ابي رايكم g63 او الرنج روفر الجديد او اذا عندكم خيارات اخرى (جيوب فقط)

الموضوع له سنتين


يغلق

عن تجربة وكالة الناغي اسؤ من مرسيدس

مع العلم اني وجهت مع المرسيدس مشاكل ولكنهم افضل من الرنج بمراحل في الصيانة

المرسيدس تلقى له قطع برا اكثر

لو كنت مكانك اختار المرسيدس

وجهة نظري بارك الله فيك لان المرسيدس سيارة كلاسيك معمرة

القراند شيروكي ما رايكم فيه

مشكوريين جميعا

كلكم تقريبا متفقين ان الرنج روفر اعتماديته اقل

وهذي المشكله

صحيح انه ممتاز كا فخامه وشكل لا يعلى عليه

ولكن الاعتامديه عندي هي الاهم

لأني جربت الاودي وجربت اللكزس

وهذي سيارات اعتاديه درجة اولى

فمااقدر اتنازل عن مستواهم

الاخوان الي قالوا مرسيدس GL

صراحه اقتراح موفق .. شفته ماشاءالله ممتاز

ويمكن اجرب سواقته

بس حسيت انه ينفع كا سيارة عائلية اكثر من شباب

انا اضم صوتي لصوتك


والموتر اسمه مرسيدس GL

وهذي صورته

http://m1.alnaddycdn.com/cars/mercedes-benz/Mercedes_Benz_GL_Class_2013_wallpaper_1342537545.jpg

الفئتين مختلفه تماما

المرسيدس جي سياره مخصصه للطرق الوعره بالدرجه الاولى وذلك لقوة اعتماديتها وتحديها لاصعب التضاريس لذلك تلقى اهل القنص والرحلات البريه الطويله من الشخصيات الكبيره والراقيه في المجتمع معهم هذا النوع من السيارات

اما بالنسبه للرنج روفر فهو جيب مريح المركب مخصص اكثر للمدن والطرق السريعه وكذلك البر على خفيف وهو يقارن مع المرسيدس gl وليس g
ومن هذه الفئه هي مرسيدس gl والرنج روفر والبورس كاين والبي ام x5 هذا للشخصيات الكبيره اللي ماتهمها الفلوس
بالنسبه للاشخاص العاديين وانا منهم فالسيارات المماثله للرنج هي اللكزس والانفينيتي

اما الـ g فيتقارن بالهمر H1 العسكري


تحياتي

اشوف مدام انك تمسك خطوط هي واحد منها
اما جيب رنج وصراحه بس اسمع انهم يقولو خراباته كثير
او جيب بورشه يطربك صح
وذا مره شوف مرسيدس من نوع جيب قريب لفئه الرنج والبورشه مدري وش اسمه بس ذاك شكله مزبوط

شف حبيبي اخوي وخالي معهم جي مرسيدس صراااحة مراتب قاسية تعليق قااسي جدا صوت الهواء يزداد قوة بعد 100 وذلك بحكم التصميم الحااااد من الامام والجوانب والموتر لاغبار عليه مكينه جبارة وقوة ماشاء الله تبارك الرحمن ... موتر رزه وقوة بس عيبه الشغلات الي كلمتك عنها الرنج حلو وهادي ونااعم ويختلف اختلاف كلي حتى بالقيادة عن جي مرسيدس الرنج ختى بالاستخدام اليومي رااايق ومريح عكس مرسيدس ... في نهاية انت الحكم رااعي برااااااان وفرفره ورزه وكرف الكرف مرسيدس والعكس تلاقيه عند رنج داخل مدينه وسواقه هادية ...

السلام عليكم

الاخوان ماقصرو واتفق مع النقاط الخاصة بالمرسدس واللاندروفر
واعتقد ان الوكيل المفروض يوفرلك سيارة للتجربة ليوم او اكثر اذا حس انك جاد بالشراء
البورش ايضاً قد تكون من ضمن الخيارات والبي ام x5
بصراحة الجيوب الي ممكن تتحمل اجواءنا وشوارعنا هي اليابانية
( لكزس او انفنتي )
تتحمل كرف وسعرها معقول مقارنة بالخيارات اعلاه
ولا تنسى الاستخارة
بالتوفيق ومبروك مقدماً

شوف اخوي الغالي

بالنسبة لمرسيدس هي فعلا سياره اعتمادية بالدرجة الاولى ومثل ماقلت انت اكثر الي يركبونها شخصيات هامه

لكن لو ترجع طبيعة هالشخصيات تحصلها شخصيات مائلة للبر ولعلوم الصيد ومن هذه الامور .

والسياره ابدا مركبها غير مريح لغرض تصميمها وغير كذا ماهي حقة سفر .

في المقابل احترم شركة مرسيدس لصنعها سياره بالمواصفات الصلبه والاعتمادية مثل الg

وبالنسبة لرنج روفر ماعليها كلام وشخصيا افضلها على المرسيدس لفخامة ركوبها والنظرة الاجتماعية

والحقيقه شكلها الجميل خاصة الموديل الجديد تحفة فنية من شركة لاند روفر .

تبغا بر يعطيك

تبغا خط يعطيك

تبغا جعص يعطيك

لكن تبغا اعتمادية في هذه انسى الموضوع السياره هذه الاجواء عندنا تنكبها جدا جدا جدا

واعرف كم شخص يمتلك السياره بس موديل اقدم يشتكي من الاعطال الفجائيه وااصيانه الخياليه

باختصار سياره حقة سنتين ثلاثه بدون طلبات وان طلبت الله يعينك بتقروشك

عموما اذا منت راعي بر :

اشور عليك تشوف الكاديلاك اسكليد الجديد ممممممم خيال ياخوي خيال وسعره بنص سعر الرنج روفر الكلاسيك

خط مكدة جمال برستيج اي شي تبيه يعطيك هو .

فكر يالموضوع واعطي نفسك فرصة تسوي مقارنه لاحتياجاتك ومتطلباتك قبل ذوقك وعواطفك

الله يوفقك

اضافات مهمه مشكوور عليها

لكن مسألة الاعتمادية تهمني كثير

لأني ممكن اسافر خط لمسافات بعيده

لكن انت خليتني اميل للرنج شوي

فكرة استئجار الg63

رآآآئعه ،، توني افكر فيها وان شاءالله بسويها

السيارتين فيها فرق كبير
الرنج فخامه وتجديد وايضا قوة............ولكن الاعتماديه اقل
ومن داخل اوسع ..... ومركبه فيها راحه

جي63 كلاسيك جدا و اعتماديه ..........ولكن لا توجد فخامه ولا تجديد
ومن الدخل فيه ضيق......... ومركبه لا توجد راحه فيها

أتمنى أنك تستاجر جي 63 موديل 2013....وتجربه ليوم او يومين
عشان تكون على بينه ويقين مما سوف دفع فلوسك عليه

تراني مثلك ولي فترة وانا اقارن بينهم
ولكن بعد التدقيق الان اميل الى الرنج

لا تنسى صلاة الاستخاره
والله يوفقك

انا معك خرافيه كا شكل ومنظر وقوة مكينة

لكني جربت سواقتها متعبه كأنك راكب جبل

ومشاكلها كثيرة الا اذا كانت الموديلات الجديدة قليلة المشاكل ماعندي فكرة