صباح الخير
السالفة ومافيها
إني أخذت سيارة آجار , وسافرت عليها وحصل لي موقف بالخط , الله لايوريكم
كنت ماشي بأمان الله , وطبعا دااعس والخط شبه فاضي , إلا وفي وجهي ذيك الكفره بنص الخط وفجأه ارتطم بالصدام من تحت مع اللوحه مع الإنارة السفلية
المهم الوضع انخبص والنفسية قفلت , نزلت عدلت اللوحه كان ماسكها مسمار :bigggrin:
وشيكت على السيارة من تحت طلعت سليمة ماراحت إلا الجلده اللي تحت
طيب هالحين , أنا مأمن على السيارة من محل التأجير ذا تأمين شامل , هل يشملها هالتأمين ولا وش الوضع , لأن السيارة موديل جديد وغااالية بنت الذين :blue:
طيب اذا مايشملها التأمين , اشرح لهم الموقف وانطلها عندهم وبكيفهم واللي يصير يصير , يعني هل فيها قائمة سودا بعدين وشغلات طويلة عريضة ولا الوضع سهالات
وسلامتكم ,, وجعلكم ماتطبون باللي طبيته :a120(115):
