مقبل ع شراء كلايسلر 300c وابي نصيحتكم

f.f @user_93026 · 23-09-2013

حياكم الله ...
قبل امس رحت للمتحدة بالدمام اسال عن كلايسلر 2013 وماقصرو عرفوني بالانواع والاسعار
المهم اني قررت اخذت فئه 8سلندر جنط 20 ب158
طبعا هي نفس مواصفات السته فل اللهم هالفرقين " الجنط والمكينه '... والفرق بالسعر تقريبا 10الاف
المهم ابي رايكم
بالسعر ؟
وهل شكل 2014 بيتغير هههههه مابي انجلط بعد شهر شوي يتغير الشكل
وسلبيات الفئه هذي من ناحيه عزل او صرفيه بنزين... الخ كل واحد ورايه
وشاكر لكم مقدما ... والله يعطيكم العافيه

f.f @user_93026 صاحب الموضوع · 29-09-2013

p

pac-man

من اللي يقول ماهي خدومه

أخوي لا تصدق كلام ناس ما جربوا السياره

انا عندي 2 2008 و 2013 ال 2008 اس ار تي 8 وال 2013 6 فل

كلها ما عليها كلام ولا تقول شي سيارتي 2008 ما طلبت غير الفرامل والكفرات

والثانية توها جديده وماغطها بمشوارين لجيزان ولا قالت اح

توكل على الله وخذ السياره اذا راقت لك ما عليك من احد

وبالأخير السيارات كلها حديد وكهرب يعني انت ورجلك

الله يعطيك العافيه .. كلامك يطمن الواحد دامك من اهل الخبره ، لكن بالنسبه لاسعار صيانتها بالوكاله هل هي مكلفه ؟
يقولون ولو انني مو مصدق يوصل غالبا صيانتها ل3000 بالوكاله طبعا ؟!
واذا ما ناسبتني اسعار الوكاله مستقبلا وين ممكن الواحد يوديها "خبر او دمام "

صراحه عشقي هالسياره لكن ما ودي العن اليوم اللي شريتها فيه .. او تقص ظهري صيانتها

pac-man @user_178758 · 29-09-2013

من اللي يقول ماهي خدومه

أخوي لا تصدق كلام ناس ما جربوا السياره

انا عندي 2 2008 و 2013 ال 2008 اس ار تي 8 وال 2013 6 فل

كلها ما عليها كلام ولا تقول شي سيارتي 2008 ما طلبت غير الفرامل والكفرات

والثانية توها جديده وماغطها بمشوارين لجيزان ولا قالت اح

توكل على الله وخذ السياره اذا راقت لك ما عليك من احد

وبالأخير السيارات كلها حديد وكهرب يعني انت ورجلك

f.f @user_93026 صاحب الموضوع · 26-09-2013

هي نفسها صارت الحين ب 158 ... في احد يعرف متى يتنزل 14 بابضبط وكم بيكون سعر نفس الفئه !!

السلطآآآن حسن @user_218955 · 25-09-2013

اذكر شفتها برمضان او قبل بشهر 8 سليندر ب 171000
سياره شكل فخم شجدا و الداخليه راقيه و اللي يذبك فيها احصنتها جباره و سعر ممتاز
لو بتشوف لك شركه فخمه مثل مرسيدس ب مثل الققيمه تجيب لك 4 سلندر !!
اشوفها منتشره بالشرقيه كثيير و هذا مايدل ع فشل السياره !!!
انصحك بها سياره و نعم و اذاتزيدها 225000 تاخذ لك SRT8
بتسارع 4.5 لل 100 شي خيالي

f.f @user_93026 صاحب الموضوع · 25-09-2013

مشكور مجنونها على الرد والمعلومات .. الله يعطيك العافيه
كلامك سمعته اكثر من واحد للاسف
صراحه سياره عجابتني من كل النواحي ولا لي خاطر بيغيرها حاليا
ما بقى من موديل 2013 الا الالوان الخايسه
اذا السياره بتخدمني 5سنوات فا اشوفها مرضيه
الظاهر بنتظر موديل 14 والله يكتب مافيه الخير

مجنونها 2003 @user_30702 · 25-09-2013

أخوي الله يكتب لك مافيه الخير

السيارة قوة وهيبة وكشخة ومواصفات حلوة بالنسبة لسعرها قبل فترة نويت أشتريها وما ملى عيني من السيارات غيرها

وكنت متردد بينها وبين الجينسس وطلبت استشارة وقتها بقسم مقارنة السيارات ،

وصرفت النظر عنها والسبب ضعف الجودة وغلاء القطع وصيانة سيئة لأبعد حد وقلة من يعرف صيانتها وانخفاض سعرها عند البيع

لحد يجيني مدرعم الحين ويقول كلامك غير صحيح ،

أخذت كلام ناس مجربة وناس مختصة

أحد زملائي معاه كرايسلر موديل 2006 وطلبت نصيحته وقال ( انحاااش ) دفعت اصلاحات في السيارة 28 ألف وهو يبي يبيع الحين

مهندس متخصص بالكرايسلر والدودج بمكة طلبت نصيحته

وقال لي السيارة حدها5-7 سنوات وعلى حسب الاستخدام ( يعني ماهي خدومة )

وأخيرآ أحد معارفي شغال بشركة المتحدة بجدة

قال لي ما أنصحك فيها لأنها حساسة وجودتها ضعيفة ولا تتحمل شوارعنا

المعذرة على الاطالة لكن حبيت أفيدك

haimas @user_296173 · 24-09-2013

الله يوفقك و الكلايسلر شكل خارجي وحش ماشاء الله

الأسعار نار @user_294418 · 24-09-2013

أكبر التوقعات 8 سرعات على V8 في موديل 2014 مثل الجراند شيروكي الجديد ...

و غير متأكد من المعلومة

لكن ما يمنع إن الموتر اللي تبيه وحش وحش وحش بما تعنيه الكلمة

بالتوفيق و الله يبارك لك فيه و يحميك من شره

f.f @user_93026 صاحب الموضوع · 24-09-2013

الله يعطيكم العافيه عع الردود ..
بس ياليت لو تفيدوني بالسلبيات
من ناحيه قطع الغيار والاكسسوارات و غيره ان وجد
شاكر لكم

ZEZ00-7 @user_288217 · 24-09-2013

على البركة الملككة ,وعسى الله يعطيك خيرها ويكفيك شرها ..

بالنسبة ل 14 ما راح يكون فيها تغييرات ولكن 15 راح يكون فيه تغيير بسيط فيس لفت واسطبات وجنوط الخخ.

Cefiro @user_19734 · 24-09-2013

2014 نفس 2013 ولافرق برغي واحد
التغير ان شاء الله موديل 2015 ينزل قير 8 نمر بدل الخمس وتعديلات (شد وجه)