اذكر الحادث المميت الذي أنجاك الله منه

انا صار لي حادث قبل يمكن 5 سنوات يوم كنت ساكن في المدينة

كان معي كابرس

وجاي مع الدائري من جهة سلطانة رايح لطريق المطار

ونهاية الطريق يصير ضيق يعني مايتحمل اكثر من سيارة

وانا جاي ماسح الطبلون 200

يوم قربت لنهاية الطريق الواسع خففت الى 140

ومادري كنت مشغول بشى ما ادري جوال او مسجل نسيت

يوم انتبت اثر في لاند كروزر قديييييييييييييم يمشي يمكن 10

والله واسلم عليه لكن الحمد لله ما كان فيه اي اصابات

موضوع رائع ..

وقصدتي المميته في شارع التحليه في تشجيع الاتحاد .. كان على كأس خادم الحرمين
المهم .. قلت ام حديجان تجي التحليه وما تسوي شي عيب .
وقمت انطل في الخط على خفيف حتى بدون صوت ولا شي
بس العب بالسيارة يمين ويسار وكانت قويه من الرصيف الايمن الى الايسر
والعالم كلهم وراي يحسبوني بفحط ..
المهم وقفنا عند اول اشارة وانت جاي من الكورنيش ..
واول ماشفت النور الاخضر .. وادعس دعسه الظاهر ان السفت مسكين انشق
ومع الدعسه القويه جالس اكمل رجتي يميـــــن يســــار يمين يسار
ووراي العالم وراي حتى هم دعسوووا.. شويه ومع قوة الدعس والتجديع
طلع صوت الكفرات وهي تفحط .. والله عجبتني وكملت اليين واحد برضه لويمنا اس اس
تجاوزني من اليسار وانا اتلخبطت مدري من وين اروح
المهم لفيت الدركسون غلط وحاصت السيارة الى الجانب الايسر عند الاشجار
ياولد درك الطاره
واعطي الطارة يسار الا والمحروسه تعرض تعريضه يعني سويت استفهام واني والله
ماقصدتها لاني شايف العالم وراي مسريع ولاهم معاي جالسين يرقصون
على اهازيح الاتحاد
ههههههههههههه واللي بجنبي ولد عمي وورى اثنين من اخوياي
ياشرون باياديهم وقفوا وقفوا .. والله وتسمع انواع الفرامل
1- فرامل مع تعشيق
2- وفرامل ظفر
3- وفرامل مع بنزين ( حاله )

والله الحمد لله اتصرفت وقتها بسرعه واشك الريوس
وادعاااااااس بالريوس وسط الخط والناس يطالعون اللي جالسين في مطاعم
كتناكي وماقدونلز .. وقلت مادام اني سلمت خلني ازبطها يعنني ان السيارة ماحاصت علي
ويعني اني ضربت بريك

وسويت حركة الريوس وشردت جهت مواقف الدانوب



والله الحمد لله ما احد جاب العيد فيني .. الا والله بغيت اندهك



والحمد لله على السلامه
وجارنا وياكم من شر الحوادث

الحمد لله الحمد لله الحمد لله الذي نجاني من الموت

قبل ردي بساعتين
بغيت اروح في خبر كانا ولكن الله ستر

في الرياض ( التحليه )
ماشي 80 والطريق تقريباً فاضي
كنت منشغل مع بالركاب الذين معي
وكان الرادو شغال والصوت عال شوي
لم انتبه الى وصرخات الركاب يقولون : انتبه السياره امامك

لم اتذكر الى نور الفلشر تبع السياره الي كانت واقفه في نصف الطريق
لاّذكر الى اني لفيت يمين بقوه ثم يسار بقوه
مما أدى الى تجمع الشرطه حسبنا منهم اني افحط

بكل غضب وبكل نار تشتعل بداخلي:mad:
اقول ليش واقف في نصف الشارع

وبكل بروده ونعومه يقول : انا واقف لان قطه ميته في نصف الشارع


ماقول الى الحمد لله انه نجاني ونجى الذين معي من الموت

تحياتي

السلام عليكم ورحمة الله وبركاته

موضوع جميل وشيق والحمدلله ان الشي اللي صار لي بسيط ونجيت منه بفضل الله

الحادثة الأولى:

كنت راجع من المزرعة بفورد بيكب F 150 موديل 93 والطريق على اليمين صرف

صحي وعلى اليسار شبك مزرعة المهم كان قدامي راعي 200 ال يمشي على الراحة

الظاهر 30 كم / بالساعة المهم الطريق خط واحد والوقت ظهر مافي احد وقلت خلنا

نتجاوزه وأدعس على الفورد من اليمين مع انه اليسار ( خط الرجعة) مافي احد بس

رحت عند الرمل ودعست وتجاوزت ال 200 L بعدين بعوّد السيارة للاسفلت ما

أشوف الا خذت نطلة على اليسار واعود الطارةعلى اليمين وسبحان الله تنطل على

اليمين وأعودها يسار وتنطل يسار أقول في نفسي ( يابنت الحلال هجدي) ما تهجد

واعكس الطارة يمين بس السيارة مازالت تزحف على اليسار خفت ادق بريك وتزحف

زيادة وتزحف السيارة بي على اليسار لين ضربت شبك مزرعة ووقفت السيارة وادق

ريوس وأرجع البيت وأنا ماشي 30 مثل راعي ال 200L من الفزع والخوف

الحادثة الثانية:

نفس الخط خط المزارع بس هالمرة وأنا رايح المزرعة ببويك 94 ( ماشاء الله عزم)

وبعد المطبة أشوف راعي كراون فكتوريا 2001 يبي يتجاوزني من اليسار

(عكس السير ) سبحان الله فيني طبع ما أحب احد يتجاوزني واعطيه هذي الدعسة

ويعطيه راعي الفكتوريا وأعطيه ذاك الفرق لين وصلت المنعطف ( راعي الكراون

مخفف قبل ) وانا مسرع ماشي 140 في خط مايصلح تمشي فيه الا 60

والا انعطف بالسيارة الا السيارة ما أشوفها الا تدور فيني وتعقد فيني وعلى اليمين

واليسار صرف صحي واحد بحاجز والثاني بدون حاجز ما ادري والا ما اشوف نفسي

تحت الدريكسون على ضخامتي ونزل راعي الكراون ( شبابي ) ومعاه ماء ويقول :

اشرب وش هالسرعة احمد ربك انك ماطحت في الصرف .

سبحان الله تدرون كيف ان موقع سيارتي كنت عند حافةالصرفالصحي اللي بدون حاجز

بس ربك ستر

الحمد لله الحمد لله ألف ألف ألف مرة

كلمة اخيرة : (لاتسرع فالموت أسرع ).

تحياتي لكم

أخوكم

لاندكروزر VXR

اخوي محمد

موضوع جميل وفكره جديده

الحمد لله ... ما فيه حوادث مميته

لكن فيه حوادث بسيطه لا تذكر

والحمد لله على نعمه العافية

تحياتي

الحمد لله الي نجاى كل الشباب من الموت ولي انا واحد منهم

قصتي كان يا مكان في سالف العصر والاوان
وحده من المرارير كنت جاي كل العاده من عمان-الاردن رايح لمعشوقتي وجدهـ
المهم وصلت الحدود السعوديه وخلصت منها وطبعا كنت حاجز من تبوك لجدهـ
طيران خلصت من الحدودالساعه 8وموعدالاقلاع الساعه 9 والمسافه 90 كيلو الي تبوك
وعينك ما تشوف الا النور 230 السياره لكزسES300 99 بس كان بقيلي 30 كيلو على تبوك
وينفجر الكفر الامامي يمين على طول حطيت القير على الL وباقوا ما اعطاني ربي من قوه مسكت الدركسون ورجلي على الفرامل شوي شوي طبعا من 180 الى 0 على الجنط
طارت جلدة الكفر وصراح شعور ما ينوصف من كثر الرجه والخظخظه الي حسيت فيها
ان القزاز مموج ما اشوف قدامي وعلى فكره قبل ما ينفجر الكفر طفت امن الطرق على 200 وطبعا وانا مطفي النور وبكل برد جاني وقلي تبي مساعد يالحبيب ... والف حمد والف شكر ليك يارب السياره وقفت
وغيرت الكفر وكملت طريقي بس على سرعة 50 من الفجعه وسافرت على رحلة 4 الفجر
========================================= ودمتم سالمين

السلام عليكم
كيف الشباب


صار لي حادث بالطايف بكامري2002 جديدة والحمدلله ربي نجانا

القصة كنا بيوم من ايام الصيفية وكان جو ممطر وحبينا نتمشى بالخط الدائري وكنا ماشين على 60 كلم وفجأة اطل بالمراية وألقى جيب ماشي بسرعة وبنفس المسار اللي بالنص اللي انا فيه والمسافة بيني وبينه 20 متر او حواليها
المهم كتمت الدعسة وحذفت يمين عنه ويشيل ثلاث ارباع الشنطة من اليسار والباب الخلفيالأيسر وتسحب السيارة على جنب وباتجاه الصبة وربي سلمنا من الصبة بعدالبريك اللي سحبته

اللي حاصل ان صاحب الجيب ماعنده فرامل ولا عرف يتصرف

تكلفة السيارة 14000ريال
و6000الاف تقطيب وتزبيط

والله يسلمنا من شر هالمواتر


ودمتم سالمين

هم حادثين الاول كان قبل ثلاث سنين اول ماطفينا بالكامري تفحيط على ميه وثمانين قلبه محترمه بالسريع حق الرياض القصيم اول شئ بماصوره بعدين اخذت قلبه وتعدلت وعقبها مارحت اشوف تفحيط ولا اركب مع احد يفحط والحمد لله

والثاني
كنت مع خوي لي طالعين من استراحه نمشي ميه واربعين وهاذا اشنع حادث لي لاني كنت انطق الشهاده وانا داخل السياره وهي فوق الرصيف وبالماصور والمشكله جت الماصوره من عندي بس بقدرة قادر يوم وقفت السياره ماشوف حالي الا ورا وكانت السياره فورد وعلى طول للمستشفى بس يوم طلعت صليت ركعتين شكر لله

راعي الماكس
مشكور للمشاركة. والحمد لله على السلامة.
ماتدري ليش الجدار ماطاح عليك؟
على قولة المصريين: عمر الشقي بقي :D

B.M.S
شكرا للمشاركة ولإطرائك الجميل. والحمد لله على السلامة.
سؤال:
هل كان أخوك لابس حزام السلامة؟
:confused:

المتخصص
شكرا للمشاركة ولإطرائك. والحمد لله على السلامة.
واضح أن لك نصيب الأسد من الحوادث.. :D
بس زين كلها سلامات.

أعجبتني جملتك الأخيرة:
"أخيرا... السرعة قاتلة... ولكن هموم الإنسان أحيانا تجعله يفضل التأرجح بين الموت والحياة... وتكتب له الحياة من جديد... وإما يعرف قيمة الحياة بعدها... أو يكتشف أن الموت والحياة سيان..."
|1|

Ss2003sS
شكرا للمشاركة.
ومثل ما قلت لنعتبر من الماضي.
:)

مشكورين جميعا على هذا التفاعل الجميل.

مستردينالي
أنا لما شفت عدم التفاعل مع الموضوع في البداية قلت في نفسي زي ما قلت أنت. بس الحمد الله طلع فيه ناجين :D
شكرا على تعليقك الظريف.

ابـوالــولـيــد
شكرا للمشاركة. والحمد لله على السلامة.
إيش صار في الهندي والكرسيدا حقه؟
:confused:

TSS_LUMINA SS
مشكور للمشاركة.
والحمد لله على السلامة.
مصادفة عجيبة فعلا..
بس كيف تقول: ما ادري الا السياره ارتفعت؟
ترى السيارة ما ترتفع بوحدها. صح؟ :D

يأخواني ..على العموم حمد لله على سلامتكم وأعتبروا من الماضي

موضوع جميل... وحبيت أشارك فيه...

مرة كنت جاي من سفر ومرهق ونعسان جدا، ولما صرت على مسافة أقل من خمسة كيلو من البيت وأنا ماشي بسرعة 180 على الخط السريع، مدري كيف نمت وصحيت والسيارة ماشية كفرين على الرصيف (كان واطي بالمرة) وكفرين على السفلت، طبعا انفجعت ونزلت السيارة وحصات علي بذيك السرعة ونزلت للرملة وكانت منحدر، بس الحمد لله ما انقلبت والخسائر كانت جنط وذقن الصدام الأمامي و3 طاسات.

الحادث الثاني كنت توني طالع من المطار واستأجرت لومينا من بدجت وكنت أول من يستأجرها (بالنايلو حقها) وأنا على الخط السريع ماشي بسرعة 190 باجرب السيارة وعلى منعطف كبير والهوا كان ضد، السيارة حاصت علي بذيك السرعة ومن حسن الحظ ما فيه سيارات ورايا ودخلت ناحية الرملة وغرزت السيارة هناك وما طلعت الا بونش، وما كانت فيه خسائر نهائيا عدى 400 حق أجرة الونش اللي سحب السيارة.

آخر حادثين ربي نجاني منها كنت كمان ماسك خط سفر في بدايته وأنا ماشي بسرعة 170 الاحظ شي على الأرض، المهم صرت أطالع هالشي بالمرايا ابي اعرف وش هو، ولما حطيت عيوني على الطريق قدامي اذا بالتحذيرات حق الحفريات قدامي وما بينا شي يذكر، لفيت السيارة على اليمين بسرعة ورديتها على الشمال ووزنتها وما صار شي، بس تصببت كلي عرق وتخيل لي لو ان اللفة زادت مللي واحد يمين كان فقدت السيطرة ولما وزنتها لو زادت مللي واحد على الشمال كان فقدت السيطرة كمان أو لو إني كنت مسرع كيلو واحد زيادة مدري وش كان صار.
والحادث الثاني والأخير تقريبا نفس الشئ كنت ماشي على سرعة 160 تقريبا وفجأة واحد يبغى يعمل يوتيرن ويقص الشارع من أقصى اليمين لأقصى الشمال وما القاه غير بوجهي وما كنت متوقع أساسا انه يعمل كذا، المهم نفس ما صار بالحالة اللي قبل كذا، لفيت يمين ووزنت السيارة بس كان صعب جدا وتخيلت لو اني فقدت السيطرة والسيارة دخلت في عامود كهرباء أو في الصبة وش كان صار فيني.

أخيرا... السرعة قاتلة... ولكن هموم الإنسان أحيانا تجعله يفضل التأرجح بين الموت والحياة... وتكتب له الحياة من جديد... وإما يعرف قيمة الحياة بعدها... أو يكتشف أن الموت والحياة سيان...

والله موضوع جميل والاجمل انه جاء منك يا اخ محمد

ما شاء الله عليك مشاركاتك كلها في القمه

المهم كنت انا وخويي راعي ماكس 2002 وكان فرحان فيها

وبس يدعس وانا انصحه المهم كان داعس 140

وما درينا الا والكامري طالعه لنا ويبعد خويي عنها ...... تدرون وين حول؟؟؟




حول للشارع الثاني بس على التنده والله يستر ذاك اليوم تنوم خويي

من كسر خفيفه فيه وانا بس كسر في يدي

بس اللي يقهر انه خويي صابه اختناق بسبب الاير باق

والماكس كرررررررررررررررتووووووووووووون ما بقى منها شئ

المهم الحمدالله على السلامه

انا احمد الله اني طلعت من حادثين بدون حتى خدش واحد

الاول بكروان فكتوريا 96 دخلت بيه في جدر مستودع و كان طول الجدر حوالي 4 امتار او زياده و ما ادري ليه ما طاح الجدر علي لكن ستر الله


و الحادث الثاني قبل فتره بيسطه بالماكسيما حقتي رغم انها جديده و ما لها 6 شهور

كنت في البحر و هابق من المدرسه و معاي اثنين من الشباب و وجيت مسرع و نطلت السياره يمين يسار يمين يسار الين وقفت و انا فوق الرصيف و النخل

و ما صار اي اي شيء رغم انه الصدمه من جهتي و الاثنين الي معاي اتعوروا
و كلفت تصليح السياره حول الــ 15 الف

في الاخير ما اقول غير الحمد لله على كل حال
و كل دقه بتعليمه

.............قبل....3 سنين كراون فكتوريا ........

كنا في الحاره ...كان فيه تقاطع ...الظهر وقت رجعت المدارس المهم

انا كنت افكر ما ادري الا السياره ارتفهت انا اتذكر اني كنت اشوف السماء

المهم راح الكبوت واشياء كثير ......

والعجيب والغريب والذي لا يصدق انه......::::::

1. السيارات نفس الموديل والشكل الاختلاف الون.....كراون فكتوريا 91

2.ولا احد مات.....الحمد الله كلنا سليمين

3.الي صدم صديق ابوي ........

اما انا خرجت سليم ولله الحمد من حادث بشبح الوالد كنت ماشي 80 فزدت السرعه الى 120 لكي الحق على الاشاره وتعديتها وهي حمراء ولا ابو هنود بالكرسيدا واظفه والحمد لله مدري وشلون خرجت سليم والحادث كلف 16 الف