السلام عليكم ورحمة الله وبركاته
مساء الخير جميع
بصراحة الموضوع ان في حركة (وصخة) سارت قبل 3ايام بعد الاختبار
و السالفة وما فيها اننا قاعدين نختبر الفترة الثانيةمالنا ربع ساعة من بدا الاختبار (طول وعرض ونهايتي طالب ثانوي ههههههههههه) المهم وشوي يمر علينا الوكيل يقول اللي انتهى يقوم اللحين يوقع ويطلع سريع ، طبعا انا 3 دقايق و انا مخلص الاختبار الله يخليني لنفسي <<نرجسية هههه ، الزبدة طلعت الا وذاك العسكري اللي قاعد يسجل مخالفة لواحد من الطلاب وخلص من موتره وجاء للي بعده .. انا نقزت على موتري (ذلك اليوم داومت بموتر الوالد وطاحت براسه ههههههههه ) لانه قدامهم بعد م وصلت لقيت الورقة الصفراء مستقرة تحت المساحة ، ولقيت باقي الشعب زيي .. اثاري خوينا (النجس) شافنا في اختبارات وان الشارع مليان لآخره فاستغل الفرصة واستفرد بالمواتر ( عشان تتصورون الوضع المدرسة ف المربع حول الاحوال و منطقة زحمممممة و من كل جهة دائرة حكومية و المنطقة ذي فيها اربع مجمعات مدارس ،ابتدائي،متوسط،ثانوي ومن الجهة المقابلة مجمع واحد لمدارس البنات يعنني كل اهل الرياض محضرين هنا اوقات الدوامات .. والشارع اللي نتكلم عنه شارع صغير ابو سيدين ويخدم مدرستين مختلفة ومعهد عسكري ، فمن الزحمة الغير طبيعية الشعب ماخذين السيد الايسر موقف لمسافة فوق 300_400 متر ويصير الشارع سيد واحد ومع ذلك مافي مواقف وذا الكلام قديم يعني اقل شيء 20_25 سنة والوضع كذا معروف لان المنطقة قديمة شوي)
جاء مروق ووقف الموتر آخر الشارع وبدا مخالفات سيارة سيارة واكلها طلابنا وطلاب المدرسة الثانية و العسكر .. اتوقع فوق 40_50 سيارة !!!!!
يعني امداه خلص دفاتر مخالفات ..
انا اول م شفت الوضع كذا اول شيء دورت عليه موتره لاني ادري انه م بيلقاله موقف و ادور ادور لقيته واقف زي بس آخر الشارع م امداني اوصل له الا وحرك لما شافنا طلعنا ..
طبعاً انا كنت ناوي اقفل عليه من قدام واخلي واحد من العيال يوقف من وراه وصدام بصدام ونطفي مواترنا ونخليه ينقع !! وش يقدر يسوي ؟؟ وقوف خاطئ واخذينا !!! وندق ع المرور او الدوريات وينتظر لين يجون وياخذ زي ما خذينا بس عاد زي م قلت لكم راح ..
ابغى اعرف لو سويتها وش ممكن يقدر يسوي ؟؟
و وش رايكم في تصرفه السيئ و غدرته ؟؟
