لا تنسى تغير البواجي فأنت ماتدري متى اخر مره غيرها اللي قبلك
ولازم تتأكد من نوعية البواجي هل هي نفس النوعيه اللي تركب على السعودي او لا
لان أنا كان معي جراند ماركيز امريكي وكنت اروح للوكاله اخذ منهم بواجي و اركبها وماينفع الموتر عزمه طايح .. و اكتشفت بالاخير ان الامريكي له بواجي خاصه ..مكتوب عليها بلاتينيوم
و ايضا ً شحم السياره ..الركب والمقصات وخلافها
ايضا ً اذا مامعك مفتاح سبير للموتر سو لك واحد لانك بحالة فقدت المفتاح بتكون الشغله مكلفه جدا ً
بإختصار التغييرات اللي اشوفها انا واجبه عليك
1- زيت المكينة + سيفون المكينه
2- زيت القير + فلتـر القير ( خذهن من الوكاله وانتبه تاخذهن من البنشري)
3 - زيت الدفرنس وتأكد هل يحتاج معالج احتكاك او لا وهذا يقرره لك الميكانيكي
و السيلكون اللي تاخذه عشان تركب وجه الدفرنس خذه من الوكاله عشانه قوي جداً
و الزيت ايضا ً ولا تاخذه من البنشري لانه اي كلام وتجاري
4-فلتر الهواء بحالة انه كان قديم
5 - فلتر المكيف بحالة اذا كان فيها فلتر مكيف وكان قديم
6 - البـواجي ولازم تتأكد هل هي نفس اللي بالاكسبلور السعودي او بلاتينيوم
7- تشحيـم الركب والمقصات وخلافها
8 - تأكد من ماء الريديتر + زيت البريك + زيت الدركسون
9 - إذا بالامكـان سو فحص كمبيوتر عشان تعرف يمكن فيه حساس أداءه متواضع او متعطل
و إذا تذكرت اشياء اخرى بضيفها ان شاء الله
والله يعطيك خيره ويكفيك شره وييسر لك امرك ان شاء الله
