استفسار عن التأمين تكفون

Fsn007 @user_294846 · 31-07-2013

السلام عليكم ورحمة الله وبركاته
ياشباب انا طلعت موتر تورس sel2 2013 جديد وحاب اسوي عليه تأمين شامل لأني سمعت ان قطع غياره الخارجيه اسعارها فلكية عشان كذا قلت اسألكم افضل وارخص شركة تأمين شامل وبخصوص العمر انا ما ادوي الشركات تحسب الاعمار بالهجري والا الميلادي ؟؟ لأني بالهجري كمل 25 وبالميلادي باقي 4 شهور وسلامتكم

Fsn007 @user_294846 صاحب الموضوع · 31-07-2013

الله يسعدك يا شيخ طمنتني بس قالوا لي فيه تأمينين واحد تصليح في الوكاله وواحد بالورش وانا ما تفرق معاي الا بالقطع اهم شي اصلي فحبيت استفسر ايهما افضل وسلامتكم

DENZEL @user_176961 · 31-07-2013

السلام عليكم

اولاً : ألف مبروك السيارة واحسنت الاختيار اخي العزيز , والله يبارك لك فيها .

بالنسبة لشركات التأمين الأفضل بلا منازع في المملكه هي : التعاونية .

صحيح اغلى من غيرها لكن ميزتها أفرعها بكل مكان وخدماتها افضل + الشيك يطلع لك في 3 ايام . بعض الشركات الرخيصه تصير مماطله وتأخير و سالفه طويله . وان شاءالله ما تحتاج هالامور .

وسالفة العمر انا استفسرت من موظف التعاونية قبل 4 سنوات قالي احنا ميلادي . الدولة هجري . لازم تسئلهم وتتأكد منهم .

والله يوفقك