اهلا وسهلا بك في المنتدى العريق
وان شاء الله محد مقصر معاك
من تجربتي الطويله في الماليبو باقولك هالكلام وتاكد انه من تجربة شخصية مني
وصور الماليبو سيارتي تبارك الله
اولا كنت مالك للكروز ثم للماليبو 2010
هي سيارة فيها مشكلة ان البدي ماهو متناسق وزنه مع الشاسي ومسبب مشاكل في الثبات وكثيره المشاكل الي ظهرت لي من بداية 10 الاف حتة 130 الف
من حساسات وقير وكراسي وحراره وكفرات وحذفه وايرباق وضفيره وغيره الكثير
بعدها الماليبو 2013 فئة الفاخر
ماشية حاليا 41 الف تقريبا
ابرز المشاكل المصنعية الي تم حلها حاليا
كان فيه تنسيم في بلوف الكفرات والحين بعد مراسلة GM تلافوه وجابو بلوف اعرض وحلوها جميع السيارات مافيها هالمشكلة الي جات والي عنده اول مانزلت على الضمان يركبونله الجدد مجانا.
ثانيا تاخر في الساعه كم دقيقه كل شهر
تحديث الشاشة والكالبيوريشن وتحديث نظام النفقيشن
بعد مخاطبة GM الشرق الاوسط في دبي
قررت الوكاله ارسال تقارير للشركة الام برقم الشاسي ورقم البن لرادو سيارتي
وطلب تحديث لنظام الخرايط والشاشة
من مندوب GM في شركة باناسونك المصنعة للشاشة
وردو بارسال التحديث لمركز صيانة الجميح خريص خلال وقت قريب بيوصل وبيستدعونني
وبيكون متوفر لكل سيارات ماليبو ليس فقط لسيارتي وان شاء الله بيكون الخبر هنا في المنتدى اول ما احدثها
فقط هالحاجتين
وفيه قساوة في كفرات برجستون الي تجي مع السياره حجر ومخلين ضغطها 40 عيون القطط تحسها بسبب الكفرات
انا مغيرها ل برللي فئه عليا وماشاء الله ناعمة وهادية وعزل ممتاز وعيون القطط شبه معدومه
هاذا الي ظهر خلال هالاربعين الف ماجاتها اي مشكله فقط بنزين وزيت وصيانة
اما من ناحية القوة فلا تشيل هم ااخذ لك سته سلندر 3.0 محرك LF1
لانها مكينة كدلك cts محسنة من الشركة الام GM
بقوة حصانية 260 حصان والتورك290 واقتصاد عالي في البنزين
بالذات في الخطوط
الاربعه سلندر استهلاكها عالي اكثر من السته وهاذي مشكله اعترفت بها الشركة وحسنو المحرك واضافو ميزة التوقف التلقائي في موديل 2014 في الاربعه سلندر.
بزيادة النقطة العمياء في 2014 في كل من 4 و 6 سلندر
نجي للكامري والماليبو
تفوقت على الكامري
وتفوقت على منافسينها :bigggrin:
ماليبو
اختها الكبرى الامبالا
ومحركها الام الاكبر الكدلك cts 3.6
نجي للشكل الامامي للكامري glx والماليبو
:c0214:
الشكل الخلفي
طيب نشوف الجانبي
الداخلية
:rolleyes1:
بسم الله ماشاء الله تبارك الله
واضح من الافضل في التصميم
نجي للمحرك 6 سلندر
الماليبو 3.0 LF1 بقوة 260 حصان والتورك 290 معدل RPM 6900
الكامري 3.5 --- بقوة 268 حصان والتورك 336 معدل RPM 6200 اصلا مايجينا السته
مع ان المحرك 3.0 للماليبو يعطي قوة مشابهه جدا لل 3.5 الكامري و تتفوق عليه استهلاك البنزين
مع اقتصاد اكثر للبنزين من الكامري.
الفئات
LS سياحي كفرات طيس 16
LT نص فل كفرات 17 جنوط
LTZ1 فل كامل
جنوط 18 بدون كاميره خلفيه + زينون اوسورام بلوتوث وغيرها
LTZ2 الفاخر
جنوط 18 + جميع المميزات + كاميرى خلفيه وزينون ودخول ذكي لكل الابواب وتشغيل بدون مفتاح واقفال وخروج بدون مفتاح نور تلقائي الوزن فتحة سقف خرائط مدخل يو اس ابي ومدخل aux زر لفصل التراكشن الانزلاق تبريد وتدفئة تحكم بالمناخ للراكب لحاله والسايق لحاله وغيرها الكثير
حاليا عرض عليها ب 97 الف
اول مانزلت ب 105 شريناها
للمعلومية بتجيك شبك اسود ومرايات ماهي كروم وبدون لمبة ضباب خلفيه وبدون ماي لينك
من ناحية القطع على حسب القطعه صراحه فيه جهنم وفيه متوسط
مثل الاسطب امامي 3 الاف واشوي اسطبات خلفيه ليد 4700 ريال
غطا الكشاف بلاستك وكروم ب 180 شفت الفرق
علامة شفر 100 ريال
السماعه الوحده 260 ريال
لانها تجميع السياره
الماني الفلاتر وفلتر المكيف والمصفيات والربلات للقطع الداخلية ومبردات القير
وامريكي المحرك وقطع داخلية والكمبرسر وكوري المساعدات والديكور والكروم والعلامات الشفر واللزقات والمساعدات وصيني السماعات والتكايات
وكله تحت مواصفات GM عالية الجودة في مصانعها حول العالم
انتها رئيي والسلام عليكم :xyxthumbs:
http://media.gm.com/content/media/us/en/gm/help.detail.html/content/Pages/news/us/en/2013/Aug/0801-malibu-safety-corporate.html
.
