عيوب المازدا 6 2014

شكرا لكم على المعلومات

ياصديقي لا تقعد ترقع لها هههههه
اظن والله اعلم ان من كثر ماكبوت السياره ناعم وانسيابي مع الهواء والمرايا في الباب معلقه صارت تطلع صوت .

كبوتها ياخي صادق يجيب الهم اذا بغيت توقف لكن تعودت عليها الحين وعلى ابعادها

لو بس نقدر نركب كميره اماميه وخلفيه والله بتريح كثير الموتر طويل ماتلحق لاكبوته ولا الشنطه
لقيت واحد في منتدى الحراج يبيع شاشات مازادا وكميره خلفيه ب 2000 ريال ولكن المال ياصديقي المال مشكلتنا
لو يقدر يجيب لنا بس المرايه مع كاميرا مب لازم شاشه .

اشكرك على التعقيب

وانا ايضا اتمنى الجميع يسرد لنا تجربته

- مثبت السرعه مايثبت الا على 145 كم , ممكن ادرجها كايجابيه بحكم انها تقيدك بهذي السرعه ماتخليك متهور



ااسف غلطت بالتعبير , القصد هو ان اقصى حد لتثبيت السرعه هو سرعة 145 كم
بعد كذا مايثبت

ملخص جميل جدا ..


اتمنى من لديهم السيارة بأن يشاركونا ارائهم وتجربتهم هنا ..

السياره رائعه كتصميم ومتعة قياده وكتحكم بعجلة القياده
طبعا انا اتكلم عن الفل ولسا ماشيه 3000
بقول السلبيات والايجابيات باختصار ومافيه سياره تخلى من العيوب

السلبيات

- مثبت السرعه مايثبت الا على 145 كم , ممكن ادرجها كايجابيه بحكم انها تقيدك بهذي السرعه ماتخليك متهور

- الادراج في السياره تصاميمها ليست عمليه كلها صغيره سوائا الدرج اللي بالتكايه او الامامي يعني السياره تعتبر متواضعه في اماكن التخزين

وحتى فتحة السقف تعتبر صغيره لكنها مرضيه نوعا ما

- التعليق قاسي نوعا ما وذلك ممكن بسبب الجنوط مقاس 19

- المقاعد الاماميه جيده ولكن ليست بالمريحه بعكس المقاعد الخلفيه مريحه جدا

- صوت الهواء يبدا في السياره من سرعة 100 ومافوق لكن يزيد بعد 160 كم

الايجابيات

- الرادار رائع جدا بحيث ان اذا كان امامك سياره يستشعر النظام وتهدي السياره بدون ما تضغط على الفرامل

- نظام الخروج عن المسار

- نظام النقطه العمياء على المرايا RVM

- السماعات ممتازه جدا 11 سماعه ماركة BOSE

- الانوار الاماميه ( زينون ) واضحه جدا بالليل ومرضيه

- نظام التفاف الانوار استجابته سريعه

-الانوار الخلفيه واضحه بتقنية LED مع وجوده ايضا في الانوار الاماميه بالنهار

- الثبات في الطرق السريعه والرساوه مع الانعطافات

- الشاشه فيها جميع الميزات المطلوبه من كاميرا و GPS وغيره

- العزم رائع جدا ومرضي بالنسبه لي

- القير ناعم جدا وماتحس بالتغييرات يعني مافيه نتع

- استجابة الفرامل ممتازه

هذه هي ملخص تجربتي للسياره بكل امانه

اشكركم والله يعطيكم خير سياراتكم ويكفيكم شرها

الله يعطيك العافية ع الموضوع

عمدي سؤال صغير
المازدا 6 2014
فيها 6 سلندر ؟؟

فعلا أخي genes power أنو السيارة مع ذكر عيوبها جميله واقتنائها شي رائع لنعومتها في القيادة ,

بس عندي سؤال لك دامك تممسك خطوط

أنا من يوم ماشريت السيارة وما تنقل ع 6 , بس توصل للغيار الخامس مع العلم مشيت عليها ل 180 وما كانت تجيب الغيار 6 إلا لما احط الغير عادي تجي معي بس ليش أتوماتيك ما تجي بالإضافة أنو أحس في نتعة بالغيار الخامس فقط .. ووللحين السيارة ماشية 2000 كيلو

ومشكور لك وللأخوة المتابعين ويلي عندو الإفادة ياريت يقولنا شو ساوي

السلام عليكم..

بحكم اني من ملاك مازدا6 2014 ستاندر وبعد مامشت 5 الاف تقريبا، الخّص سلبياتها في 8 نقاط:

1- العزل، بعد 80 تسمع صوت هوا قوي لدرجة اني اشك احيانا ان القزاز مفتوح!
بس لحسن الحظ ان السماعات جبارة لدرجة اني ما احس بصوت الهوا ولا حتى صوت اللي جنبي :D

2- ابعاد السيارة مبالغ فيها، صح اني تعودت عليها بس مازلت اشوفها اطول من اللازم والمشكلة ان حجمها من الداخل ضيق مقارنة بالسيارات المنافسة يعني مافي تناسق بين الابعاد من الخارج والداخل..اعتقد ان مهندسي السيارة ضحوا بالسعة من اجل التصميم

3- مافي مكيف خلفي في الستاندرد (بس للامانة تصميم فتحات التكييف جدا ممتاز وبتغطي السيارة بالكامل)

4- بحكم اني امسك خطوط اسبوعيا..لاحظت ان الاضاءة ضعيفة نوعا ما حتى النور العالي مو بالمستوى المطلوب وافكر جديا اني اركب اسطبات الفل مع الزنون ( بس السعر :smilie20: )

5- صرفية السيارة في فترة التمرين كانت جدا جدا ممتازة، فللتها اول ماطلعت وبعد حوالي ألف كيلو كان فيها فوق الربع بشوي
لكن بعد ماخلصت التمرين وبديت اشد فيها شويتين صارت بزيادة
يعني باختصار: سواقتك هادية وماتمشي فوق 120 بتقعد معاك السيارة فترة طويلة جدا بتانكي واحد
اذا رجلك حارة وفي الخطوط دايما 150 وفوق بتلاحظ ان صرفيتها زادت بشكل ملحوظ كأنها 6 سلندر

6- في السرعات العالية عداد الRPM دائما فوق 3 فيصير صوت المحرك مزعج واعتقد هذا السبب في زيادة صرفية السيارة

7- عزمها جدا سيء يعني بالدعسة العادية كل السيارات تقوم عليك حتى الاكسنت والكورلا 1.6
في طريقة تقوي العزم والفزة شويتين وهي انك تدعس الى الاخير بعدين تدعس زيادة، في زر اذا ضغطته عزم السيارة يطير فوووق بس ما انصح فيها لانها تخلي الRPM على 7

8- التكاية اللي في النص بعيدة نوعا ما عن يد السائق (الا اذا كنت مسوي فيها زاحف ومرجع المقعدة بزيادة)
في حل عجبني، عملي وشكله افضل، وهو استبدال التكاية بشكل ثاني زي اللي في مازدا3 2015







تقريبا هذي ابرز العيوب بالنسبة للستاندر لكن بصراحة مميزات السيارات تطغى وبقوة على سلبياتها وانصح فيهااي شخص يرغب بسيارة سيدان بأقل من 100 الف


وبخصوص صوت الهوا ياشباب فالسبب من المرايا الجانبية
السيارة مافيها اي تنسيم اطلاقا حتى على سرعة 180 وهذي من المميزات اللي نادرا تلقاها في سيارة من هذي الفئة
لكن المشكلة ان المرايا معلقة على الباب والهوا بيصقع فيها وفي التجويف اللي بينها وبين القزاز وهو اللي يسبب صوت مزعج حتى في الصف الخلفي الصوت اخف
طبعا صعب حل المشكلة لكن اعتقد افضل حل هو تركيب ريشة على المرايا زي هذي، تساعد على مرور الهوا بشكل افضل وتخفض من الضجيج

هلا أخ arif

كلام الوكالة صحيح، الصوت إلي تسمعه هو صوت إحتكاك الهواء بجسم السيارة و أنا لما جربت السيارة 3 مرات لاحظت صوت الهواء ولكن ليس سيء لهذه الدرجة، ولاحظت أيضا ان صوت المحرك عالي شوي وإلي جنني أكثر إن صوت المحرك أعلى من صوت محرك اﻷلتيما 2013 6 سلندر؟؟؟ وعزل الهواء في اﻷلتيما أحسن بكثير وهذا يحسب للألتيما انها هادية جدا وهذا عن تجربة ولكن لم ألاحظ أبدا أي تنسيم في المازدا بس مشكلتها انك لما تروح على سرعة 100 فما فوق تبتدي تسمع صوت الهواء و صوت المحرك.
أتمنى اني أكون أفدتك وتقبل مروري.

Altima Forever

نستنى ونشوف هل راح يكون فيه 6 سلندر او لا .. والله اتمنى

تمنيت يكون المحرك 6 سلندر ليواكب شكل وتعليق السيارة بحكم انها رياضية ..

رغم العيوب الي موجودة بالمازدا 6، 2014 فهي الافضل من جميع السيارات الي في فئتها من ناحية المواصفات .. وكذلك تتفوق على السيارات الي في فئتها الفل كامل من السيارات المنافسة ال6 سلندر الفل كامل .. فيما عدا المحرك

^^^^
صدقت
انا الاحظ بعض الاحيان مايصير فيه هواء قوي او هواء مع الاتجاه الي انت تمشي فيه يصير الوضع تمام ولا فيه اي صوت
لاكن اذا كنت عكس الهواء وكان الهواء قوي من قبل 100 تسمع صوت اتوقع انه عادي واغلب السيارات كذا

اتوقع السيارات اليابانيه جدا متقاربه من حيث الاداء وما فيه فرق كبير بينها

يتبقى الذوق الشخصي ومتطلبات كل شخص . من ناحية التصميم . او الاتساع الداخلي او

السعر او الصيانه واعتقد في النهاية ما فيه سيارة احسن من الثانيه .

حسبت ما فهمت من الشباب الالتيما عزل رهيب .

المازدا مواصفات مقابل السعر .

الاكورد جوده وشكل مثل ما تقول الناس .

اليجاسي . متعة قيادة ورخص قطع .

الكامري والاوريون خدمات ما بعد البيع.

مشاكل بسيطه مقارنه بالالتيما رجه بالقير على سرعات مابين 40 إلى 60 وصوت في المقود والسياره تهبط كثير من الخلف مع التحميل.
في الأخير ما في سياره كامله لكن هناك عيوب أهون من عيوب.