , وهي حاجتين
الستاندر السعودي يأتي بـUSB + نظام سينك
الخليجي ماتتوفر فيه هالحاجتين
وانا شاهدتها بنفسي في الوكالة وفي سيارة صديقي الخليجية
اكرر اتكلم عن الستاندر
في النهاية الي ابي اقوله الان , سواء تورس سعودية او خليجية , انتبهوا من المعارض الي الان تبيعها بفوق 95 الف , لانهم غشاشين
الوكالة بكبرها تبيعها بـ95 تقريبا
والي محتار وش يشتري انصحه بالتورس , جربتها قبل فترة واقنعتني يكفي سعرها
الان الاكورد سعرها للستاندر طاسات , 4 سلندر بـ86 الف
والسبيشل بـ97 جنوط 4 سلندر
والكامري نص فل 4 سلندر , بـ90 الف
والفل كامل 95 الف , " وفقا لموقع عبداللطيف جميل "
بها القيمة الواحد يشتري تورس 6 سلندر ومواصفات عالية
بـ95 افضل له
انا ماني موظف لفورد او عميل او متعصب , انا مجرد مستهلك
ابحث عن الافضل
والمعادلة الان واضحة , فورد اليومين هذي يقدم السعر المعقول
والمواصفات المميزة ولا ننسى ايضاً الجودة
وفوق كذا الصناعة في امريكا
بالتوفيق
