احتمال الفرع هذا ما عليه ضغط
أو اداره فرع طريق المدينه فيها مشكله
الصراحه السياره منتشره و هذا من الاشياء اللي تخليني افكر فيها جدياً بس الحين خايف من الصيانه لأن اذا المبيعات كذا اجل كيف الصيانه ؟
راح احاول اليوم اجرب السياره و اذا لقيت نفس تعامل امس ... بالنسبه لي ما عاد اقرب من الحاج حسين و احطها جنب تويوتا و نيسان
أخوي الكريم بالنسبة لتعامل الموظفين فأنا دخلت ثلاث فروع للحاج حسين رضا . وهي فرع عنيزة بمنطقة القصيم وفرع طريق خريص في الرياض وفرع الدريهميه طريق الملك فهد بإتجاه جنوب الرياض.
وأكيد فيه تفاوت بالنسبة للتعامل.
اولا بمنطقة القصيم الموظف متكي بالاستراحة والفرع فاضي واول ماشافني جاني ركض وعرفني على السيارة والمواصفات ودخلني جوا لمنطقة التشييك على السيارات قبل التسليم يوريني بعض الالوان والمواصفات اللي ماهي معروضه عندهم في المعرض. وكان الموظف حبيب ووجهه بشوش .
ثانيا فرع خريص كان زحمة والموظف واحد وواقف في وسط الصاله يجاوب على هذا ويرد على ذاك . صحيح كان وجهه مكشر ولا فيه ابتسامة وعاقد الحجاج ولكن يجيب على تسألك وتحسه يبي يخلص منك بسرعه ويشوف اللي بعدك وانا مالومة من كثرة الناس عليه.
ثالثا فرع الدريهمية هذا الفرع اللي اخذت منه موتري وكان التعامل ممتاز وزحمة الناس اقل من فرع خريص .
واخيرا الشركة تتصل فيك بعد استلامك للسيارة ويشوفون تقييمك لموظفي المبيعات وتعامل الفرع واجراءات التسليم وهل كان فيه تأخير. والحق يقال والله اتصلوا اول يوم ولا رديت وثاني يوم كذلك لانهم اتصلوا الصباح وكنت نايم . واليوم الثالث رديت وقيمت مندوب المبيعات اللي تعاملت معه واعطيته التقييم اللي يستحقه.
.
واعذروني على الاطاله بس شفت النقاش عن هالموضوع فحيت اذكر اللي صار معي من باب انصاف من له حق.
