أحتاج نصيحتكم بخصوص باسات 2013

farido @user_284738 · 14-09-2013

السلام عليكم
ما رأيكم بالباسات 2013 ؟
اليوم رحت المعرض وشفت السيارة وعجبتني بصراحة.. وخاصة سعرها المغري
قالولي السيارة صناعة أميركية
أحتاج إلى نصيحة الخبراء والمجربين.. ورأيكم عن الوكيل وخدمة الصيانة
ومشكورين سلفا

mdosary @user_295883 · 27-10-2013

سياره رائعه مواصفات وسعر وتجربة قياده، قاسيه في المطبات والحفر وعيون القطط ولكن ممتعه، عيبها الرئيسي الوكيل (ووكيل سيء جداً جداً جداً) ومواعيد الصيانه اقرب موعد عنده خلال شهر، وصيانة ال 60 ألف فعلاً تكلف قريب ال 5 آلاف ريال نصها شغل يد والنص الباقي قطع غيار.

Alkutbi-gt3 @user_294317 · 16-09-2013

صيانة القولف الجيتي اي التيربو اللي نفس مكينة الباسات دفعت ٣٢٠٠ درهم لصيانة ٦٠ الف كيلومتر والسيارة خذت يوم واحد فالوكاله باقي الصيانات فنفس اليوم تخلص بخصوص القطع تطول معاك الحين ماشي ٧٠ الف وبعده السفايف فيها النصف

DRcorolla587 @user_96384 · 16-09-2013

خدمة مابعد البيع ممتازة في أول ثلاث صيانات ، اللي هي المجانية.

لكن اذا سيارتك فيها مشكلة لا سمح الله هنا راح تتعب معاهم شوية وماتاخذ حقك الا بالشد والجذب.

ونصيحة لك روح الصيانة وأسأل عن صيانة ال60 ألف للباسات كم ؟ لانها اول صيانة تدفع حقها انت.

لان الجيتا اللي هي اصغر من الباسات سعر صيانة ال60 ألف حول ال4500 ريال وباقي الصيانات تكون ارخص .

farido @user_284738 صاحب الموضوع · 15-09-2013

مشكورين يا غاليين.. ولكن ماذا عن مصداقية الوكيل وقطع الغيار وخدمة الصيانة وما بعد البيع؟

Concept-Design @user_291187 · 15-09-2013

سيارة رائعة ..

والشيء الحلو فيها فعلا رحابة المقصورة الداخلية ..

والله يكتب لك اللي فيه الخير ،،

Majed GT @user_259497 · 15-09-2013

أخوي توكل على الله و خذها
من أكثر ما يميز الفولكس واجن هو متعة القيادة.

DRcorolla587 @user_96384 · 15-09-2013

وعليكم السلام

الباسات رائعة بمواصفاتها وسعرها ، واخذت لي فيها تجربة من الوكالة وكانت مريحة وعزم المكينة ب5 سلندر جيد جدا، ولكن الشيء

الوحيد اللي ضايقني هو قساوتها على الحفر فقط، ولكن في الخط راسية ومريحة.

ونصيحتي لك خذ لك تجربة فيها والافضل تستأجرها يومين ثلاثة وتحكم عليها.

بالتوفيق