سؤال ارجوا من ملاك الجينيسس الاجابة ....

وش بقيت للأزيرا والسوناتا !!!!!؟؟؟

استاذي الكريم لا تحكم قبل ان تجرب ..

والسيارة فرضت نفسها كأحد السيارة الفخمة المتوسطة ..

أحترم وجهة نظرك ..

لكن انها (( أقل من عادية )) حسستني انك تتكلم عن أكسنت:wavey:

اعتقد ان اي سيارة لو تدور لها مستعمل في حراج او اي موقع اخر راح تلقى معروض كثير .. وهالشي ينطبق على كل السيارات من تويوتا الى فراري .. والناس ظروف وقناعات

انا من الناس الي يبدل سيارات كثير ... وخاصة السيارات الرديفة لاني معي جيب لكزس ومخليه للخطوط والطلعات العائلية او الرسمية

وخلال 3 سنوات بدلت 3 سيارات وكلها كوري .. اوبيروس وبعدها كادينزا والان معي جينسيس ,,وكل وحده لها سبب في تغييرها

الاوبروس احتجت مبلغها مع انها كانت اكثر من رائعه وفخمة جدا وقريبه من الجنسيس بالمناسبة وهي ابدا ليست من فئة الكادينزا ولا تقارن فيها كمتانه وجودة وثبات وراحه

الكادينزا احس اني استعجلت في شرائها لاني توقعتها بديل مناسب ومقارب للاوبيروس وما ارتحت لها بسبب قسوتها واعطال غبية مثل مكيف ومساعدات ووكيل كرهتني فيها مره وبعتها اضافة الى ان السيارة شبابية بزيادة

والان معي جينسيس ومرتاح لها بشكل ما تتخيله وهي من السيارات الي تعشقها من اول مركب وتحس انك ما ودك تركب غيرها ,, واقولها بصراحه صرت ما استعمل غيرها ابد حتى في مشاويري الخاصه والكشخه لاني احس السيارة قمة في الراحه والفخامة وخل نظرة الناس ماهي مهمه دامي مرتاح

ثناء بحثي لشرءها شفت المستعمل وسالت عن اسباب البيع .. واحد منهم قالي اني احسها ماهي حقت شباب في بداية العشرين لانها ثقيله مو ثقيله قومة لا بالعكس جبارة لكن ثقيلة وزن زي اللكزس ال اس بالمناسبه , وتصلح للي في الثلاثينات وانا اتفق معه صراحه ... وترا فئة السيارة من فئة السيارات الفخمة فاللي راعي دوران بالشوراع اربع وعشرين ساعه وراعي دعسات ولفات سريعه وعدم اهتمام بقواعد مراعاة السيارات قد ما تصلح له لانها فعلا ثقيله بس بشكل ايجيابي اذا انت راعي خطوط او تهمك الراحة

وفي النهاية جرب بنفسك واجرها ولا يهمونك الي يبيعون والناس قناعات لكني قد اتفق مع ان الي في بداية شبابهم قد ما يرتاحون للحجم والوزن

الله يبارك لك في موترك واسبابك الي خلتني املكها في المقام الاول

لا اعلم من اين استنتج انه لابد من وجود سيارة ثانية
يصدف ان البعض يمتلك سيارتني احدها ارخص من الاخرى او اقدم ويستخدمها بشكل اكبر
كذلك يا عزيزي السيارة موجهه لفئة الاعمار 30 سنة فما فوق وهذه الفئة ماعندها فرفرة طول اليوم وسفرياتهم بالطائرة او بسيارة عائلية لذلك لاتسير مسافات طويلة

بالنسبة للسيارة نعم سعرها اقل من منافسيها لكنها عالمياً مصنفة ضمنهم كسيارة فاخرة كبيرة الحجم وفي نفس مستوى البي ام الفئة الخامسة واللكزس جي اس والمرسدس E Class ولا تسنى ان هناك فئة البرادا وسعرها يصل الي 240 الف ريال وبذلك فهي ليست اقل من عادية

تحياتي

لا اعلم انها اصبحت مشكلة كما ذكرت وانت تتكلم عن كوديل 2012 ترى 2014 يباع حالياً لدى الوكيل
وافضل من يفيدك ليس ملاكها بل من كان يمتلكها
وياليت تدلنا على هذه السيارت الكثيرة المعروضة للبيع فقد يكون هناك من يرغب في الشراء

مؤيد تماما لكلامك :xyxthumbs:

واحب اضيف شغله ,, شفيكم يا أخوان تقولون تستخدموها كسياره ثانيه ومن هالكلام ؟! ولازم سياره اضافيه للمشاوير اليوميه وهذي لزوم الكشخه والمناسبات والويكند !! ما ادري انتم تتكلمون عن الجينسيس الي قيمتها حول 120 الف ريال جديده ولا سياره ثانيه !!
اي كشخه الله يرحم والديكم والله السياره اقل من عاديه ورخيصه ولا تفكر وانت راكيها انك كاشخ او ان الناس تنظر لك انه شوفوا ماشاء الله هالمطنوخ خخخ ,, ع العموم الله يرزقنا جميعا
الكشخه والرزه اشوفها للسيارات الاوربيه وخصوصا الالمانيه الفاخره منها وبس وهذا رأيي الشخصي
والاخ بلاك كوفي اشكرك على ردك وصراحتك وطريقة طرحك للموضوع ونقل تجربتك بكل احترام وشفافيه دون التنقيص من قدر احد ..

تحياتي

بارك الله فيك اخوي ابوسعود ليت كل الناس يفكرون زيك الأمر بالاخير قناعه شخصيه مايهمني راي فلان ولا علان انا اللي بدفع وانا اللي ابستخدم
الله يباركلك بموترك وعقبال مانشوف لك تقرير عن السنتيال الله يرزقك بوحده وتخلي الجنسس للمشاوير والدوام سبير يعني :ch19:

انا ما أتفق مع الشباب اللي يقولون حقت دلع أو تكون سيارتي الثانية

الجينيسيس هي سيارتي الوحيدة من ثلاث سنوات من بعد ما بعت سيارتي الأولى ( ماكسيما 2000 ) .

الآن صار لي 3 سنوات و9 شهور وماشي عليها 115 الف تقريباً

السيارة كنت اسافر فيها من مكة للباحة ثم من مكة للمدينة والعكس والفترة الأخيرة صارت سفرياتي قليل بسبب العمل .

السيارة هي قناعة لكل شخص ، وممكن أنا أشوفها شي خيالي وغيري يشوفها سيارة عادية بل أقل من عادية .

أنا أحترم وجهة نظر الأخ بلاك كفي لكن بالنسبة لي مقتنع تماماً بالخطوة اللي أقدمت عليها وماعندي مانع أكرر الخطوة وأشتري الجينيسيس مرة ثانية لأنها بتعطيني مواصفات وجودة بنصف السعر لمثيلااتها من السيارات ولا يهمني ان كانت كورية ولا حتى برازيلية ، لكن المهم انها تعطيني اللي احتاجه منها ( مواصفات ، جودة ، قلة أعطال ، سعر معقول جداً ) .

اعتقد لو ننظر الى المشكلة ونبحث عن التفاصيل لوجدنا الحل !

بعطيكم مثال : يوم نزلت جينيسس 2012 شروها اغلب الناس وثالث يوم تشوفها معروضة الي ماشيه 1000 والماشي 1300, ماهو اثنين ولا ثلاثة وااجد يارجل !!

هذا اللي خلاني اطرح الموضوع .. صحيح فيه منهو المبتعث ومنهو المحتاج للسيولة وغيرها

لكن هل فيه سبب مشترك للي يبيعونها ؟؟

كل شخص له طريقته في تقدير الاشياء التي يمتلكها
تحياتي لك

بنسبه لي و اغلب الناس الي دخلهم محدود راح يستخدمها عادي للمشاوير و تقضي الاغراض بشكل يومي و طبيعي ماشوف حاجه يمنع هذا الشي ؟؟!!

استغرب الي يقول حقت كشخه فقط ولا تصلح للمشاويير << انا شاري سياره تخدمني ولا ادلعها
والجنيسس فيها كل المتطلبات تخدم و تتحمل المشاويل اليوميه من الى

حتى لو كان الله منعم علي من فضله
ماراح اخليها واقفه و اشتري سياره ثانيه استخدمها للمشاوير و التبضع و هي واقفه بالعكس
راح تكون عندي سياره غاليه مثل مرسيدس و هي سياره ثانويه للاستخدام اليومي !

لو هي سبورت و سوبر شارج و لا فيراري ممكن ما استخدمه كل يوم غيره ما عتقد

هل تعتقد ان المرسدس والبي ام واللكزس ليست حق كرف
او لنقول اليوكن والتاهو وللاند
شخصيا افضل استخدام سياره رخيصه للمشاوير اسهل في التحرك ولانها معرضه للحكات والمطبات الجميله في شوارعنا وللبقالة وسوق للخضار واعتقد القليل من يقوم بذلك بسياره فخمه
وسيارتي الغاليه للمشاوير الخاصه والمناسبات والتمشيه مع الاهل في عطلة الاسبوع

الوكالة تعطي ضمان ٥سنوات مفتوح وصياتة مجانية شامله قطع الغيار ٥سنوات او ١٠٠ الف لثقتها بالمنتج

كذلك صاحب الموضوع ذكر السيارات المعروضه للبيع وهي قليله لان ملاكها لازالو يحتضون بها
تحياتي لك

من اللي باللون الاحمر استنتجت انها مهي حقت كرف.

لا اعلم من اين استنتجت انها ليست ( حق كرف ) كما ذكرت طالما ان السيارات الكورية حق كرف فالاولى ان تكون افضل منهم
و
نعم اخي الفاضل قد يكون منافيسها افضل منها مالمانع خاصة ان قيمتهم اكثر من ضعف سعرها

ارجو من ملاك الجينسيس مايزعلون من رأيي
كلن له رأي ووجهة نظر
واختلاف الرأي لايفسد للود قضية

[SIZE="5"]هلا أخوي أنا امتلكت الجنيسس موديل 2012 ومشيتها 30 الف وبعتها
الموتر ماعليه شريتها من جزيرة السيارات موزع لهونداي بالدمام
الموتر ماعليه وللعلم كانت سيارتي الوحيده
سبب الشراء لان سعرها كان مقارب لسعر الكامري 2012 فل اول مانزلت اعتقد كانت ب 107 والجنسس ازود منها ب خمس او ست الاف لذلك اخذتها للعلم ماكانت في بالي لاهي ولا الكامري بس شي مقدر ومكتوب
بتقولي ليش بعتها انا اقولك
1/ جميع السيارات اللي مرت علي دفع رباعي لذلك ما ارتحت للسيدان
2/ شوارعنا حاليا لاتناسب سيارات سيدان ابدا كلها حفر وتشققات
3/بصراحه وذا السبب خاص فيني أنا ورأي شخصي خاص فيني ما ألزم فيه غيري صح الموتر فخم ومريح بس كنت احس ان ناقصه شي الا وهو العلامه والماركه بقرارة نفسي مهما حاولت اشوف المميزات اللي فيه اتذكر انه هونداي لذلك الان اذا شفتها عند اشارة ماتشدن زي اول ماشفته بالمعرض اقول مرده هونداي بدري عليه ياصل مواصيل الانفنتي ولا اللكزس ولا الالماني اذا جينا لسالفة ماركة وموتر بتشخص فيه تراك واهم يابلاك كفي
رجاء خااااااااااص ملاحظه رقم 3 خاصه فيني ورأي شخصي لا احد يحقد لأني اشوف بعض الاعضاء يحامي عن بعض الماركات لدرجة انك تحس انه شريك للمصنع
اذا بغيت تستفسر اكثر انا حاضر وعلى فكره الموتر اول سنه اذا بتبيع بيجيبلك قيمه لاكن كل ماطول معك كل ما نقصت قيمته وقل زبونه
سعر افالون 2010 حاليا بكم ؟
بالنسبه لليقول اغلب اللي ياخذون الجنيسس تلاقي الله منعم عليه وعنده موتر ثاني ارد عليه واقول الحمد لله على نعمه لاكن الموتر مو ذاك اللي تقول ماياخذه الا بزنسس مان ولا وزير ترى يوم اشتري سيارتي كان سعره ١١٢ ستاندر مكينه كبيره مجدوعي يعيني ذا سعر متوسط اغلب السيارات حاليا وبعدين معليش تراه مو بنوراما ولا بي ام ولا مايباخ ع قولت ميباخ اس عشان يحتاج معاه موتر ثاني قيمته قيمت افالون وهوندا وشارجر واوريون وذا الطقه اتكلم عن الستاندر طبعا

حسستوني انها مايباخ ولا فانتوم. شلون سياره كوريه ومهي حقت كرف؟ على كذا منافسينها افضل منها بكثير.

بعد ما قالوة اخواني ما عندي زيادة اضيفها بس اتوافق مع اخوي فتى الانتر بموضوع ان الي عندة مثلها اكيد عندة سيارة غيرها للهلك

يعطيك العافية اخوي