مازدا 6 2014 vs نيسان ألتيما 2013

دامك وصلت لمبلغ المية الف زيد عليها 5 الالف وخذ التيما 6 سلندر افضل لك

اول شي سلام عليكم
وصراحه قاعد اتفرفر في قوقل ودخلت منتداكم وسجلت فيه بس عشان اخر ردد ولي جد يقهر
تعرف اني من شهر رمضان شاري سيارلت من وكاله المازدا وحده مازدا6 فول وثانيه مازدا cx5 فول ولحد احين ماسلموني وياهم دفعه متاخره وخبروني انه هذا الاسبوع بستلم بعد ما كرهت سيارات بسبب الانتضار علما بأن اول مره انتصر في وكاله هدي الفتره طويله في سنة 2004 خديت لمينا اس اس فول ابشن مواصفات خاصه طلبيه فيها بعض الاضافات ما كانت موجوده وفي شهر جابوها وكملو اجرائتها طبعا اتكلم عن وكاله البحرين

أشكرك أخوي على المعلومات القيمة وغير مستغرب على شركة كبيرة مثل مازدا "أفضل سيارة يابانية برأيي بعد التجربة"
ولكن صادفتني مشكلة أخرى أمس حيث أنني قررت اني أخذ مازدا 6 ولما راجعت الوكالة قالولي مافي سيارات الا لحد شهر ابريل يعني بعد 3 شهور!!!!!
يا ريت يا شباب الا عنده خلفيه وين ممكن أحصل السيارة يعني هل ممكن أحصلها خارج الوكالة؟؟

اضيف على كلام الشباب وإن شاء الله ردي ما كان متأخر

سبب اختياري للمازدا (للمرة الثانية) هو المواصفات مقابل السعر

سعرها عندنا في البحرين 10500 دينار (ما يعادل 105000 ريال) مع صيانة مجانية لمدة 3 سنوات أو 60 ألف كيلومتر، وضمان 3 سنوات أو 100 الف كيلومتر، وضمان ممدد 50 الف كيلو زيادة بعد انتهاء الضمان الأصلي بوقت مفتوح، ومواصفاتها هي:

1. محرك سعة 2.5 بقوة 184 قوة جبارة عن تجربة وتسارع إلى 100 يصل إلى 7.3 ثواني فقط! وما صدقت الا بعد تجربة
2. صرف البترول جداً حلو ومريح
3. السيارة مريحة في الشارع وليست بذيك القساوة، مقارنة بالجيل السابق (مازدا ألترا) وخصوصاً المقاعد الجديدة
4. شاشة دي في دي مع نظام ملاحة وكاميرا خلفية ونظام سمعي Bose مع 11 سماعة
5. ثبات السيارة في الشارع خرافي مع إطارات بحجم 19 إنش ونظام المقود المريح والدقيق مع التبديل من خلفه، ونظام DSC (التحكم الديناميكي في الثبات)
6. نظام النقطة العمياء متطور ويختلف عن باقي السيارات حيث يصل مداه إلى 50 متر في الخلف بعكس السيارات الثانية 8 متر فقط، والسبب ان الرادار الخلفي يرصد سرعة السيارة الخلفية وكل ما زادت السرعة يشتغل النظام من مسافة ابعد
7. نظام التنبيه بالخروج من المسار مع الضبط على 3 مستويات (تنبيه مبكر، متوسط، متأخر)
8. نظام مثبت السرعة بالرادار الخاص بمازدا واللي تقدر تضبط المسافة بينك وبين السيارة اللي في الأمام على 4 مستويات، من 40 متر إلى 25 متر
9.نظام الفرامل الذكية (SBS) اللي يخلي السيارة تخفف الاصطدام او توقف تلقائياً إذا كان امامك سيارة متوقفة بشكل مفاجئ
10. نظام الإضاءة الأمامية من نوع (زينون) عالي وواطي مع وضعية أوتو وLED نهاري وخاصية HBC أو التحكم بالنور العالي الاوتوماتيكي (إذا كان الطريق ظلام تلقائياً يشتغل النور العالي واذا قربت من سيارة او جات سيارة بالاتجاه المعاكس الانوار تخف) وميزة AFS النور يلف مع حركة المقود والتحكم الاوتوماتيكي بارتفاع او انخفاض الأنوار على حسب زاوية السيارة

والقرار الأخير بيدك

وبس :p

أشكركم جميعا لتفاعلكم الجاد مع الموضوع وأبلغكم انه تم صرف النظر عن الألتيما 2013 لكثرة المشاكل والمعاملة السيئة صراحة من الوكالة..
قد تكون الدفعة الأخيرة خالية أو قليلة المشاكل لكن تعامل الوكالة جدا سيييئ.

موديل 2013 فيه عيوب مصنعية والوكيل يرفض الإصلاح مع انه معترف بها ويتم اصلاحها بأمريكا ( سيارات نيسان عندنا مصنوعة بأمريكا وتعاني من نفس المشكلة ) ..

شيك على هالرابط \ http://www.nissan-arabia.com/vb/forumdisplay.php?f=26

وشف المواضيع اللي تتكلم عن العيسى ومشاكله بالصفحة الأولى والثانية , نصيحتي لك وخر عن 2013 وانتظر الى 2014 أو غير السيارة نهائيا لأنك بتكره عمرك وأنت تطارد ورى العيسى.

الألتيما الستة سلندر نص فل بـ 86400 ريال 2013 اما الماكسيما الستاندرد بـ 105000 ريال على كلام الوكالة من اسبوع ولا الماكسيما سيارة أكثر من رائعة وسعرها فيها.

مادام وصلت للالتيما فئة السته سلندر ليش ما تفكر بالماكسيما افضل كشكل و مواصفات و محرك اقوى

لو تعرف مواصفات الستة سلندر نص فل SV كاااملة يا ريت تفيدنا

ليش أخوي وش مشاكلها الألتيما 2013 وهل في شئ حسنوه بالموديل الجديد؟؟

أشكركم جميعا على التفاعل مع الموضوع الصراحة تبين لي امور كثيرة عن السيارتين ولكن يبقى لي سؤال على الأليتما وهو:
هل يأتي نظام النقطة العمياء ونظام تنبيه الأجسام المتحركة لفئة الألتيما 6 سلندر نص فل SV??
لأنه الفرق بسيط بين فل اربعة سلندر ونص فل ستة سلندر بالمواصفات والسعر

كأحد ملاك التيما 2013 اقول لك وخر عن هالموديل واذا تبي التيما خذ التيما 2014 والله يعينك على سوء الوكيل ..

خذ لك نظرة على منتدى نيسان ارابيا قسم الالتيما وبيوضح كل شيئ , بالتوفيق.

^^^^^
معقولة نزل سعر الالتيما السته سلندر الفل لانها كانت ب 119 الف درهم.

هلا بالشباب

بالنسبة لي السيارتين أنا جربتهم و اﻹختيار صعب ﻷن كل واحدة فيها مميزات خاصة فيها، بالنسبة لي أميل للألتيما أكثر و خصوصا الستة سلندر ﻷن ثمنها عندنا في اﻹمارات 106 ألف درهم و المازدا فل أربعة سلندر ب 110 ألف درهم، جرب السيارتين و شوف أي واحدة تمشي مع متطلباتك و ميزانيتك و توفر الوكيل و قطع الغيار في منطقتك و توكل على الله ولا تنسى اﻹستخارة.

وتقبل مروري

Altima Forever

أنا رحت على الوكالة أعرفها زين وكنت ناوي على السته السلندر واعرف مواصفاتها زين وعندي كتلوج السياره وشفت وأربعة سلندر الفل ما كان فيها لا فتحه ولا جلد وكانت فقط في السته الفل هذا في دبي ما ادري اذا نزلت 2014 واختلفت مواصفاتها.

يوجد أخي الكريم كل ما ذكرته بوكيل دبي والامارات الشمالية الشركة العربية للسيارات يمكنك التأكد بنفسك وهذا حسب كلام الموظف ايضا .

في نوع اسمه N-Plus وهو عبارة عن باقة تضيفها للسيارة حسب كلام الموظف اما انك تاخذ السيارة بفتحة ومقاعد مخمل وملاحة وكاميرا منفصلة عن الشاشة وتشغيل عن بعد بـ 74 الف

او انك تأخذها بمقاعد جلد وبملاحة وكاميرا ومثبت سرعه بدون فتحة بـ 98 الف شاملة التسجيل والتامين لمدة سنة .

يمكنك التاكد من خلال 0097143390999

ولدى كتالوج السيارة ومذكورة فيه المواصفات وكتبتها منه .

اما وكيل ابوظبي والعين والمنطقة الغربية يوفرها بنوع واحد للفل وبسعر مرتفع


لك اخي الكريم تأكيدا على ذلك من موقع نيسان دبي عن باقة N-Plus

العاب بنات

^^^^^^^
في الامارات الفل اربعه سلندر بدون فتحه ولا جلد شكلك ما شفت السياره على الطبيعة وسعرها مبالغ فيه 96 الف درهم لأربعة سلندر