محتاج شوركم ياشباب

HMoooDy95


أشكرك اخوي ويآريت دوم سسعيد ..

أفدتني كثير..

عاشق السوبارو07

هلا بك اخوي ..حيآك الله ..

والله هو كان يبي التيما 2009 فل كامل مستعمل..ماكان طماع ..

لاكن انا رفضت والسبب نيسان وكيلها متخبط ..

ومافيني حيل اششتري موتر ويبلش بحلقي..

وآمآ الكآمري لو يقولولي خذها ب عشرة الاف ماشريتها ..

حنا مشكلتنا عيالنا ذابحتهم كلمة فل كامل ..

لاسمع سيارة فل كامل وحتى لو فيها قير ودركسون بس قال ابي الفل كامل..

وشآكر لك ..

إرستقراطي..

الله يرزقك يارب ب سسلة اولاد وبنات ..

لا مررة اكسنت 99 ههههههههه ..

وشآكر لك مرورك وأفدتني كثيراً وجهت نظرك ..

وردك صراحه حسسني اني مني مقصر بحقه حتى لو جبت له اكسنت 2012..

Hisham-ksa

هلا بك اخوي ..

والله ولدي الحمدلله واثق منه ..

سوآقتــه رآيقه.وممآيسسرع ..

ودآيم آحآول آحسسه آني وآثق فيه ..حتى يحرص اكثر واكثر..

بالنسبة لو إني بفتحله المجال فـ بيقولي أبي سيآرة بالملعونة واختها ..

الحمدلله ماتنقصني الفلوس..

بسس انا ابوة ماعمري شريت سيارة عدت الـ 60 الف..

اروح اشتريلة ب 100..!!

لني عارف سنة سنتين وابيعها أقل من نص قيمتها ..

وششآكر لك

]اغلب الشباب للاسف الي توه متخرج من الثانوي الاباء يحسبون انه طايش و م يستاهل ترا حنا الشباب نحب الشي الي نبيه دام اعرف ان ابوي مقتدر انه يشتري لي سيارة بحدود ال 90 الف او 100 الف عادي ترا و معروف الشباب اذا ابوه شراله الي يحب راح يهتم الا من رحم ربي

ثانيا انا ضد فكرة الي ابوه يشتري له يارس او اكسنت و طقتها الولد لازم يعرف قدرة ابوه وانت ي اخي الكريم كلم ولدك و قول له قدرتي مثل 80 الف م اقدر ازود اهم شي خله هو يختار و عطه شورك يسير لا يجيك يوم تخرب السيارة يقول انا قلت لك و كذا ثانيا انت مثلا حدد له قوله اشتري لك الفل بس لا تقرل بغيرها بعدين و كذا

اقول يالغالي
انا لو لي ولد ماشريت له الا اكسنت 99 و اركب له فيها شاشه وتخب
لو عندي ملايين :)


بصراحه اشوف ان المازدا الستاندر ممتازه
و الفروقات اللي بينها وبين الفل كامل هي كماليات غير مهمه

وطول اعمارنا نسوق بدون حساسات و ابشرك الفل كامل مابها حساس خلفي بس فيها كاميرا و حتى لو فيها حساس بيطفيه الولد صدقني لانه كل ما مر من عند سياره قام يصارخ الحساس و ابلشه و ازعجه !!


الستاندر فيها ست سماعات من شركة بوس ..تعتبر من افضل شركات أنظمة الصوتيات
و اشوف ان ست سماعات كافيه وممتازه .. الفل فيها 11 سماعه يعني المسألة مسألة فرد عضلات


اما الامان فالستاندر فيها نفس انظمة الامان اللي بالفل كامل
نظام التراكشن والاي بي اس وست ارباقات

و ايضا ً تشغيل بصمه ومفتاح نفس الوقت يكون داخل الريموت
و جنوط مقاس 17

اما الفل جنوط 19 ..و شف بعدين بكم حق الكفرات اذا جيت تغيرها تصلخ صلخ !!

وصدقني كلها خمس سنين ويغيرها ويبيعها رخص التراب وماراح تزيد عن قيمة الستاندر الا بألفين او ثلاثه و انت دافع فرق ثلاثين الف !!

المازدا خيار جدا ممتاز
ثبات
امان
تميز
عادة الشباب في سن ولدك
ما يبغون غير الكامري او التيما او ددسن للدرباوية
احي ابنك على ذوقه الراقي والله يعينك

ههههههه والله من جد ما الومه يوم قال ابي الفل عشان السماعات الجباره ..

انا معي المازدا6 2014 فل كامل , صراحه موتر خرافي وانا جدا سعيد اني اخترت المازدا ,
الاستاندر اهم مواصفاتها انها تشغيل بزر وفيها مانع انزلاق , بس مافيه فتح الابواب ببصمه ..
وعموما المازدا سيارة اعتماديه ورايقه بنفس الوقت , وانا انصحك بقوه انك تشتري له المازدا ,
فهي افضل سيارة بلا مقارنه تحت 70 الف من ناحية الشكل و المواصفات والاعتماديه والحجم ..

شآكر لكم مروركم أخواني..

والله ولدي متعلم وسسواق .وآنآ وآثق فيه وبسواقته ولا ماعطيه سيارة..

وهو متعلم له ثلاث سنين أو أكثر من ثاني متوسط وهو يسوق..

يروح مدرستة ويجي ويودي امه مشاوير خفيفه ..

طبعا علمتة على سيارة مستعملة ب 10 الاف ريال ..

وماقصر صدم ثلاث صدمات تقريبا :D

والآن له ماشاءالله سنتين ماصدم احد وانا وعدته اذا تحسنت سواقته اشتريله سيارة

الله يحفظ لنا اولادنا وبناتنا ..ويصلحهم لنا ..

شآكر لكم

السلام عليكم

اتفق معاك
كلنا تعلمنا على سيارة مستخدمة وصدمنا ولما تمكنا من السواقة اخذنا سيارات جديده
المازدا سيارة رائعة لكن كاول سيارة يستخدمها بهذا السعر ارى انها كثيرة
والمشكلة لو اخذت له سيارة مايبيها راح يهملها
الله يعينا واياك على تربية الابناء والله يصلح حالنا وحالهم
حاول معاه لو لاول سنه تاخذله سيارة يمشي حالة فيها ومنها يبين المشاكل المصنعية للمازدا الي تصلح باي سيارة في اول اصدار وتنحل
بالتوفيق

اول شي ولدك صغير والله يحفضه لك

اذا كانت اول سياره يسوقها فانصحه بسياراة الصغيره زي الانترا والاكسنت واليارس الخ...
لحد مايتعلم عليها اكثر ويصدم فيها مافي مشكله .. ولو تشتريله بعد مستعل دام انه في بداية مشواره يكون افضل وافضل .

المازدا ماراح تصلحله لانها طويله وعريضه على شخص بعمره وسعرها مرتفع .

او انصحك تنتظر مازدا 3 2014 قريبا بتنزل بسوق وسعرها معقول وشكلها جديد.

هاذا رايي

والله المازدا حلوة واسعارها حلوة وكمان قطعها
انصحك بعروض رمضان
والله يسخرلك الشي الطيب

ششكرا لك اخوي..ويعطيك الف عافيه ..

عارف انا ان بها مواصفات كثيرة ..بس صعبه اشتري سيارة لولد ب 100 الف..


عاد بيني وبينك..

انا كان ودي اخذله يارس بس هو رافضض بشكل فضيع هههههههههههه ..

وخيرتة بين الالنترا والمازدا ..

والله الفولكس واجن جيتا اعرفها سيآرة وسقتها فعلاً فعلاً..فوق الوصف..

وماكنها سيارةة صغيره من الفخامه الي فيها ويكفي انها الماني..

بس المشكلة قطع الغيار ..ماتحصلها وان حصلتها سسعرها زي اللهب

والماليبو مادخلت راسسي والله ابد

وششآكر لك مرورك..