الغاء الدبل في دينالي 2002 XL

اذا لم تفلح الحلول اللي قالوا عليها الزملاء
فشوف كمبيوتر السياره ممكن ينلعب عليه بفك فيوز وكتاوت الدبل اللي في علبة الفيوز بعد ما تتأكد ان الدبل مفصول
جرب منت خسران شيء

احوي ابو ماجد انا في الرياض و اتوع السيارة راح تتعطل بأي لحظة.... يعني ما فيه امل توصل بريدة
لكن ارسل لي رقم الورشة استفسر منهم مشكوراً مأجوراً

السيارة امريكي اشتريتها من زميلي بالعمل اجنبي كانت معاه ثلاث سنوات ما شكى منها بشي .
طبعاً كان فاحصها من الصدام الى الصدام وكانت 100% بدي و محركات و طلعوا فيها على طعس عشان يفحصون الدبل و طلع شغال 100%

الآن السيارة مكينة و قير 100% و بدي 100% ما عدا الصدام يبيله رش
اما الدبل مثل ما علمتكم

اخوي بعيد خطوه
هل اشتريته مستخدم ام جديد ؟ وهل سعودي ام امريكي؟

اعانك الله ووفقك

تدري وين اللي يبي يطلّع علته ورشة القرعاوي ببريده فلبينيين ومتخصصين بالدبل فقط وراح يعلمونك إذا فيه امكانية فصل للدبل ام لا ,,لكن انا اذكر واحد يقول معه دينالي فك العمود الأمامي وماتحرّك غير شر ,,وبعدين ترا لو فكيت العمود الامامي الدبل يصير شغّال إلى 80 اما الدبل العادي مايشبك لين تضغط الزّر ,,إذا كان القير تبديلاته تمام ما لك إلا اما تصلحه او تسألهم هل تقدر تلغيه من الداخل بفك الجنزير اما العمود ماينفع مع الدينالي ,,

انا قبل شهرين صلحت سياره عندهم وإذا تبي تلفونهم ارسله لك على الخاص وتستفسر منهم ..

تسلم اخوي ابو ماجد على الافادة

يمكن تتسائلون كيف استخدم السيارة في وضعها الحالي ؟؟؟

السيارة يطلع لها رجه من سرعة 80 الى 120 وبعدها الرجه تختفي

يعني الظاهر انها قريباً ستقف !!!

ما مر علي مثل هالسيارة في حياتي .... كم مرة وضبت ماكينه و قير لسيارات اخرى و خدمن معاي اكثر من سنتين و ثلاث...
اما هالسيارة افضل ما توصف به هو (يامن شرا له من حلاله علة)
عز الله ان هالدبل دبل تسبدي ...

عوع عوع عوع معد نبيك يادبل نبي الفكة منك و لا عاد نقدر
من هذا المنتدى انصح جميع الاخوة بعدم شراء الدينالي .... الا اذا كان وكاله... استخدموه خمس سنوات و بيعوه

تسلم يا مستشار على سرعة الرد

لكن للمعلومية الوضع الحالي للسيارة تهريب زيت من صوفة الدبل لأن الجلبة اللي داخل الدبل طلعت من مكانها . طبعاً هذا الوضع من اربع ايام و الان ما اشوف تهريب زيت لأن الزيت الظاهر انه خلص (معاد لي نفس اصلحها)
لأني واجهة نفس المشكله بالضبط قبل اسبوعين و كلفتني اكثر من الف . و الان عادت نفس المشكله
اذكر اني سئلت الميكانيكي عن الغاء الدبل و قال لي على حل فيه تلحيم للعامود !!! احس اني ما اقتنعت بحله
لكن اللي فهمته منك ان الدبل يبقى مكانه و العامود الطويل مشبوك فيه و اشيل العامود القصير و افصل الضفيرة... هل هذا صحيح ؟
اذا كان صحيح معناته ما خلصنا من الدبل !!!
اخوي المستشار هل فيه احد جرب الطريقة اللي قلت لي عليها ؟؟
كيف كانت التجربه ؟

ممكن تلغيه اعتقد ونا ماني متأكد لو شلت الجنزير اللي يشبك بين القير والدبل من الداخل وبالتالي يصبح الدبل فارغ لكن الدينالي دفع رباعي مستمر إلى سرعة80 ويتحول للخلفي فقط ..لكن المشكله ان السياره مصممه على هذا النظام وفيه انظمه لها علاقه بالدبل وهي نظام الستايبلي تراك (التحكم اللأكتروني بالثبات ) وهو عند الأنعطافات القويه والانزلاق يتدخل هذا النظام ليعطي سرعه للكفر الداخلي واللذي اقل دوران سواء الخلفي او الأمامي ,والخاري يمسك بريك ليقلل من سرعته او انزلاقه حتى تعتدل المركبه بالطريق ومنعها من الدوران حول نفسها وهذا كله دون تدخل السائق ,هذا النظام هو العقبه اللي ماراح تفتك منه لأن فيه حسسات على كل كفر لقراءة دورانها وهو مرتبط مع بعظه ,,يعني لو الدبل عادي كان تمشي امورك لكن التلقائي مشكله ,,إلا في حال نك تحرص اثناء القياده وتتجنب اي انعطاف قوي مفاجيء لأنه لو تدخل هذا النظام والدبل الأمام ملغي الله اللي يعلم ماذا سيحدث ..