حبيت اليوم اكتب تقرير عن تجربتي لسيارتي سوبارو ليجاسي موديل 2008
السيارة ممتازة جدا وتتحمل المشاوير. ممشى السيارة وصل 129000 KM
عملت لها صيانة فقط لما وصلت 100 ألف !
الخرابات الي واجهتني طول الخمس سنوات اشياء استهلاكية مثل القماشات المساعدات الامامية وجلد المقصات. وتم تبديل الجنزير في صيانة ال100 ألف وزيت القير في الوكاله فرع الخبر. وعلى فكره تبديل الزيت ابدله في الوكاله.
ايجابيات السيارة:
1-ممتازة جدا في المشاوير واستهلاك البنزين وجربت هالشي اكثر من مرة لان رحت بها المدينة المنورة و الامارات والكويت وقطر.
2-التكييف 100% ولازال كما هو.
3-قلة الاعطال وهذا شي يدل على جودة التصنيع.
4-ديكور السيارة مازال متماسك ولا توجد اي اصوات برغم من ان اوقف السيارة برا البيت في الشمس لان ماعندي كراج وديكور السيارة لونه أسود ومع ذلك ماتغير :xyxthumbs:
5- لايوجد تنسيم هواء في سرعة 120 KM. وانا على فكرة 120 هي اعلى سرعة جربتها. لست من هواة السرعة :bigggrin:
نجي الحين للعيوب :bigggrin:
1-السيارة نازلة بحيث انك لو طبيت في حفرة او حاشتك مطبة تحس الضربة قويه حتى لو كانت حفرة صغيرة واتوقع هالشي من الجنوط.
2-الأسيات (الكراسي) الخلفيه ضيقة ماتناسب طويلي القامه.ولو تقران السيارات اليابانية الثانية راح تحس بالفرق مثل الاكورد ولالتيما والكامري.
3- الشنطه ليست واسعه والي مضايقني اكثر ان الكراسي الخلفيه ماتنطوي. ولاحظت فرق جربت سيارة اخوي مازدا 6 موديل 2007 اوسع في الخلف والكراسي تنطوي وهذا شي جميل :xyxthumbs:
4-سماعات المسجل ماهي ذاك الزود.
طبعا كل هذي العيوب تم تلافيها في المديلات الجديدة :xyxthumbs:
اتمنى ان التقرير يعجبكم واتركم مع الصور :rolleyes1:
كلمة أخيرة أنا افكر أخذ سوبارو أوت باك 2013 لأن محتاج الى سيارة عائلية وماراح اخذ الا السوبارو من واقع تجربتي له لمدة خمس سنوات.
فهل تنصحوني بشي ثاني ؟ لان ما اشوف السيارة في الشارع نهائيا !
