سلام عليكم و رحمة الله و بركاته
السيارة إذا دقيت لها سلف ما تشتغل بشكل طبيعي تسمع صوت السلف و تدق مرتين أو ثلاث و إذا اشتغلت قبل لا تشتغل الصوت يقطع (و أنا داق سلف لمدة ثانية إلى ثانيتين) و تشتغل و بعض الأحيان تشم ريحة بنزين و بعض الأحيان تكون فيه رجفة
رحت لورشة بأفحص قال ما أقدر أحدد لك إلا بفحص و مبدئيأ المشكلة من الطرمبة أو البخاخات و مادام إنك تقول أحيان و أحيان ما أبغى أفحص لك و تدفع عالفاضي و احتمال ما تظهر المشكلة أرسلني لورشة ثانية ما عندها كمبيوتر و الميكانيكي قال إما الطرمبة أو البخاخات تكشف كمبيوتر أحسن و إذا تبغاني أنظف البخاخات ما عندك مشكلة و السعر كان 200-250 سألته عن منظف البخاخات اللي ينحط مع البنزين إذا ما كنت غلطان قال يفيد بس لازم تمسك خط بعد ما تضيف و أحسن شيء منظف ميتسوبيشي و تويوتا و منظف الفورد تعبان
مع العلم السيارة ركبت لهامكينة قبل 8 شهور و وقتها غيرت البواجي و فلتر الهواء مغيره قبل 4 شهور تقريبا و فلتر البنزين قبل 2.5-4 شهور و السيارة بعد ما ركبت المكينة بالكثير مشيت بها أقل من 10000 أو تزيد شوي أو تنقص شوي تقريبا 9000 كم
مع العلم البطارية غيرتها قبل 4 شهور و دبة التلوث مشيولة ملغية بماصورة و السيارة سوبر بان 2001 و المكينة المركبة(نفسها) لموديل 2005
