خبطت مكينة الكامري 2013

ام الاشبال @user_296857 · 31-10-2013

السلالام عليكم ورحمة الله
سؤال للجميع وخاصة اصحااب الخبرة

اشتريت كامري 2013 وبعد شهرين صار فيها ثقب(( بالكلبليتر ))اتوقع كذا اسمه
المهم تسرعت وصلحته بورشة عادية لاني كنت مسافرة
وبعد فترة استخدام 7 اشهر والله بدون اي سبب وانا متاكدة من هالشي لان السواق مايروح فيها الا انا معه ....خبطت الماكينة :c0038:
رحت للوكالة اللي هي تويوتا عشان يصلحونها رفضوا:mad1:
حسبي الله ونعم الوكيل
الحين انا مستمررة بسداد الاقساط والسيارة متعطلة ورافضين اي تصليح
ابي حللللللل تكفووون

lami @user_33191 · 14-11-2013

الله يكون بعونك و يعوضك خير

حاولي بكل السبل ان تقنعي الوكالة بالتصليح قدر المستطاع
الحل الآخر البحث عن مكينة نظيفة من التشاليح
الحل الأخير ان تذكري مدينتك لكي يرشدونك الاعضاء بالذهاب لورشة مناسبة و مضمونة كي يتم التوضيب

موفقين

Yhmk-Amry @user_297110 · 13-11-2013

اختي يحق لك مطالبه الوكاله اذا كانت بنظام التاجير مع شركه المتحده للتقسيط التابعه لعبداللطيف جميل
ومنتظمه بالسداد والصيانه
وشامله للضمان الي هو 100000 كيلو او ثلاث سنوات
للتوضيح اكثر الصيانه تكون شهرياَ في الوكاله ؟
كل 5000 تغيير الزيت مع التشييك الي هو نظام شهر عليك وشهر علينا
غير ذلك اذا ماكنتي تودينها الوكاله اتوقع ان لهم الحق في رفض اصلاحها

اما في حاله انك منتظمه في ما ذكر
تقدرين تودينها الوكاله وتدخلينها الصيانه من دون ذكر ما حدث لها
او الاصلاحات الي قمتي بها خلال سفرك
او غيري الفرع الي وديتي سيارتك له
وان قبلوا باصلاحها اطلبي تغيير السياره باكملها لانها مصيبه 2013 ومخبطه
وتفك مكينتها وتبدا خرابات ومشوار طويل الله يبعده عنكم
بالتوفيق

speeed1 @user_47102 · 11-11-2013

اشتكي وزارة التجارة

مع ان اذا كان السبب سوء صيانة من الورشة فالحق مع الوكيل

محمد الحربيِ @user_141158 · 04-11-2013

f

fhad2007

الله يعوضك خير وقولي الحمد لله ... ارواح راحت والحديد يتعوض

الافضل تركبين مكينه من التشليح ... السيارات واجد هناك .. خلي احد من اقاربك يدور مكينه مناسبه ويعطون ضمان عليها ... وياخذها من بطن السياره وليس مفكوكه عشان تضمنين انها غير موضبه من قبلهم ... بس مادري عن ضمان ابو جميل هل سيتوقف اولا ؟ وهل بيعرفون اساسا ان المكينه مبدله او لا ؟

بدون اي شك سيلغى الضمان وسيعلمون بالتغيير ولكن هذه انسب طريقه في نظري لأن الموديل حديث جداً ولكن قبل كل هذا تذهب لوزارة التجارة لعلل وعسى ان يكون لها ظهير منها والا فالحل المذكور في رد اخي هو الانفع في نظري ومن ثم البيع وشراء سيارة بإقل قيمه منها والخروج بأقل الخسائر وكان الله في عون الجميع

fhad2007 @user_69277 · 04-11-2013

الله يعوضك خير وقولي الحمد لله ... ارواح راحت والحديد يتعوض

الافضل تركبين مكينه من التشليح ... السيارات واجد هناك .. خلي احد من اقاربك يدور مكينه مناسبه ويعطون ضمان عليها ... وياخذها من بطن السياره وليس مفكوكه عشان تضمنين انها غير موضبه من قبلهم ... بس مادري عن ضمان ابو جميل هل سيتوقف اولا ؟ وهل بيعرفون اساسا ان المكينه مبدله او لا ؟

traveller @user_2048 · 04-11-2013

اشتكيهم في وزارة التجارة ادارة مكافحة الغش التجاري وهم يضبطون امورك انشاالله ومايضيع حق وراه مطالب اجراءهم بسيط صورة بطاقتك+ استمارة السيارة وتكتبين خطاب عندهم وهم يقومون بالباقي الله يكتب لك التوفيق.

firebleed @user_4432 · 04-11-2013

معليش طولنا السالفه
رجع السياره للوكاله وخلهم يبدلونها لك بموديل جديد 2014 او سياره اقل مواصفات او حجم اصغر يارس مثلا والله يعينك تدفع الفرق السعر

وانحش عن التصليح لانه ياخد وقت طويل وقطع ممكن مش متوفرة وسعر عالي ورح وتعال وظمان ابوكلب ويمكن تخرب بعده بفتره

السواق ما ينفع له الا سوبر موديل قديم لين يتعلم زين وتثق في سواقته بعدها تشتري له سياره جديدة ادا ما نحاش طبعا
ههههههههه

أسـامـة @user_150240 · 03-11-2013

اذا بغيتي تبيعنها على حالتها الراهنه والسياره باسم الوكاله انشري اعلان في المنتديات المهتمه في شراء السيارات وافضلهم موقع حراج
طبعا فيه شروط لتقبل الشركه ان ينتقل التقسيط منك الى شخص اخر من اهمها يكون موظف في نفس المدينه الي طلعتي منها السياره ..

ثاني شيئ هذا سواقك خليه ماعاد يطلع فوق الارسفه بالسياره لانها تشق بطن السياره وثم تهرب زيوت

altimaemh @user_282620 · 03-11-2013

^^^ ﻻكن راح تدفع قيمة مكينة جديدة وشوف كم قيمة الوكالة للمكينة

عبدالعزيز 8 @user_231972 · 03-11-2013

اذا كنتي شريتي السيارة بنظام الايجار المنتهي بالتمليك فاعتقد ان ارجاعك للسيارة لهم وعدم سداد أي دفعة ترجع السيارة للشركة وتحسب المدة اللي اخذتيها ايجار
والشباب يصححون لي اذا كنت غلطان

ام الاشبال @user_296857 صاحب الموضوع · 03-11-2013

جزاكم الله خير اخواني ماقصرتوا
الله يكتب لي ولكم الخيرة وين ماكانت
سبحانك اللهم وبحمدك اشهد ان لااله الا انت استغفرك واتوب اليك

ام الاشبال @user_296857 صاحب الموضوع · 03-11-2013

جزاكم الله خير اخواني ماقصرتوا
الله يكتب لي ولكم الخيرة وين ماكانت
سبحانك اللهم وبحمدك اشهد ان لااله الا انت استغفرك واتوب اليك

rahall @user_52502 · 03-11-2013

للأسف مكينة جديده موديل 2013 وتخبط أمر محزن جدا
السائق قاعد يتعلم على السياره وغشيم جدا والمكينه صارت هي الضريبه
فيه لمبة زيت وفية عداد حرارا وفيه كبوت يفتحه ويشيك على الزيوت ولا جلد ماهو جلدك حكه على الشوك
قدر الله وما شاء فعل وعوضك الله بخير
أنصحك بعدم البيع التأكد أولا من تخبيط المكينة تماما في أكثر من ورشة
توضيب المكينه لدي ميكانيكي بارع أفضل من إستبدالها خصوصا المكينه موديل حديث
وبالتوفيق

altimaemh @user_282620 · 02-11-2013

لو رجعتيها للشركة راح تدفعك قيمة استهلاك وقيمة مكينة جديدة ( يعني سعر وكالة غالي )
الحلول :
اما يتم توضيب المكينة واتوقع لايقل عن 8000 ريال
او تغير مكينة من التشاليح
وانا اشوف الأفظل تشوفي اسعار القطع بالكامل لتوضيب مع أجرةالمكيانيكي
ومقارنتها مع سعر مكينة جاهزة من التشليح
ووقتها تشوفي الي اوفرلك وارخص
بالتوفيق

ام الاشبال @user_296857 صاحب الموضوع · 02-11-2013

جزاكم الله كل خير
لاخلا ولا عدم نعم الاخوة
بس سؤال لوسمحتوا
كيف ممكن ابيعها وهي للحين مانقلت باسمي لانها باسم تويوتا
او قولوا لي افضل حل
مع شكري ودعواتي بالتوفيق لك من شارك برأيه

altimaemh @user_282620 · 02-11-2013

مشكلة الكارتير المنيوم ولحام اﻻلمنيوم خاص ماهو اي لحام والشركة من حقها ترفض تصليحهاعلى الضمان ﻻن مشكلتك تدخل من ضمن اﻻهمال من قبل العميل وانا بصراحة لو كنت مكانك اغير غطاء الكارتير وﻻ حتى الحمه لحام المنيوم

firebleed @user_4432 · 02-11-2013

التأمين للحوادث لاقدر الله وليس لاعطال السياره الميكانيكيه
وبالنسبة للمكينه الله يعينك وتركب وحدة جديدة او مستعمله اوفر لك لان تصليحها بيكلف مبلغ
اتوقع سعر المكينه مستعمله بحدود 12 الف ومن غير ضمان
الله يعوضك

الـتـيـمـا @user_219113 · 02-11-2013

لو مالقيتي اي وسيله لاخذ حقك مالك الا مكينه جديده او تبيعين السياره وتشوفين غيرها مع الاستمرار بالسداد

الخيره في ما اختاره الله

الله يعوضك خير

الشغل في المغل @user_244622 · 02-11-2013

اختي
اذا كان التأمين شامل
فأعتقد بأنهم مرغمين على تصليح السياره
الا في بعض النقاط مثل (التفحيط وقطع الاشاره والعكس هذه الامور لا تدخل ضمن التأمين)هذا للاضاح فقط

واذا استدعا الامر شوفي لك محامي ,,

ادخلي على هذا الرابط قد يفدك
http://www.assayyarat.com/forums/thread266724.html