السلام عليكم
هذه اول مشاركة لي في المنتدى وأريد مشورتكم ونصائحكم
حاليا انا محتار في شراء سيارة مازدا cx9 14 طبعا لا يوجد فرق بينها وبين موديل 13 فقط شكل الجنط على كلام الموظف
أريد السيارة فل كامل وعندي بعض الاستفسارات
1- أنا صاحب سفريات كثير كل نهاية اسبوع اطلع من الرياض للقصيم وارجع مع بداية الاسبوع على مدى ثلاث سنوات سابقة
فهل السيارة راح تتحمل كثرة المشي على مدى اربع سنوات قادمة .... يعني انا اقطع كل اسبوع 1000 كيلو وكل شهر 4000 كيلو . تتوقعون السيارة راح تصبر معي ؟
2- كم علبة تزيت تحتاج السيارة ؟ وكم سعر فلتر الزيت في الوكالة ( السيفون ) ؟؟
3- بما إن جنط السيارة مقاس 20 كم سعر الكفر الواحد صناعة كورية درجة أولى ؟؟
4- جهاز الملاحة هل هو عربي ام انجليزي وهل استخدامة سهل ؟؟ وماهي الخرائط اللي فيه ؟ هل يوجد دول الخليج ؟
5- كيف صرفيت البنزين ؟ انا حاليا املك هوندا اكورد اطلع من الرياض للقصيم امشي بسرعة 160 واصل والبنزين فوق النصف فهل راح يكون هناك فرق كبير
6- هل الردار اليمين واليسار يعمل على طول أو يوجد زر له ؟
7- سمعت أنه يوجد عيب في السيارة ألا وهي إنه عندما تتطفئ السيارة يعمل المكيف الامامي والخلفي فهل هذا موجود حاليا في السيارة ام في المديلات السابقة؟
اعرف ان استفساراتي كثيرة ولكن تحملوني لاني محتار بين هذه السياراة وبين اليوكن والتاهو
حياك الله معنا وبين اخوانك
وراح اجيبك على قدر معرفتي واذا فيه احد من الأعضاء لديه زياده معلومة او اضافة لا يبخل علينا .
1- الله يعينك على هالخطوط بس اذا متعود على سرعات فوق 160 شيل السيارة من راسك اذا تبي موترك دفع رباعي. وهل هي تصبر على الخطوط اتوقع 4000 شهري ماهي مسافه كبيرة يعني في اربع سنوات حوالي 200 الف اذا بتحافظ على الصيانه وتهتم في الموتر لاتشيل هم.
بس دام انك راع سفر اسبوعي فكر في العزل فكر في ثقل الموتر فكر في البنزين والصرفيه فكر في الصيانه. والسيارة من هالناحية ممتازة
يعني هذي اهم من انك تفكر هو بيصبر او لا. وماتوقع فيه سيارات ماتتحمل الخطوط والكرف في هالديره الا السيارات الصينيه . والله اعلم
2-الزيت والله ماسألت عنه لاني لسى الموتر مامشى 5000 اذا جاء موعد الصيانه راح اوديه يغيرون زيته وراح اسأل عن نوعية الزيت وقيمة السيفون وعدد العلب . لان احتمال يجيلك ايام وانت بعيد عن الوكالة والصيانه. والموتر يحتاج تغيير زيت فعشان كذا لازم يكون عندك اقل شي معرفه وعلم وهالنقطة مهمه جدا.
3-سعر الكفر ماعندي علم اذا احد الاخوان يفيدنا عن هالنقطة.
4-برنامج الملاحة عربي قوائم وتوجية وكل شي فيه سهل. اما خرايط دول الخليج والله ماجربت ابحث فيها لكن أتوقع لان السيارة بمواصفات الشرق الاوسط والخليج خصوصا فأتوقع أنها موجوده .
5-البنزين اذا التانكي على الزيرو تفلل ب 40 ريال 95 طبعا ويكتب في شاشة المعلومات يمشيك فوق 630 كلم بس حط في بالك انه 500كلم على حسب ظروف القيادة .وانا عندي كامري واعبيها 91 وافلل ب 27 ريال اذا التانكي فاضي وتمشيني 500 كلم يمكن علشان كذا حسيت بالفرق في دفع الفلوس عند التعبئة لكن انت احسب فرق السعر بين النوعين واحسب ان السيارة 6 سلندر وحجم أكبر وكل السيارتين يمشوني نفس المسافه بتانكي واحد.
6-مافهمت عليك من ناحية الرادار اللي يمين ويسار. اذا تقصد استشعار الطريق فيه نوعين استشعار للسيارة إللي امامك واستشعار المسار اللي تمشي فيه. وبينتها في الصفحات الاولى بمقطعين فيديو وكل وحدة تقدر تطفيها لوحدها او تطفيهم جميع.
7- عند تشغيل المكيف في الامامي يشتغل الخلفي بس له زر عندك تطفيه على طول او تطفيه من نفس المكيف في الخلف. واذا فيه اعدادات له انه لما تشغل المكيف الامامي مايشتغل الخلفي فأنا ماعرفها اذا احد عنده علم يفيدنا.
وحياك الله واعذرنا على القصور في بعض الاجابات هذا للي اعرفه ونشوف تعليقات الاخوان أصحاب السيارة
